41. परमेश्वर यीशु को मरियोड़ा मायऊ जिलावे

सैणिकों द्वारा यीशु को क्रूस माथे चढ़ाणे रे पाचे, यहूदी अगुवों ने पिलातुस सू कियो, "उण झूठे, यीशु ने कियो थो कि वो तीन दिणों रे पचे मरियोड़ा मायऊ जी उठेळा। किणी को ओ निश्चित करणे रे वास्ते कब्र री निगराणी करणी व्हेळा कि उणरा चेळा उणरे शरीर को चोरणे नी ले जावे। जदि वे ऐणों करे तो वे केवेळा कि वो मरियोड़ा मायऊ जी उठियो व्है।"

पिलातुस कियो, "थोड़ाक सैणिकों को ले जावो, अर जैणों थे कर सको वैणों कब्र री निगराणी करो।" इणवास्ते वे उण कब्र रे परवेश द्वार रे भाटा माथे एक मोहर लगाई दी। वे ओ निश्चित करणे रे वास्ते वटे सैणिकों को भी बैठाय दियो कि कुणी भी उणरे शरीर को चुराई नी सके।

यीशु रे मरणे रे पचे रो दिण सब्त रो दिण हेतो। कुणी भी सब्त रे दिण काम नी कर सकतो, इणवास्ते यीशु रो कुणी भी साथी कब्र माथे नी आयो। पण सब्त रे पचे रे दिण, सुबेह घणी भोर रो, थोड़ीक लुगाया यीशु री कब्र माथे जाणे रे वास्ते तैयार व्हिह। वे उणरे शरीर माथे भळे भी मसाळो लगावणों चावती।

उण लुगाया रे पूगणा सु पेहळा, कब्र माथे एक मोटो भूकम्प व्हियों। सरग सू एक सरगदूत ने आयणे उण भाटा को लुढ़काय दियो जको कब्र रे परवेश द्वार को ढाँकियोडो हेतो अर उण माथे बैठ गियों। ओ सरगदूत उजियाळे रे समाण चमक रियोथो। कब्र माथे जको सैणिक हेता वे उणे देखियो। वे इतरा डर गिया कि मरियोड़ा रे ज्यू जमी माथे पड़गा।

जद वे लुगाया कब्र माथे पुगी तो उण सरगदूत ने उणसू कियो, "मती डरो। यीशु यटे नी व्है। वो मरियोड़ा मायऊ जी उठियों व्है, जैणों कि उणने कियो कि वो जी उठेळा! कब्र में खोजळो अर देखळो।" उण लुगाया ने कब्र रे माय अर जटे यीशु रो शरीर रखियोड़ो हेतो वटे खोजियो अर देखियो कि उणरो शरीर वटे नी हेतो!

तबे उण सरगदूत ने उण लुगायों सू कियो, "जायणे उणरे चेलों को भताओ, 'यीशु मरियोड़ा मायऊ जी उठियों व्है अर वो थ्हारे धके-धके गलील को जावेळा।'"

वे लुगाया अचम्बो करियों अर घणी राजी व्हिही। वे चेलों को ओ शुभ संदेश सुनाणे रे वास्ते दौड़ीं।

जद वे लुगाया चेलों को ओ शुभ संदेश बताणे रे वास्ते अपअणे मारग माथे हेती, तो यीशु उण माथे परकट व्हियों। वे उणरे पगो माय पड़गी। तबे यीशु कियो, "मती डरो। जायणे मारे चेलों सू गलील जाने रो केवो। वे वटे म्हणे देखेंळा।"