48. यीशु ही परतिज्ञा कियोड़ो मसीह व्है

जद परमेश्वर ने सणसार को बणायो तो सगळा ही छोको हो। कोई पाप नी हेतो। आदम अर हव्वा एक दूजे ऊ परेम करता हा, अर वे परमेश्वर सू परेम करता हा। कोई बीमारी या मृत्यु नी हेती। परमेश्वर ऐणो ही सणसार को चावतो हो।

शैताण ने साँप रे माध्यम सू बगीछे माय हव्वा सू बात किदी, क्यूके वो उणे धोखो देणो चावतो हो। तबे हव्वा अर आदम ने परमेश्वर रे खिलाफ पाप किदो। क्यूके वे पाप किदो इणी वास्ते धरती माथे रेवणे वाळे सगळा जन मरता व्है।

क्यूके आदम अर हव्वा ने पाप किदो, इण लिएवास्ते कुछ भळे भी बुरो व्हियो। वे परमेश्वर रा शतरु बण गिया। जिणरे परिणाम-स्वरूप, तबे सू हरेक जन ने पाप किदो। हरेक जन जन्म सू ही परमेश्वर रो शतरु व्है। परमेश्वर अर लोगों रे बीच माय शान्ति नी ही। पण परमेश्वर शान्ति स्थापित करणो चावतो।

परमेश्वर ने परतिज्ञा किदी कि हव्वा रो एक वंशज शैताण रे माथे को कुचळेळा। उसणे ओ भी कियो कि शैताण उणरी एड़ी को डसेळा। दूजा शब्दों माय, शैताण मसीह को मार डाळेळा, पण परमेश्वर उणे पाचो जीवतो कर देळा। इणरे पचे, मसीह शैताण री ताकत को रोजीणा रे वास्ते खतम कर देळा। केई बरसो रे पचे, परमेश्वर ने परकट किदो कि वो मसीह यीशु व्है।

परमेश्वर ने उणे बाढ़ सू अपणे परिवार को बचायो जिणे वो ळाणेवाळो हो। नूह सू एक नावड़ी बणाणे रे वास्ते कियो कि वो इण परकार परमेश्वर ने उण लोगों को बचायो जको उण माथे विशवास करता। इणी परकार, वे सगळा ही परमेश्वर रे द्वारा मार डाळे जाणे रे योग्य हेता क्यूके वे पाप किदो। पण परमेश्वर ने उण सगळा को बचाणे रे वास्ते यीशु को भेजियो जको उण माथे विशवास करता।

सैकड़ों बरसो ताई, याजक परमेश्वर रे वास्ते बलिदान चढ़ावता रिया। ओ दरशावतो कि लोगों ने पाप किदो, अर ओ कि वे परमेश्वर रे द्वारा उणको दंडित किए जाणे रे लायक हो। पण वे बलिदाण उणरे पापों को माफ नी कर सकियो। यीशु सबाऊ बडो महायाजक हो। उसणे वो किदो जको कोई याजक नी कर सकियो। उसणे वो एक मातर बळिदाण होणे रे वास्ते खुद को दे दियो जको हर किणी रे पापों को मिटा सकतो। उसणे सवीकार किदो कि परमेश्वर उण सगळा रे पापों रे वास्ते उणे दंडित करे। इण कारण, यीशु सिद्ध महायाजक हो।

परमेश्वर ने अब्राहम सू कियो, "म्हु थारे द्वारा सणसार रे सगळा कुलों को आशीष दूँळा।" यीशु इणी अब्राहम रो वंशज हो। परमेश्वर अब्राहम रे माध्यम सू सगळा कुलों को आशीष देवतो, क्यूके जको यीशु माथे विशवास करता परमेश्वर उण सगळा को पाप सू बचावता। जद ये ळोग यीशु माथे विशवास करता, तो परमेश्वर उणको अब्राहम रे वंशज माणता।

परमेश्वर ने अब्राहम सू कियो कि वो खुदरे निज बेटो, उणरे वास्ते बलिदान कर देवे। पण पचे परमेश्वर ने इसहाक रे बदळे माय बलि करणे रे वास्ते एक मेमणो दियो। म्हा सगळा खुदरे पापों रे वास्ते मार डाळे जाणे रे लायक हेता! पण परमेश्वर ने आपाणे जागा माथे मरणे रे वास्ते यीशु रो बळिदाण रे रूप माय दियो। इणी कारण सू आपा यीशु को परमेश्वर रो मेमणो केवो हा।

जद परमेश्वर ने मिस्र माथे अंतिम विपत्ति भेजी तो उणने हरेक इस्राएली परिवार सू कियो कि वे एक मेमणे री बळि करें। उण मेमणे माय कोई दोष नी व्हेणो चाहिजे। तबे अपणे दरवाजे रे चौखटा रे माथे अर बगळो माय उणहे उणरे लोही को लगाअणो हेतो। जद परमेश्वर ने उण लोही को देखियो तो वो उणरे घरों सू धके बढ़ गियो अर उणरे पहलौठे बेटो को नी मारियो। जद ओ व्हियो तो परमेश्वर ने इणे फसह रो पर्व कियो।

यीशु फसह रे पर्व के एक मेमणे री तरेह हेतो। उसणे कदी पाप नी कियो, इण वास्ते उणमाय की भी खोटो नी हेतो। वो फसह रे पर्व रे वेळा माथे मरियो। जद कुणी यीशु माथे विशवास करतो, तबे यीशु रो लोही उण मीनक रे पापों री कीमत चुकावतो। ओ ऐणो है जैणो कि परमेश्वर उण मीनक रे कणे सू धके बढ़ गियो, क्यूके वो उणे दण्ड नी देवतो।

परमेश्वर ने इस्राएली ळोगों रे साथे एक वाचा बाँधी, क्यूके वे ऐणा ळोग हेता जिणको परमेश्वर ने खुदरो होणे रे वास्ते चुणियो। पण अबे परमेश्वर ने एक ऐणी वाचा बाँधी जको सगळा रे वास्ते व्ही। जदि किणी भी जाति रो कोई भी जन इण नई वाचा को सवीकार करतो, तो वो परमेश्वर रे ळोगों माय शामिल व्हे जातो। वो ऐणो इण वास्ते करतो क्यूके वो यीशु माथे विशवास करतो।

मूसा एक ऐणो भविष्यद्वक्ता हेतो जिणने परमेश्वर रे वचन को बड़ी सामर्थ रे साथे परचार किदो। पण यीशु सगळा भविष्यद्वक्ताओं माय सबाऊ मोटों व्हे। वो परमेश्वर व्है, इणवास्ते जको भी उणने किदों अर कियो वो परमेश्वर रे कार्य अर वचन हेता। इणी वास्ते पवितर-शास्त्र यीशु को परमेश्वर रो वचन केवे।

परमेश्वर ने राजा दाऊद सू परतिज्ञा किदी कि राजा रे रूप माय उणरो एक वंशज परमेश्वर रे ळोगों माथे रोजीणा रे वास्ते शासण करेळा। यीशु परमेश्वर रो बेटो अर मसीह व्है, इण वास्ते वो राजा दाऊद रो वंशज व्है जको रोजीणा रे वास्ते राजीय कर सके।

दाऊद तो इस्राएल रो राजा हेतो, पण यीशु सगळा जगत रो राजा व्है! वो पाचो आवेळा अर रोजीणा रे वास्ते नियाय अर शान्ति रे साथे खुदरे राजीय माथे शासण करेळा।