44. पतरस अर यूहन्ना एक भिखारी को चंगा करे

एक दिण, पतरस अर यूहन्ना मंदिर माय गिया। एक अपंग मीनक भीख माँगणे रे वास्ते फाटक माथे बैठो हो।

पतरस उण लंगड़े मीनक रे धकिणे देखियो अर कियो, "मारे कणे थणे देणे रे वास्ते पिसा तो नी व्है। पण जको मारे कणे व्है वो म्हु थणे देवु। यीशु रे नाम सू, उठ अर चाल-फिर!"

एकाएक ही, परमेश्वर ने उण लंगड़े मीनक को चंगो कर दियो। उणने अटिने-ऊटीने चालणों अर कूदणों, अर परमेश्वर री स्तुति करणों शरू कर दियो। मंदिर रे आँगन माय हाजिर लोग अचम्भो करियों।

भेगों ही लोगों री एक भीड़ उण मीनक को देखणे रे वास्ते आई जको चंगो व्हेगियों। पतरस ने उणसू कियो, "ओ मीनक ठीक है, पण इण बात माथे अचम्भो मती करो। म्हाणे इणे अपणी शक्ति सू चंगो नी किदो, या इण वास्ते नी कि म्हा परमेश्वर रो आदर करा। बल्कि, वो यीशु व्है जिणने इण मीनक को अपणी शक्ति सू चंगो किदो, क्यूके म्हा यीशु माथे भरोसो करा।"

वो थेईज हो जको उण रोमी राजीयपाल को यीशु को मार डालणे रे वास्ते कियो हेतों। थे उणे मार डाळियो जको सगळा को जीवण देवतों। पण परमेश्वर ने उणे मरियोड़ा मायऊ जीवतों किदो। थे नी समझिया कि थे कई कर रिया व्हेओ, पण जद थे उण कामों को करता, तो जको भविष्यद्वक्ताओं ने कियो वो पूरो व्हियों। वे कियो थो कि मसीह दुःख उठावेळा अर मर जावेळा। परमेश्वर ने इणे इण तरीका सू होणे दियो। इण वास्ते अबे, पश्चाताप करो अर परमेश्वर रे धकिणे फिरो, ताकि वो थाणे पापों को धोईणे साफ कर देवे।

जद मंदिर रे अगुवों ने पतरस अर यूहन्ना को सुणियो, तो वे घणा घबराईगा। इण वास्ते वे उणको गिरफ्तार करपरा जेळखाणे माय डाळ दियो। पण जको पतरस ने कियो उण माथे घणाई मिनको ने विश्वास किदो। यीशु माथे विश्वास करणे वाळो की संख्या बढ़परी ळगभग 5,000 व्हेगी।

धकळे दिण, वे यहूदी अगुवे पतरस अर यूहन्ना को महायाजक अर दूजा धार्मिक अगुवों रे सामी लेयणे आया। वे उण मीनक को भी लेयणे आया जको अपंग हेतो। वे पतरस अर यूहन्ना सू पूछियो, "किण अधिकार सू थे उण अपंग मीनक को चंगो किदो?"

पतरस ने जबाब दियो, "ओ मीनक जको थाणे सामी ऊबो व्है उणे यीशु मसीह रे सामरथ रे द्वारा चंगो किदो गियो। थे यीशु को क्रूस माथे चढ़ा दियो, पण परमेश्वर ने उणे पाचो जीवतों कर दियो! थे उणे अस्वीकार कर दियो, पण यीशु रे सामरथ रे माध्यम रे अळावा उद्धार पाणे रो कोई दूजो मारग नी व्है!"

वे अगुवे हैराण हेता कि पतरस अर यूहन्ना ने घणों साहसी रूप ऊ बात किदी। वे देखियो कि ओ साधारण मीनक हेतो जको कि अनपढ़ हेतो। पण पचे उणको याद आयो कि ओ मीनक यीशु रे साथे रेवतों। इण वास्ते वे उणसू कियो, "म्हा थाणे घणों हलो दंड देंवाळा जदि थे इण मीनक यीशु रे बारे माय मिनको को भेर अर सणदेश देवो।" ऐणी घणी ही बाता केवणे रे पचे, वे पतरस अर यूहन्ना को जाणे दियो।