42. यीशु सरग को पधारे

जिण दिण परमेश्वर ने यीशु को मरियोड़ा मायऊ जीवतो किदो, उणरे दो चेळा कणेरे गाँव माय जावता। चालतोड़ा वे यीशु रे साथे जको व्हियो। उणरे बारे माय बांता करता, वाणे आशा हेती कि वो मसीह हेतो, पण तबे भी वो मार डालियो गियों। अबे वे लुगाया केवती कि वो पाचो जीवतों व्हेगियों। वे नी जाणता कि किण बात माथे विश्वास करणों व्है।

यीशु उणरे कणे आयणे उणरे साथे चालणों शरू किदो, पण वे उणे पेहचाण नी पायो। उणने पूछियो कि वे किण बारे माय बात करे। वे उणे लाले दिणों माय यीशु रे साथे व्हियोडी सगळी घटणा रे बारे माय बतायो। वे सोचियो कि वे किणी परदेशी सू बातें करे जको नी जाणतो कि यरूशलेम माय कई व्हियो।

तबे यीशु उणको समझायो कि परमेश्वर रो वचन मसीह रे बारे माय कई केवे। घणाई पेहले, भविष्यद्वक्ताओं ने कियो कि भुन्डा मीनक मसीह को पीड़ित करेंळा अर मार डालेंळा। पण भविष्यद्वक्ताओं ने ओ भी कियो कि वो तीजे दिण जी उठेळा।

जद वे उण नगर माय पुगिया जटे वे दो जण ठेहरणों चावता, तबे ताई ळगभग शाम व्हेगी। वे यीशु को उणरे साथे ठेहरणे रे वास्ते निवतियो, अतः वो उणरे साथे एक घर माय गिया। खुदरे शाम रो भोजण को खाणे रे वास्ते वे बैठ गिया। यीशु ने एक रोटी को लेयणे उणरे वास्ते परमेश्वर रो धनवाद दियो, अर पचे उणे तोडियो। एकाएक सू, वे जाण लियो कि वो यीशु हेतों। पण उणी वेळा, वो उणरी आँखियो सू ओझल व्हेगिया।

उण दोई जणों ने एक दूजे ऊ कियो, "वो यीशु हेतो! इणवास्ते जद उणने अपाणे परमेश्वर रे वचन को समझायो तो आपा घणा उत्साहित हेता!" हाथोहाथ ही, वे निकलणे पाचा यरूशलेम गिया। जद वे पुगिया तो वे चेलों को बतायो, "यीशु जीवतो व्है! म्हाने उणे देखियो!"

जद चेळा बात करता, यीशु एकाएक सू उण कमरा माय उणरे साथे परकट व्हियो। उणने कियो, "थाणे शान्ति मिले!" चेळा सोचियो कि वो कोई भूत हेतो, पण यीशु ने कियो, "थे क्यू डरो? थे ओ क्यू नी सोचो हो कि ओ सचमुच में म्हु, यीशु हूँ? मारे हाथों अर पगो को देखो। भूतों रे कणे ऐणों शरीर नी रेवे जैणों मारे कणे व्है।" ओ दिखाणे रे वास्ते कि वो कोई भूत नी हेतो, उणने खाणे रे वास्ते की माँगियो। वे उणे मछली रो एक टुकडो दियो, अर उणने उणे खाई लियो।

यीशु ने कियो, "मारे बारे माय परमेश्वर रो वचन जकोई भी केवे वो घटित व्हेला। म्हु थाणे बता दियो कि इणरो रेवणों जरूर व्है।" तबे यीशु ने उणको परमेश्वर रो वचन बढ़िया ऊ समझायो। उणने कियो, "घणाही पेहले भविष्यद्वक्ताओं ने लिखियो कि मुझ, मसीह को दुःख उठाणों व्हेळा, मरणों व्हेळा अर पचे तीजे दिण मरियोडा मायऊ जी उठणों व्हेळा।"

उण भविष्यद्वक्ताओं ने ओ भी लिखियो कि म्हारा चेळा परमेश्वर रे वचन री घोषणा करेंळा। वे हरेक को पश्चाताप करणे रे वास्ते बतावेळा। जदि वे ऐणों करे तो परमेश्वर उणरे पापों को क्षमा करेळा। म्हारा चेळा इण सणदेश रो परचार करणों यरूशलेम सू शुरू करेंळा। तबे वे सगळी जागा सगळी जातियों माय जावेळा। थे लोग मारी हरेक बात अर काम रे गवाह हो जको म्हु कियो अर किदो, अर उण सगळा के भी जको मारे साथे व्हियो।

धकळा चालीस दिणों रे दौराण, यीशु खुदरे चेळो माथे केई भळा परकट व्हियो। एक भळा तो वो एक ही वेळा माथे 500 सू हळा लोगों माथे परकट व्हियो! उणने अपणे चेलों माथे केई तरीकों ऊ साबित किदो कि वो जीवतों हेतो, अर उणने उणको परमेश्वर रे राजीय रे बारे माय शिकसा दीदी।

यीशु ने अपणे चेलों सू कियो, "परमेश्वर ने म्हणे सरग अर धरती रे हरेक जन माथे शासन करणे रो हक दियो। इण वास्ते अबे म्हु थारु सू केवु हूँ: जायणे सगळी जातियों रे लोगों को चेला बणाओ। ऐणों करणे रे वास्ते, थे उन्हें पिता, पुत्र, अर पवित्र आत्मा रे नाम सू बपतिस्मा देणों व्है। जकोई भी म्हु थाणे हुकम दीदों उण सगळी बातों को मानणों भी थे वाणे सिखाणों व्है। याद राखजो, म्हु रोजीणा थाणे साथे रेहूँळा।"

यीशु रे मरियोड़ा मायऊ जी उठणे रे चालीस दिणों रे पचे, उणने अपणे चेलों सू कियो, "जद ताई कि म्हारो पिता थाणे सामरथ नी देवे तबे ताई यरूशलेम माय ठेहरियोड़ा रेवो। वो थाणे माथे पवितर आतमा भेजणे रे द्वारा ऐणों करेळा।" तबे यीशु सरग माय चळो गियो, अर एक बादळ ने उणे उणरी नजरों सू लुकाई दियो। सरग माय यीशु सगळी चीजों माथे शासण करणे परमेश्वर रे दाई पाड़े बैठ गियो।