45. स्तिफनुस अर फिलिप्पुस

पेहळो मसीही अगुवों रे बीच माय स्तिफनुस नाम रो एक मीनक हेतो। सगळा मीनक उणरो आदर करता। पवितर आतमा ने उणे घणों सामरथ अर बुद्धि परदान किदी। स्तिफनुस ने घणाई चमत्कार किदा। जद उणने यीशु माथे भरोसो करणे रे बारे माय उणको शिकसा दीदी तो घणाई मिनको ने उण माथे विश्वास किदो।

एक दिण, स्तिफनुस यीशु रे बारे माय शिकसा देवतों, अर थोड़ाक ऐणा यहूदी आया जको यीशु माथे विश्वास नी किदो अर उणरे साथे वाद-विवाद करणों शरू कर दियो। वे घणा क्रोधित व्हेगिया, इण वास्ते वे धारमिक अगुवों रे कणे गिया अर उणरे बारे माय झूठ बोळियो। वे कियो, "म्हाणे स्तिफनुस को मूसा अर परमेश्वर रे बारे माय भुन्डी बाता बोळतोड़ो सुणियो!" इण वास्ते धारमिक अगुवों ने स्तिफनुस को गिरफ्तार कर लियो अर उणे महायाजक अर यहूदियों रे दूजा अगुवों रे सामणे लेयणे आया। अर भी झूठा गवाह आया अर वे स्तिफनुस रे बारे माय झूठ बोळियो।

महायाजक ने स्तिफनुस सू पूछियो, "कई ये मीनक थाणे बारे माय साच केवे?" स्तिफनुस ने महायाजक को जबाब देणे रे वास्ते घणी बातों को बोळणों शरू कर दियो। उणने कियो कि अब्राहम रे वेळा सू यीशु रे वेळा ताई परमेश्वर ने इस्राएल रे लोगों रे वास्ते घणा अनोखा काम किदा। पण मिनको ने रोजिणा परमेश्वर री अनाज्ञाकारिता किदी। स्तिफनुस ने कियो, "थे लोग परमेश्वर रे खिलाफ हठीले अर बलवा करणे वाळा व्हो। थे रोजिणा पवितर आतमा को अस्वीकार किदो, जैणे कि आपाणे बढ़ेरों ने रोजिणा पवितर आतमा को अस्वीकार किदो अर रोजिणा उणरे भविष्यद्वक्ताओं को मार डाळियो। पण जको वे किदो उणरी तुळणा माय थे अर भी खोटों किदो! थे मसीह को मार डाळियो!"

जद उण धारमिक अगुवों ने ओ सुणियो, तो वे इतरा रीस गिया कि वे खुदरे कानों को बंद कर लिया अर ऊँची आवाज माय हाको कीदो। वे स्तिफनुस को घसीट परा नगर सू बाहरे लेइगा अर उणे मार डालणे रे वास्ते उणे भाटा मारिया।

जद स्तिफनुस मर तोड़ो, वो पुकार उठियो, "हे यीशु, मारी आतमा को गेहण कर!" तबे वो खुदरे घुटणों माथे गिर पडियो अर पाचो पुकार उठियो, "हे प्रभु, ओ पाप उण माथे मती लगाइजे।" तबे वो मरगो।

उण दिण, यरूशलेम माय रेवणे वाळे घणाई लोगों ने यीशु रे अनुयायियों को सताणों शुरू कर दियो, इणवास्ते विश्वासी लोग दुजी जागा नाईगा। पण इणरे पछे भी, जटे कटी भी वे गिया वे यीशु रे बारे माय परचार किदो।

फिलिप्पुस नाम रो यीशु रो एक विश्वासी हेतो। जैणों कि दूजा घणाई विश्वासियों ने किदो वो भी यरूशलेम सू नाईगो। वो सामरिया रे छेतर माय गिवरो। वटे वो लोगों माय यीशु रे बारे माय परचार किदो। घणाई लोगों ने उण माथे विश्वास किदो अर उद्धार पायो। एक दिण, फिलिप्पुस रे कणे परमेश्वर रे धकिऊ एक सरगदूत आयो अर उणसे जंगल माय जाणे रे वास्ते, अर एक हड़क माथे चाळणे रे वास्ते कियो। फिलिप्पुस वटे गियो। जद वो उण हड़क माथे चाळतो, तो उणने एक मीनक को खुदरे रथ माय जातोड़ो देखियो। ओ मीनक कूश देश रो एक महत्वपूर्ण अधिकारी हो। पवितर आतमा ने फिलिप्पुस ऊ कियो कि जायणे उण मीनक रे साथे-साथे हाळ।

इणवास्ते फिलिप्पुस रथ रे कणे गियो। उणने सुणियो कि वो कूशी परमेश्वर रे वचन को पढ़े। जको यशायाह भविष्यद्वक्ता ने लिखियो थो वो उणे पढ़तो। वो पढ़तो, "वे उणे वध की जाणे वाळी भेड़ रे समाण ले गियो, अर जैणों एक मेमणों शान्त व्हे, उणने भी एक शबद नी कियो। वे उणके साथे अनुचित व्यवहार किदो अर उणरो माण नी किदो। वे उणरा पराण ळे लिया।"

फिलिप्पुस ने उण कूशी ऊ पूछियो, "जको थू पढे कई थू उणे समझे भी है?" उण कूशी ने जबाब दियो, "कोणी। जद ताई कुणी इणे मणे नी समझावे, तबे ताई म्हु इणे नी समझ सकू। किरपा करपरा मारे कणे आयणे बैठ। यशायाह ओ खुदरे बारे माय लिखियो या किणी दूजा रे?"

फिलिप्पुस रथ माथे चढ़परो बैठ गियो। तबे उणने उण कूशी मीनक को वो बतायो जको यशायाह ने यीशु रे बारे माय लिखियो। फिलिप्पुस ने परमेश्वर रे वचन रे घणाही दुजा भागों री भी चरचा किदी। इण तरेह सू, उसणे उण मीनक को यीशु रे बारे माय शुभ संदेश सुणायो।

फिलिप्पुस अर वो कूशी चलतोड़ा पाणी रे कणे आया। उण कूशी ने कियो, "देख! अटे पाणी है! कई म्हु बपतिस्मा ले सकू?" अर उसणे सारथी सू रथ को रोकणे रे वास्ते कियो।

अतः वे पानी में चले गए, और फिलिप्पुस ने उस कूशी को बपतिस्मा दिया। जब वे पानी से बाहर आए, तो अतः वे पाणी माय गिया, अर फिलिप्पुस ने उण कूशी को बपतिस्मा दियो। जद वे पाणी सू बाहरे आया, तो पवितर आतमा एकाएक ही फिलिप्पुस को उठायणे किणी दुजी जागा को लेगी। वटे फिलिप्पुस ने लोगों को यीशु रे बारे माय बताणो जारी राखियो।

वो कूशी खुदरे घर री यात्रा माथे आगे बढ़ गियो। वो राजी हेतो कि वो अबे यीशु को जाणतो।