46. पौलुस मसीही विशवासी बणे

शाऊल नाम रो एक मीनक हेतो जिणने यीशु माथे विशवास नी किदो। जद वो जवान हेतो, तबे उणने स्तिफनुस को मारणे वाळे ळोगों रे गाबो री निगरानी किदी। पाचे, उणने विशवासियों को सतायो। उणने यरूशलेम माय घर-घर जायणे मीनक व लुगाया दोनों को गिरफ्तार करपरो जेळखाणे माय डाल दियो। तबे महायाजक ने शाऊल को दमिश्क नगर माय जाणे री अनुमति दीदी। उणने वटा रे मसीहियों को गिरफ्तार करणे अर उणको पाचा यरूशलेम लेयणे आणे रे वास्ते शाऊल सू कियो।

अतः शाऊल ने दमिश्क जाणे री यातरा शरू किदी। उण नगर को पोचणे सू थोडोही पेहळा, उणरे चारों मेर आकाश सू एक उज्जवल परकाश चमकियो, अर वो जमि माथे गिर पडियो। शाऊल ने किणी को केवतोड़ो सुणियो, "हे शाऊल! हे शाऊल! थू म्हणे कियू सतावे?" शाऊल ने पूछियो, "हे प्रभु, थे कुण हो?" यीशु ने उणे जबाब दियो, "म्हु यीशु हूँ। थू म्हणे सतावे!"

जद शाऊळ उठियो तो वो देख नी सकतो। उणरा साथी उणको दमिश्क माय लेयणे गिया। शाऊल ने तीण दिण ताई की भी खायो या पिदो कोणी।

दमिश्क माय हनन्याह नाम रो एक चेळो हेतो। परमेश्वर ने उणसू कियो, "उण घर को पधार जटे शाऊल रुकियो। अपणे हाथों को उण माथे रख ताकि वो पाचो देखणे ळागियो।" पण हनन्याह ने कियो, "हे प्रभु, मैंने सुणियो कि इण मीनक ने विशवासियों को किकर सतायो।" परमेश्वर ने उणे जबाब दियो, "जा! मैंने उणे यहूदियों माय अर दूजी जातियों के लोगों माय मारे नाम री घोषणा करणे रे वास्ते चुणियो। वो मारे नाम रे वास्ते घणों दुख सेवेळा।"

अतः हनन्याह शाऊल रे कणे गियो, खुदरे हाथों को उण माथे राखियो, अर कियो, "यीशु ने, जो अटे आणे रे थारे मारग माय थारे माथे परकट व्हीयो, म्हणे थारे कणे भेजियो ताकि थू पाचो देखणे ळागे, अर पवितर आतमा थणे भर देवे।" हाथोहाथ ही शाऊल पाचो देखणे माय सकसम व्हे गियो, अर हनन्याह ने उणे बपतिस्मा दियो। तबे शाऊल ने भोजण किदो अर पाचो बलवंत व्हे गियो।

तभी सू, शाऊल ने दमिश्क माय रेवणे वाळे यहूदियों माय परचार करणो शरू कर दियो। उणने कियो, "यीशु ही परमेश्वर रो बेटो व्है!" यहूदी ळोग अचम्भो करियो, क्यूके शाऊल ने तो विशवासियों को मार डालणे रो परयास किदो हेतो, पण अबे उणने यीशु माय विशवास किदो। शाऊल ने यहूदियों रे साथे वाद-विवाद किदो। उणने दिखायो कि यीशु ही मसीह हेतो।

घणा दिणों रे पचे, यहूदियों ने शाऊल को मार डाळणे री योजना बणाई। वे उणे मार डाळणे रे वास्ते नगर रे फाटक माथे ळोगों को भेजियो। कि उणरी निगराणी करें पण शाऊल ने उण योजना रे बारे माय सुण लियो, अर उणरे साथियो ने बच परा निकळणे माय उणरी मदद किदी। एक रात रा वे उणे टोकरी माय बैठा परो नगर री दीवार सू उणे नीचे उतार दियो। दमिश्क सू बचणे निकळणे रे पचे शाऊल ने यीशु रे बारे माय परचार करणो जारी राखियो।

शाऊल प्रेरितों सू मिळणे रे वास्ते यरूशलेम गियो, पण वे उणसू डरता। तबे बरनबास नाम रो एक विशवासी शाऊल को परेरितों रे कणे लेयणे गियो। उणने उणको बतायो कि शाऊल ने किकर साहसी होयणे दमिश्क माय परचार किदो। उणरे पचे, परेरितों ने शाऊल को सवीकार कर लियो।

कुछेक विशवासी जको यरूशलेम रे सतावणा सू भाग गिया वे आगा अंताकिया नगर माय गिवरा अर यीशु रे बारे माय परचार करता। अंताकिया माय रेवणे वाळे ळोग घणाहारा यहूदी नी हेता, पण पेहली भळा, उणमें सू घणा लोग विशवासी बण गिया। बरनबास अर शाऊल इण नए विशवासियों को यीशु रे बारे माय भेर हळो सिखाणे रे वास्ते वटे गिया अर कलीसिया को मजबूत किदो। यीशु माथे विशवास करणे वाळे पेहली भळा अंताकिया माय ही "मसीही" केहळाया।

एक दिण, अंताकिया रे मसीही ळोग उपवास रे साथे पराथणा करता। पवितर आतमा ने उणसे कियो, "मारे वास्ते बरनबास अर शाऊल को उण काम को करणे रे वास्ते अळग कर दो जिणे करणे रे वास्ते म्हु उणको बुलायो।" इणवास्ते अंताकिया री कलीसिया ने बरनबास अर शाऊल रे वास्ते पराथणा किदी अर उण माथे खुदरे हाथों को राखियो। तबे वे उणको दूजा घणी जागा माथे यीशु रे बारे माय शुभ सणदेश रो परचार करणे रे वास्ते भेजियो। बरनबास अर शाऊल ने अळग-अळग जातियों रे लोगों को शिकसा दीदी, अर घणा ळोगों ने यीशु माय विशवास किदो।