44. पतरस रांग यूहन्ना शाओ ला गरु चुकपा।

शाकचिक, पतरस रांग युहन्ना गोनबा ला फुताक। मि क्योानबा चिक रेया ला गोए थाना दतचा वोका।

पतरस सु ओए क्योिनबा मि ला ताया नावा, “ङाए दोना ख्यो तला तेरचि छिला मुल मित। परनतु ङाए दोना चि वोत ना कांग ख्यो त ला तेरि। यीशु कि मिन नासु,लोंग तेनि डुल!”

वोति ज़िना, कोंजोक सु ओए क्योवनबा मिते ला गारु चुकताक। खोसु फाला छुला डुलकिन छोञिन तेनि कोंजोक ला मोल्लम ज्ञाकिन वोका। गोनबा ना वोकान मिया खोला ताया हालाशा वोका।

ज्ञोवा ओएरु मिया ज़ोम वोंगबा ओए मिते ला तारु जो गाशा वोकान ते। पतरस सु खोशाक ला नावा, ”दि मि ते था दिमु वोका, परन्तु ओए वुर ला माडोहशो। ङाशाक सु खोला रांए शेतनासु गरु माचुक। या ओए छिला मान कि वोशाक कोंजोक कि आदर फेतिका से। दि यीशु नोक ओए मिते ला खोए नुएफा नासु गारु चुकपा, चिला सेरना वोशाक यीशु ला दिन छेयाक।”

“ओए ते ख्योशाक नोक जिन्हो,ने ओए रोमि राज्यपाल ला यीशु ला सोत ला नाआन ते। ख्यो‍शाक सु खोला सात ताक जो तोलि ला मिज़े तेरका। परन्तुक कोंजोक सु खोला शिनबु नासु लांगबा। ख्योशाक सु मासेंबा कि ख्योतशाक चि फेतिता, परन्तुत जब ख्यो शाक ओए लाहा या ला फेतज़िना ङोनशि शोतकान यासु चावा ओए कांग छंग सुंग। खोशाक सु चावा कि मसीह काहु ञोङा तेनि शिडाक। कोंजोक सु ओति लुह नासु फेततु चुकपा। ओए छिला था, ज्ञोतपा चे कोंजोक कि छोक ला ज्ञुर, तेनि खो ख्यो शे दिकपा ला टुया लाहु ज़ोवाक।”

जब गोनबा किअगुवो सु पतरस रांग यहुन्ना ला ञनबा, तेनि खोशाक जिहसा। ओए छिला खोशाक सु खोशाक ला ज़ुमशा जेल ला चुकताक। परन्तु पतरस सु सेरकान तेला मि युम सु दिन छिवा। यीशु ला दिन छियान याकि ठांगखा मांगबु फुतचा तोंग ङा फुसाक।

तिंगमा शाक, ओए अगुवे पतरस रांग युहन्ना ला महायाजक रांग जिनमा अगुवो कि दोरु खेरचा वोंगबा। खोशाक ओए मि तेला कांग खेरचा फुताक जो क्योरनबा वोका। खोशाक पतरस रांग युहन्ना ला ठिवा, “चि आंग सु ख्योंत ओए शाउ ज्ञाकन मिते ला गारु चुकपा ?”

पतरस सु लान लोहवा, ”दि ख्योशे दोना लांगशा वोकान मिते ला यीशु मसीह कि नुएफा सु गारु चुकपा। ख्योशाक सु यीशु ला क्रुस कि खातोरु क्योननताक, परन्तु कोंजोक सु खोला ञा सोनपु ज़ोताक ! ख्योशशाक सु खोला मागावा, परन्तु यीशु कि नुएफा नासु मानि थारखिलजि जिनमा लाम मिका !”

ओए अगुवे हालाशा वोका कि पतरस रांग युहन्ना सु ज्ञमनि माजिहवा वुर तांगबा। खोशाक सु थोंवा कि खोशाक आम मि नोक। जो खोशाक अनपढ नोक। परन्तु ञा खोशाक ला आतला वोंगबा कि ओए मिते यीशु रांग ञाबु दतपा। ओएछिल खोशाक सु खोला नावा, ”ङाशाक ख्योशाक ला काहु मागबु कोतकान खालते ओए मि यीशु कि वुर मिया ला शोतचाना। ओतुक वुर युम नावि तिंगला, खोशाक सु पतरस रांग युहन्ना ला डोरु चुकपा।”