40. यीशु को क्रूस माथे चढ़ायो जावे

यीशु रो ठट्ठा करणे रे पचे, सैणिक उणे क्रूस माथे चढ़ावणे रे वास्ते लेगा। वे उण क्रूस को उणी सू उठवायो जिण माथे वो मरेळा।

वे सैणिक यीशु को उण जागा माथे लेयणे आया जको "खोपड़ी" केहलावतो अर उणरे हाथों अर पगो को क्रूस माथे ठोक दियो। पण यीशु कियो, "हे पिता, आणे माफ कर, क्यूके ए नी जाणे कि ए कई करे।" वे एक तख्ती को भी उणरे माथा रे माथे टांग दियो। उण माथे लिखियो, "यहूदियों रो राजो।" पिलातुस ने उणसे ओईज लिखणे रे वास्ते कियो।

तबे सैणिकों ने यीशु रे गाबो रे वास्ते चिट्ठियाँ नेकी। जद वे ऐणों किदो तो वे उण भविष्यद्वाणी को पूरो किदो जको केवती हेती, "वे मारे गाबो को आपस माय बाँट लियो, अर मारे गाबो रे वास्ते चिट्ठियाँ नेकी।"

वटे दो डाकू भी हेता, जिणको सैणिकों ने उणी वेळा माथे क्रूस माथे चढ़ायो। वे उणको यीशु रे दोई पाड़े राखियो। उणमायऊ एक डाकू ने यीशु रो मजाक उड़ायो, पण दुजोड़ो कियो, "कई थू नीडरे कि परमेश्वर थने दंड देळा? म्हा घणाही खोटा कामों को करणे रा दोषी व्हा, पण ओ मीनक निरदोष व्है।" पाचे उणने यीशु ऊ कियो, "जद थू थारे राजीय माय आवे तो किरपा कर मणे याद राखजो।" यीशु ने जबाब दियो, "आज ही थू मारे साथे सरगलोक माय व्हेळा।"

यहूदी अगुवों अर भीड़ रे दूजा लोगों ने यीशु रो मजाक उड़ायो। वे उणसू कियो, "जदि थू परमेश्वर रो बेटो व्है, तो क्रूस सू नीचे उतर आ अर खुद को बचाय ले! तबे म्हा थारे माथे विश्वास कराळा।"

तबे उण सगला देश रो आकाश पूरी तरेह ऊ काळो व्हेगियो, भळे ही वो दिण रे भीचळी वेळा हेती। ओ दोपारा रे वेळा काळो व्हियो अर तीन घनटा ताई ऐणों ही रियो।

तबे यीशु ने पुकार कर कियो, "पूरो व्हियो! हे पिता, म्हु मारो जीव थारे हाथों माय सौंपू हूँ।" तबे उणने खुदरे माथे को झुकायो अर खुदरा पराण को तियाग दियो। जद वो मरियो तो एक भूकम्प आयो। वो मोटो परदो जको परमेश्वर री हाजरी सू लोगों को अलग करतो ऊपर ऊ नीचे री ओर फाटणे दो भाग व्हेगियो।

खुदरी मरतू रे द्वारा, यीशु ने लोगों रे वास्ते परमेश्वर रे कणे आणे रो मारग खोल दियो। जद यीशु री निगराणी करणे वाळे एक सैणिक ने जको की रियो वो सगळो देखियो तो उणने कियो, "निश्चित रूप सू, ओ मीनक निरदोष थो। ओ परमेश्वर रो बेटो व्है।"

तबे यूसुफ अर नीकुदेमुस नाम रा दो यहूदी अगुवे आया। वे विश्वास करता कि यीशु ही मसीह हेतों। वे पिलातुस सू यीशु रे शरीर को माँगियो। वे उणरे शरीर को गाबा माय लपेटियो। तबे वे उणे एक चट्टान मायऊ काट कर बणाई गई कब्र माय ले गिया अर उणरे भीतर रख दियो। तबे वे उण कब्र रे द्वार को बंद करणे रे वास्ते एक मोटो भाटो लुढ़का दियो।