49. परमेश्वर री नवी वाचा

एक सरगदूत ने एक मोटियार लुगाई मरियम सू कियो कि वा परमेश्वर रे बेटे को जिणेळा। वा अबार कवारी हेती, पण पवितर आतमा उणरे कणे आई अर वा जापायती व्हि। उणने एक टाबर को जिणियो जिणरो नाम वा यीशु राखियो। इण वास्ते, यीशु परमेश्वर अर मनुष्य दोई व्है।

यीशु ने घणा ही चमत्कार किदा जको दिखावता कि वो परमेश्वर व्है। वे पाणी माथे चाळिया अर आँधी को शान्त किदो। उणने घणा ही बीमार ळोगों को चंगा किदो अर घणा ही ळोगों माय ऊ दुष्टात्माओं को निकाळियो। उणने मरियोडा ळोगों को जीवतो कर दियो, अर उणने पाँच रोटी अर दो मछलियों को 5,000 ळोगों को खिलाणे रे वास्ते बराबर भोजण माय बदळ दियो।

यीशु एक महाण शिकसक भी हेतो। जकोई भी उणने सिखायो, वो उणने सिद्धता रे साथे सिखायो। जको वो ळोगों सू करणे रे वास्ते केवतो वो वाणे करणो चाहिजे क्यूके वो परमेश्वर रो बेटो व्है। उदाहरण रे वास्ते, उणने सिखायो कि थाणे दूजा ळोगों को उणी रीति सू परेम करणे की जरूरत व्है जैणो थे खुद को परेम करो व्है।

उणने ओ भी सिखायो कि थाणे सगळी वस्तुओं सू घणो अर अपणी संपत्ति सू भी घणो परमेश्वर रो परेम करणो चाहिजे।

यीशु ने कियो कि सणसार माय किणी भी चीज को पाणे सू घणो छोको व्है परमेश्वर रे राजीय माय व्हेणो। उणरे राजीय माय थाणे परवेश करणे रे वास्ते जरूरत व्है कि परमेश्वर थाणे थारे पापों सू बचावे।

यीशु ने कियो कि कुछेक ळोग उणे ग्रहण करेळा। परमेश्वर उण ळोगों को बचावेळा। पण दूजा ळोग उणे ग्रहण नी करेळा। उणने ओ भी कियो कि कुछेक ळोग छोकी जमी रे समाण व्है, क्यूके वे यीशु रे बारे माय शुभ सणदेश को सवीकार कर लेवे, अर परमेश्वर उणको बचावे। पण कुछेक ळोग मारग री कठोर जमी रे समाण व्है। परमेश्वर रा वचन बीज रे समाण मारग माथे पड़े, पण वटे की भी नी उगे। ये ळोग यीशु रे बारे माय सणदेश को असवीकार कर देवे। वे उणरे राजीय माय परवेश करणे सू इणकार कर देवे।

यीशु ने सिखायो कि परमेश्वर पापियों सू घणो परेम करे। वो उणको माफ करणो चाहवे अर उणको अपणी सणताण बणाणो चाहवे।

यीशु ने ओ भी बतायो कि परमेश्वर पाप सू घीरणा करे। क्यूके आदम अर हव्वा ने पाप किदो, इण वास्ते उणरे सगळे वंशजों ने भी पाप किदो। इण सणसार माय रेवणे वाळो हरेक जन पाप करे अर परमेश्वर सू आगो व्है। हरेक जन परमेश्वर का बेरी व्है।

पण परमेश्वर ने इण सणसार माय रेवणे वाळे हरेक जन सू इण रीति सू परेम किदो: उणने खुदरे एकळोते टाबर को दे दियो ताकि परमेश्वर उणको दण्ड नी देवे जको उण माथे विशवास करे। इणरे बजाय, वे उणरे साथे रोजीणा रे वास्ते रेवेळा।

थे मरणे रे जोगरा हो, क्यूके थे पाप किदो। थाणू परमेश्वर रो क्रोधित व्हेणो उचित ही व्है, इणरी अपेक्षा, वो यीशु माथे क्रोधित व्हियो। उणने यीशु को क्रूस री मरतू देयणे दण्ड दियो।

