50. यीशु पाचो पधारे

लगभग 2,000 बरसो सू, सणसार माय सगळी जागा माथे घणा ही घणा ळोग मसीह यीशु रे बारे माय शुभ सणदेश को सुणे। कलीसिया उन्नति करे। यीशु ने वादो किदो कि वो सणसार रे अंत माय पाचो पधारेळा। यद्यपि वो अबार पाचो नी पधारियो, तौभी वो खुदरे वादे को पूरो करेळा।

जद कि आपा यीशु रे पाचो पधारणे री भाड़ ज्योवो, परमेश्वर आपा सू ऐणी रीति सू जीवण जीणे की इच्छा करे जको पवितर व्है अर जको उणरो आदर करे। जद यीशु धरती माथे रियो तबे उणने कियो, "मारा चेळो सणसार भर माय सगळी जागा रे ळोगों को परमेश्वर रे राजीय रे बारे माय शुभ सणदेश परचार करेळा, अर तबे अंत आ जावेळा।"

घणी ही जातियों ने अबार ताई यीशु रे बारे माय नी सुणियो। सरग को पधारणे सू पेहले, यीशु ने मसीहियों सू उण ळोगों को शुभ सणदेश सुणाणे को कियो जको इणे कदी नी सुणियो। उणने कियो, "पधारो अर सगळी जातियों रे ळोगों को चेळो बणाओ!" अर "कटाई करणे रे वास्ते खेत पकियोड़ा व्है!"

यीशु ने ओ भी कियो, "किणी मीनक रो दास खुदरे स्वामी रे मोटो नी व्हेतो। इण सणसार रे खास ळोगों ने मारू नफरत किदी, अर मारे कारण वे थाणे भी सतावेळा अर मार डालेळा। इण सणसार माय थे पीड़ित व्होळा, पण मज़बूत बणो, क्यूके म्हु शैताण को हरा दियो व्है जको इण सणसार माथे शासण करे। जदि थे अंत ताई मारे विशवास जोग बणे रेवो, तो परमेश्वर थाणे बचावेळा!"

यीशु ने खुदरे चेळो को ओ समझाणे रे वास्ते एक बात सुणाई कि जद सणसार रो अंत व्हेळा तो ळोगों रे साथे कई व्हेळा। उणने कियो, "किणी मीनक ने खुदरे खेत माय छोको बीज बोयो। जद वो सूतो हो तो उणरा बेरी पधारियो अर गेहूँ रे बीजों रे बीच माय जंगली पौधे रे बीजों को बो दियो, अर पाचे वो पधारगो।"

जद पौधे अंकुरित व्हिया तो सेवकों ने उण मीनक से कियो, 'हे स्वामी, थूने तो खुदरे खेत माय छोका बीज बोया हेता। तो पचे इणमाय जंगली पौधे क्यू व्है?' उण मीनक ने जबाब दियो, 'खाळी म्हारा बेरी ही उणको बोणा चावेळा। ओ मेरो कुणी बेरी व्है जिणने ऐणो किदो व्है।'

उण सेवकों ने खुदरे माळिक को जबाब दियो, 'कई आपाणे जंगली पौधों को उखाड़ देणो चाहिजे?' उण माळिक ने कियो, 'नी। जदि थे ऐणो करोळा तो थे कुछेक गेहूँ को भी उखाड़ दोळा। कटाई रे वेळा ताई भाड़ जोवो। तबे जंगली पौधों को गट्ठों माय भेळो कर लो ताकि थे उणको जला सको। पण गेहूँ को मारे खत्ते माय लेयणे पधारो।'

चेळो ने इण बात रे मतलब को नी समझियो, इणवास्ते वे यीशु सू उणको समझाणे रो निवेदन किदों। यीशु ने कियो, "छोको बीज बोणे वाळो मीनक मसीह रो प्रतिनिधित्व करे। खेत सणसार का प्रतिनिधित्व करे। छोको बीज परमेश्वर रे राजीय रे ळोगों रो प्रतिनिधित्व करे।"

