27. ञिंग जिमु सामरि कि टुंग।

शाकचिक यहुदि व्यवसथा कि विशेषज्ञ चिक यीशु कि दोरु वोंगबा। खो तोलि ला दोनमु वोका कि यीशु ते मानलोक लुहनासु लोपिका। ओए छिला खोसु चावा, ”ऐ गुरु, फादिंग कि मिज़े लेनजा ला मांग चि फेतचा?” यीशु सु नावा, ”कोंजोक कि व्योवसथा ना चि ठिया वोकावा?”

ओए मिते सु लान नावा, ”खो सेरका कि रांए कोंजोक ला रांए सेम्बा चिक उह, शेत, तेने रिकपा रांग ञिमु फोर। रांए खेमजि रांग ञाबु रांग चोनि ञिमु फोर। ”यीशु सु लान लोहवा, ख्यो”त लनचिक ला दिमांग सेरिका! खालते ख्यो त वोतुक फेतचाना, ख्योफत ला फादिंग कि छिला मिज़े थोपका।”

परन्तुी ओए व्यवस्था कि विशैषज्ञ मिया ला दोनमु वोका कि खौए मिज़े क्योंपग थांग ते दिमु नोक। ओए छिला खोसु यीशु ला ठिवा, दिनबा नोक, ते ने ङाए खेमजि ते सु नोकपा?”

यीशु सु ओए विशेषज्ञ ला टुंग कि लामु खोला लान लोहवा। “यहुदि मि चिक वोका जो सोलोक नालाचाया यरुशलेम कि यरिहो छोकला फुडिका।”

“परन्तुह कुनमाया सु खोला थोवां तेने खोला दुंग ताक। खोशाक सु खोए नोर तोलि ठोहसाक तेने खोला ञाता ञोति छुहु दुंगशा। तेनि खोशाक फुसाक।”

“ओए गुंपला, यहुदि याजक ओए सोलोक नाला फुडिका। ओए याजक तेसु ओए सोलोक ना वोकान मि तेला थोवां। खो थोंगजासु कांग माथोंग खुम चाया सोलोक कि फाउं चोक नाला फुसाक। खो सु ओए मि तेला फादिंग माथोंगखुम चाया फूसाक।”

औए गनजिक कि तिंगला, ओए सोलोक तु लेवि चिक वोंगबा। (लेवि ते यहुदिया किरिह रुहा नोक खोशाक सु गोनबि याजक कि रोह चावा।) ओए लेवि ते कांग सोलोक कि फांव छोकनाला फुसाक। खोसु कंग ओए मितेला माथोंगखुम चाया फुसाक।”

तिंगमा मिते ओए सोलोक तु वोंगबा खो सामरिया कि मि नोक। (सामरि रांग यहुदि चिक तांग चिकला मिगा) ओएरु दुरुंग सामरि चिक लिपसाक तेने ओए मितेला तावा। खो तावा कि ओए मिते यहुदि नोक, परन्तु खो ओए मितेला ञिंग जिवा। था खो खोए दोरु फुता तेने खोए नातपु याला पटटि दमबा।

तेने ओए सामरि तेसु ओए मितेला खोए फुं कि खातोरु ङालवा तेनै खोला ओए सोलोक कि फांए सराय रु खेरवा। ओएरु खोसु ओए मितेला तायिन दतपा।

तिंगमा शाक, ओए सामरि ते खोए डोसा रु डोगु वोका। खोसु सु ओए सराय कि गोवा ला मुल गनजिक तातपा। खौ सु खौला नावा, “उइ मितेला तारु छि। खालते उइ मुल तेसाङा मुल मागबु ख्यो ए मुल मांगबु फुसुंग ना ङा तिंगला लोकचा वोंगजा सु ख्यो ए मुल तातते।“

तेने यीशु सुओए पुजारि तेला ठिवा, “ख्योखत चि सेमिरावा? ओए मिया कि नांगना सु ओए मिते कि खिमजि नोकपा? खो सु लान लोकपा, “ओति खोए खातोरु ञिङ जियान ते नोक?“ यीशु सु खोला नावा, “ख्योमत कांग वोतुका छे सोंग।”