22. यूहन्ना कि ज़िना।

थांगबु ना, कोंजोक ते रांए ङोनशि शोतकान या रांग ञाबु वुर तोएका। ओए छिला खोशाक मिया ला वुर तोंगु छोता। परन्तुफ ओए जिना सु लौ ज़िपचु छुहु खोसु खोशाकला वुर मातांगबा। तेने कोंजोक सु जकरयाह मिन कि ङोनशि शोतकान कि दोरु स्वओरग दुतला तांगबा। जरकयाह रांग एलिशिबा कोंजोक ला आदर फेतका। खोशाक ज्ञमनि गतपु फुतचा ओका। तेने खोंए चिवा माकिवा।

ओए स्वंरगदुत सु जकरयाह ला नावा, ख्योए नामाला एलिशिबा ला टु चिक कियाक। ख्योत खोए मिन यहुन्ना फोर। कोंजोक खोला नमशे चांगमा नासु खांगदु जुका। तेने यहुन्ना मिया ला मसीह ला ञिनजा ला ज़ोवा। जकरयाह सु लान लोहवा, ”ङा रांग ङाए नामा छिवा कियाला ज्ञमनि गतपु ओत! तेने मांग चुकचा छेया कि ञित मांगला दिनबाला सेरिका?”

ओए स्वरगदुत सु जकरयाह ला लान लोहवा, “ख्योेए दोरु ओए लोन ते किलजा ला कोंजोक सु ङाला तांगबा। चिला सेरना ख्योात सु ङाए खातोरु दिनछे मांसुग, ओए छिला ख्योत छिवा केकि छुहु ख्योओत वुर तोंगु मिछोतका“ ओए ज़िना, जकरयाह वुर तोंगु माछोता। तेने ओए स्व रगदुत ते जकरयाह के दोनासु फुसाक ओए तिंगला, जकरयाह खांगबा ला लोकचा वोंगबा तेने खोए नामा जुहु नातपा फुसाक।

जब एलिशिबा ते दा टुक कि जुहु नातपा वोतज़िना, ओति स्वकरगदुत ते लानचिक ला एलिशिबा कि ञेरिंग कि दोरु वोंगबा, खोए मिनते मरियम नोक। मरियम नाजुंग नोक तेने नामाला डोया ला युसुफ मिन कि मि रांग ञाबु खोए रिश्ता चाछा वोका। स्वरगदुत सु नावा, “खयोत जुहु नाथपा फुडाक तेने टु चिक कियाक। खोए मिन यिशु फोर। खो सिंग सांग छेपु कोंजोक कि टु नोक खो हमेशा कि छिला शासन फेकाक।“

मरियम सु लान लोहवा, “वोतुक चुक वोङावा, चिला सेरना मांग ने नाजुंग यिन?” ओए स्वरगदुत सु खोला लावा, “नमशे चांगमा ते ख्योकए खातोरु वोङा, तेने कोंजोक कि थुकजि तेरका। ओए छिला ओए छिवा ते चांगमा वोङा। तेने खो कोंजोक कि टु यिनो। स्वरगदुत सु सेरकान ते ला मरियम सु दिनछिवा।

ओतुक चावि गुपतेला, मरियम ते एलिशिबा ला थुकतु फुता, जैसे हि मरियम ते खोला जु नावा, वोति ज़िना एलिशिबा किचिवा ते ठोतपि नांगदु छोंगबा। खोशि छिला कोंजोक सु वोतुकचाया, खोए छिला खोशानुहु गरि शिवा। एलिशिबा रांग ञाबु दा सुम दतपि तिंगला, मरियम ते खांगबाला लोकसाक।

ओए तींगला, एलीशिबा सु टु चिक ला किवा। एलिशिबा रांग जकरयाह सु ओए छिवा कि मिन यहुन्ना फोरा, जैसा कि ओऐ स्वग्रदुत सु सेरकान चोनि। तेने कोंजोक सु जकरयाह ला सेरगु छोततु चुकपा। जकरयाह सु नावा, “कोंजोक कि छाकसाल, चिला सेरना खो खोसु रांए मिया कि रोह फेतचाला आतला फोरा। ङाए टु ख्यो त सिंगसांग शेतचिन कोंजोक किङोनशि शोतकान वोङा। ख्योरत मिया ला शोतका कि चुकचा रांए दिकपा कि छिला माफि रियावा!”