जंगळी पौधे उण दुष्ट जण, शैताण रे ळोगों रो प्रतिनिधित्व करे। उण मीनक रो बेरी शैताण रो प्रतिनिधित्व करे, जिणने जंगली पौधों को बो दियो। कटाई इण सणसार रे अंत रो प्रतिनिधित्व करे, अर कटाई करणे वाळे परमेश्वर रे सरगदूतों रो प्रतिनिधित्व करे।

जद सणसार रो अंत व्हेळा तबे सरगदूत उण सगळे ळोगों को एक साथे भेळो करेळा जको शैताण रे व्है। वे सरगदूत उणको एक घणो ही गरम आग माय फेंक देंळा। वटे वे ळोग भयंकर सताव माय रोवेळा अर खुदरे दाँत पीसेंळा। पण जको ळोग धरमी व्है, जको यीशु रो अनुसरण किदो, वे उणरे परमेश्वर पिता रे राजीय माय सूरज रे समाण चमकेंळा।

यीशु ने ओ भी कियो कि वो सणसार रो अंत होणे से पेहले धरती माथे पधारेळा। वो उणी तरीके सू पाचो पधारेळा ज्यू वे पधारिया। अर्थात, उणरे कणे वास्तविक शरीर व्हेळा, अर वो आकाश माय बादळो माथे सवार होयणे पधारेळा। जद यीशु पधारेळा, तो हरेक मसीही जको मरियोड़ा व्है मरियोड़ा माय ऊ जी उठेळा अर उणसे आकाश माय मिलेळा।

तबे जको मसीही अबार भी जीवतो व्है वे आकाश माय उठा लिया जावेळा अर उण दूजे मसीहियों रे साथे शामिल व्हे जावेळा जको मरियोड़ा माय सू जी उठेळा। वे सगळा वटे यीशु रे साथे व्हेला। उणरे पचे, यीशु खुदरे लोगों रे साथे रेवेळा। जद वे एक साथे रेवे तो उणरे कणे रोजीणा रे वास्ते पूरी शान्ति व्हेळा।

यीशु ने उण माथे विशवास करणे वाळे हरेक जण को एक मुकुट देणे री परतिज्ञा किदी। वे रोजीणा रे वास्ते परमेश्वर रे साथे हरेक चीज माथे शासण करेळा। उणरे कणे सिद्ध शान्ति व्हेळा।

पण परमेश्वर उण सगळा रो न्याय करेळा जको यीशु माथे विशवास नी करे। वो उणको नरक माय डाळेळा। वटे वे रोवेळा अर खुदरे दाँत पीसेळा, अर वे रोजीणा पीड़ित रेवेळा। कदी नी बुझणे वाळी आग उणको ळगातार जळाती रेवेळी, अर कीड़े उणको खाणे सू कदी नी रुकेळा।

जद यीशु पधारे, तो वे पूरी रीति सू शैताण को अर उणरे राजीय को नष्ट कर देळा। वह शैताण को नरक माय डाळ देळा। वटे शैताण रोजीणा रे वास्ते जळतो रेवेळा, उण सगळा रे साथे जको परमेश्वर री बातों को माणणे रे बजाय शैताण रे ळारे चळणे रो चुणाव किदो।

क्यूके आदम अर हव्वा ने परमेश्वर री अनाज्ञाकारिता किदी अर पाप को इण सणसार माय लेयणे पधारिया, परमेश्वर ने उणे श्राप दियो अर उणे नाश करणे रो निरणय किदो। पण किणी दिण परमेश्वर एक नए सरग अर एक नई धरती री रचणा करेळा जको सिद्ध व्हेळा।

यीशु अर उणरे लोग उण नई धरती माथे रेवेळा, अर वह रोजीणा रे वास्ते सगळी चीजों माथे शासण करेळा। वो ळोगों री आँखियों सू हरेक आँसू को पोंछ देळा। अबे कोई भी पीड़ित या दुःखी नी व्हेला। वे रोवेळा कोणी। वे बीमार नी व्हेळा या मरेंळा कोणी। अर वटे की भी खोटो नी व्हेळा। यीशु खुदरे राजीय माथे न्यायपूर्वक, अर शान्ति रे साथे शासण करेळा। वो रोजीणा रे वास्ते खुदरे लोगों रे साथे रेवेळा।