45. स्तिकफनुस रांग फिलिप्पुस।

गोमा मसीही अगुवो कि जुंग ना स्तिफनुस मिन कि मि चिक वोका। मि तोलि खोला दिमु फेतका। नमशे चांगमा सु खोला युम नुएफा रांग रिकपा तातपा। स्तिफनुस सु युम चमत्कालर चावा। जब खोसु यीशु लादिन छियि छिला खोशाकला लावा तेनिमि युम सु खोए खातोरु दिन छिवा।

शाकचिक, स्तिफनुस यीशु कि बारे ला लोविका, तेनि वोतुक अगुवे गनजिक वोंगबा जो यीशु ला दिन माछिवा। तेनि खोरांग ञाबु ठुकपा तोंगजा सुकताक। खोशाक ज्ञमनि छिंगनाह लांगबा, ओए छिला खोशाक जिनमा अगुवे कि दोरु फुतचा तेनि ज़ुन क्युोवाक। खोशाक सु नावा, ”ङाशाक सु स्तिफनुस ला मूसा रांग कोंजोक कि बारे ला वुर ङानबा सेरा छोर ! ओए छिला धारमिक अगुवो सु स्तिकफनुस ला ज़ुमताक तेनि खोला महायाजक रांग यहुदिया कि दोरु खेंगबा। थुना पांगबु जुन बा वोंगबा तेनि खोशाक सु स्तिफनुस कि बारे ला ज़ुन क्युफवा।

महायाजक सु स्तििफुनुस ला ठिवा, ”चि दि मिया ख्योहए बारे ला दिनबाला सेरिकावा ?” स्तिचफनुस सु महायाजक ला लान लोहशा ला वुर युम शोतचा सुकपा। खोसु नावा किअब्राहम कि नमला नासु यीशु कि नमला छुहु कोंजोक सु इस्राएल कि मिया कि छिला युम लाहा छेपु चावा। परन्तु मिया सु फादिंग कोंजोक ला दिमु माञिनदा।स्तिफनुस सु नावा, “ख्योाशाक कोंजोक कि खिलाफ आंगजिन रांग बगावत फेतकान मि यिनोक। ख्योइशाक सु फादिंग नमशे चांगमा ला गामासुंग, जैसा कि वोशे गंडिबा यासु थांगला फादिंग नमशे चांगमा ला मागावा तेनि फादिंग खोए ङोनशि शोतकान याला सात ताक। परन्तु खोशाक चुक चाना कांग ओए सांग मांगबु आखि ख्योदशाक सु चासुंग! ख्यो शाक सु मसीह ला सात ताक।”

जब ओए धारमिक अगुवो सु ओए छोरवा, था खोशाक वोचाम छिङनाह लांगबा कि खोशाक रांए नामजोक ला तिहशा कुरा ज्ञपाक। खोशाक सु स्तिशफनुस ला ठुतचा युल कि फिताला तोन ताक तेनि खोला सात तोंगजा ला दुआ ज्ञपा।

जब स्तिफनुस शि डोज़िना, खो कत ज्ञपताक, “ऐ यीशु, माए नमशे ला लिन!” तेनि खो रांए पुगबु कि खातोरु फिरसाक तेनि ञा कत ज्ञपा, “ऐ कोंजोक, दि दिकपा ते खोशे खातोरु माज्ञाक।” तेनि खो शिसाक।

ओए शाक, यरुशलेम दु दोतकान मि युम सु यीशु कि रोह याला ङाजिन चावा, ओए छिला विश्वासि मिया जिनमा ज़ारु शोरसाक। परन्तुम वोतु क चाया सुकांग, खांगदु फुतना कांग खोशाक सु यीशु कि बारे ला प्रचार चावा।

फिलिप्पु स मिन कि यीशु कि विश्वासि वोका। जैसा जिनमा विश्वासि कि लामु खो कांग शोरसाक। खो सामरिया सेरसा रु फुसाक। ओए रु खोसु यीशु कि बारे ला शतपा। मि युम सु खोला दिनछिवाक तेनि थार खिलवा। शाकचिक, फिलिप्पुुस कि दोरु कोंजोक कि छोक नासु स्वलरगदुत चिक वोंगबा तेनि खोला रिया ला डोया ला, तेनि ओए सोलोक नाला सोंग नावा। फिलिप्पुिस ओए रु फुसाक। जब खो सोलोक नाला फुडिज़िना, खोसु मि चिक ला रथ कि खातोरु शोनशा फुडा थोंवाक। ओए मिते कुशी छवनि कि खाकचिन गोवा जिक नोक। नमशे चांगमा सु खोला ओए मिते रांग ञाबु - ञाबु सोंग नावा।

ओए छिला फिलिप्पुास रथ कि दोरु फुताक। खो छोराक कि खो कोंजोक कि वचन ला सिलिका। जो यशायाह ङोनशि शोतकान सु ठिशा वोकान ते। खो वोतुक सिलकिन वोका, ”खोशाक खोला छुंगमा सोतलांग कि लामु खेरडिका तेनि जैसे छुकमा खदुशा दोते मिदुवा, खोसु कांग छिह चिक मानावा। खोशाक सु खोरांग ञाबु आखि चावा तेनि खोला दिमु माचावा। खोशाक सु खोए उह लेनताक।”

फिलिप्पु स सु ओए कुशि गोवा ला ठिवा, ”ओति ख्योात सिलकान ते ख्योत ला हा कोएरावा।” ओए कुशि गोवा सु लान लोहवा,” कोए मिडाक।ङाला सुजिक सु लोपना मानि, ङा हा कोया मिडाक। ख्योतत वोरछे ङाए दोरु वोंगला दोत ङाला शोत। यशायाह दि खोरे छिला ठिकावा कि जिनमा कि छिला?”

फिलप्पु स रथ कि खातोरु दतपा। तेनि खोसु ओए कुशि गोवा ला वचन लावा जो यशायाह सु यीशु कि बारे ला ठिशा वोकान ते। फिलिप्पुास सु कोंजोक कि वचन कि जिनमा युम भाग ला कांग वुर तांगबा। ओतुक चाया, खोसु ओए मिते ला यीशु कि बारे ला लोन दिमु शतपा।

फिलिप्पुस रांग कुशी गोवा छु कि दोरु फुता। ओए कुशी गोवा तेसु नावा, ”तो दिना छु दुक ! चि ङा छुइ चांगमा लिन छोकावा ?” तेनि खोसु सारथि ला रथ गोह नावा।

था खोशाक छुए नांघदु फुसाक, तेनि फिलिप्‍पुस सु ओए कुशि गोवा ला छुइ चांगमा तातपा जब खोशाक छुइ फिताला थोनजिना, तेनि नमशे चांगमा ते लानचिक ला फिलिप्पु स ला दुशा जिनमा ज़ारु खेरसाक। ओएरु फिलिप्पुनस सु मिया ला यीशु कि बारे ला शोतकिन दतपा।

ओए कुशी गोवा ते रांए खांगबा ला डोया ला फुडिका। तेनि खो गरिशिया वोका कि खो यीशु ला शेयित से।