5. प्रतिज्ञा कि टु।

अब्राम रांग सारै कनान दु वोगजा लौ चु फुतपे तिंगला, कांग खोशाक ला चिवा माकिवा। ओइ छिला आब्राम कि नामा सु नावा, ”था चिला सेरना कोंजोक सु ञाला चिवा क्यिला सक्शम माजोवा वोका तेने ञा चिवा क्यिला ञा ज्ञामनि गनमु यि, तो, ञाइ योकमु हाजिरा दिना वोका। खोला नामा लैन खो ञाइ छिला चिवा चिक क्याक।“

जुङमाला आब्राम सु हाजिरा ला नामा लिनबा। हाजिरा सु टु चिक किवाक, आब्राम सु खोइ मिन इशमाएल फोरा। था सारै ते हाजिरा ना थुककिका। इशमाएल कि लौ चुकसुम डो जिना, कोंजोक सु ञा आब्राम ला वुर तागबा।

कोंजोक सु नावा, “ङा सिगं सागं छैपो कोंजोक यिन। ङा ख्योत रांग ञाबु थामजा दमि।” तेने आब्राम सेरो फिरचा छाक चावा कोंजोक सु खोला नावा, ”ख्योत रिह रुहा युम के आपा नोक। ङा ख्योखये तोले रिह रोहा ला साज्ञत ते कनान युल तोले तेरि। ङा फादिंग ख्योयशे कोंजोक दोति। ख्योतला ख्‍योरे रिह रुहा के मी तोलि ला खतना फेतगु वोङा।

“खौऐ नामा सारै ला टु चिक कियाक- खो थामजा कि टु नोक। खोऐ मिन इसाहक फौर। ङा खौ रागं ङाबु थामजा फोरे तेने खो रीह रुहा छेपो फुंडाक। ङा इशमाइल ला कागं रीह रुहा छेपु जोंआन। ङाइ थामजा ते इसहाक तांग ञाबु दोतका।“ तेने कोजोक सु अब्राम मिन दिफ शा अब्राहम फोरा, “बहुतो का पिता”। कोंजोक सु सारै कि मिन कंग दिफ शा सारा फोरा, सारा सेरना “मुलमाता“।

ओए शाक खो खोए पैरांग कि मियाला खतना चावा। था गन लौ चिक कि तिंगला, आबराहम लौ ज्ञा कि नोक सारा कि लौ गुपचु फुडिका, तिने सारा सु अब्राहम कि टु किवा। कोंजोक चुक सेरकान ते खोशाक खोए मिन इसाहक फोरा।

इसहाक छिपु छारवि तिंगला कोंजोक सु वोतुक चाया आबरहम कि छोत तावा, “ खोये टु ला खिर ला, ञाइ छीला पुज़ा थोंग।“ आब्राहम ते कोंजोक कि वुर ञानशा खोरि टु तिला पुज़ा तोग जाला छोमिका।

अबारहम रांग इसहाक ङुहु पुज़ा तोगदु डोया से वोतजिना, “इसहाक ते नावा वोशे दो ना पुज़ा तोगजा ला शिंग ता दुक, पुज़ा तोगलाङ छुगमा ते खाना वोता? अबराहम सु नावा, “ङाइ टु, कोंजोक ते पुंजा तोंगलङ रिउ खिङाक।“

पुज़ा तोगसे ज़ारु लिपचा सु अबराहम सु इसाहक ला दमशा पुज़ा तोगसि ज़रु ञाल ताक। खो खोरि टु ला सोतछोकमा वोका वोचम ला कोंजोक वोंगताक तेने नावा, “दोत चो! टु ला चांग खांग माफित। था ङा शेज़ुंग ख्योोत ङाला दिन छीता यिनोक। चिला सेरना ख्योत सु ख्यो!ए टु चिकतेला कांग ङा नासु बा मासुंग।“

वोति दो तेना खालवा चिक छीरताक ला खातचा वोका। आब्राहम सु थोंवा। इसाहक कि जारु कोंजोक सु खिंगबा। अबराहम गरि गु शिया खालवा कि पुज़ा तागबा।

कोंजोक सु आबराहम ला नावा, “चिला सेरना ख्योत ङाए छिला तोलि तेरलाङ यिनोक, ओए मानिता टु तिला कांग, तेरचा ला छोम दोक। ओए छिला ङा ना किलि ख्योए रिह रुहा नामखि कारमा सांग मांगबु वोङा। ख्योत ङाए वुर ला ञानसुंग। ख्योिए पैरांग तोलि ला ङा आशीष तेरि।“