यीशु ने कदी पाप नी किदो, पण उणने परमेश्वर को उणे दण्ड देणे दियो। उणने मर जाणो सवीकार किदो। इण रीति सू, थाहरे पापों को अर इण सणसार माय रेवणे वाळे हरेक जण रे पापों को उठाई ले जाणे रे वास्ते वो एक सिद्ध बळिदाण थो। यीशु ने खुद को परमेश्वर रे वास्ते बळिदान कर दियो, इण वास्ते परमेश्वर किणी भी पाप को, अटे ताई कि भयंकर पापों को भी माफ करे।

भळी जदि थे घणा ही छोका कामों को करो, तो इणरे द्वारा परमेश्वर थाणे नी बचावेळा। उणरो साथी बणने रे वास्ते ऐणो की भी नी व्है जको थे कर सको हो। इणरी अपेक्षा, थाणे विशवास करणो व्है कि यीशु परमेश्वर रो बेटो व्है, अर वो थहाणे बदळा माय क्रूस माथे मर गियो, अर ओ भी कि परमेश्वर ने उणे पाचो जीवतो कर दियो। जदि थे इण माथे विशवास करो, तो परमेश्वर थ्हारे पापों री माफी देवेळा।

परमेश्वर उण हरेक जण को बचावेळा जको यीशु माथे विशवास करे अर उणे खुदरो परभु सवीकार करे। पण वो उणको नी बचावेळा जको उण माथे विशवास नी करे। ओ कोई मायणो नी राखे कि थे धनी हो या गरीब हो, मीनक हो या लुगाई हो, बूढ़े हो या जवान हो, या थे कटे रेवो हो। परमेश्वर थाणु परेम करे अर चावे कि थे यीशु माथे विशवास करो कि वो थ्हाणो साथी बण सके।

यीशु थ्हाणे बुळा रियो व्है कि उण माथे विशवास करो अर बपतिस्मा लो। कई थे विशवास करो हो कि परमेश्वर रो एकळोतो बेटो, यीशु ही मसीह व्है? कई थे विशवास करो हो कि थे एक पापी हो अर ओ कि थे परमेश्वर द्वारा थ्हाणे दंडित किये जाणे रे जोगरा हो? कई थे विशवास करो हो कि थ्हारे पापों को मिटाणे रे वास्ते यीशु क्रूस माथे मरियो?

जदि थे यीशु माथे अर जको उणने थ्हारे लिये किदो उण माथे विशवास करो, तो थे एक मसीही हो! शैताण खुदरे अंधकार रे राजीय माय अबे थाणे माथे शासन नी करे। अबे परमेश्वर खुदरे परकाश रे राजीय माय थाणे माथे शासण करे। उणने थाणे पाप करणे सू रोक दियो, जिणे थे किदा करता। उणने थाणे एक नवो, उचित जीवण दियो।

जदि थे एक मसीही हो तो जको यीशु ने कियो उणरे कारण परमेश्वर ने थ्हारे पापों को माफ कर दियो। अबे, परमेश्वर एक बेरी री अपेक्षा थाणे एक घनिष्ठ साथी माणे।

जदि थेपरमेश्वर रा साथी हो अर परभु यीशु रा सेवक हो तो थे उण बातों रो पाळण करणे री इच्छा करोळा जको यीशु थ्हाणे सिखावे। भले ही थे एक मसीही हो, शैताण अबार भी पाप करणे रे वास्ते थ्हारी परीकसा करेळा। पण परमेश्वर रोजीणा वो करे जको वो केवे कि वो करेळा। वो केवे कि जदि थे अपणे पापों को माण लो, तो वो थ्हाणे माफ कर देळा। वो थाणे पाप रे खिलाफ लड़ने रो सामर्थ देळा।

परमेश्वर थ्हाणे पराथणा करणे अर उणरे वचन को पढ़णे रे वास्ते केवे। वो थ्हाणे दूजा विशवासियों रे साथे मिल परा उणरी आराधणा करणे रे वास्ते भी केवे। थाणे दूजा ळोगों को भी बताणो कि उणने थ्हारे वास्ते कई किदो। जदि थे इण सगळा कामों को करो, तो थे उणरे एक पक्के साथी बण जावोळा।