7. कोंजोक याकुब ला आशीष ततपा।

तेने था चीवा या छीपु छारसा याकूब ते खांगबा रु दोतचा दीमू सेमबा, एसाव ते गलछु के खीरा ला डोया दिमु छोरा। रिबका ते याकूब ला दिमु फेका, इसहाक ते एसाव ला ञीङता ञिमु वोका।

शाक चीक, एसाव ते खीरा ला फुतचा वोंगबा तेने खो ज्ञामनि तोकरी वोका। एसाव सु याकूब ला नावा, ख्योत चि कोलशा वोत ना कांग ओए ना सु मानतांइ ञाला खारि। याकूब सु नावा, “लानचिक ख्योबत दि प्रतिज्ञा कि टु छिशोक छाया सु चि नोर वोत ना ख्योत ला थोपलाङ, ते तोलि ङाला तेरका।” तिंगला एसाव सु ओए नोर तोलि खोला तेरचि प्रतिज्ञा छावा। तेने याकूब सु खो ला थाकतुक ततपा।

इसहाक ते एसाव ला आशीष तेरमु वोका। खो ओतुक फेतचि थागला रिबका रंग याकूब सु ज़ुन क्यु या खोला डोख्या चावा। इसहाक ज्ञतपु वोकात तेने खो मिक मिथोङा। ओए छिला याकूब सु एसाव कि खोंजा खोनजा लकपा रंग आकचि ला छुगमि पाहु तुमबा।

याकूब इसहाक कि दोरु फुतचा नावा, “मांग एसाव यिन। मांगला आशीष नांग मांग ओए छीला वोग।" जब इसहाक सु ञुहवा खोये आकचि ला शुगमा कि फाल वोका खोंजा ला नुमबा, खो सेंबा एसाव यिनडाक खोला आशीष ततपा।

एसाव सु याकूब ला दुकपा चिला सेरना याकूब सु टु छिपु कि काला रंग खोए अशीष कांग ठोह साक। तिंगला खोए आपा ठोगंबी तिगंला याकूब ला नम सातोंजा से ठो चावा।

था रिबका ते एसाव कि ठो चाया वोकान ते छोर साक। ओए छिला इसहाक सु याकूब ला खोए ञिमा ञेरिंग कि दोरु थाकरिंग ला तांग ता।

याकूब लौ युम छुवु रिबका कि ञिमा ञेरिंग रांग ञाबु दता। ओए जिंना खो नामा लिनशा खोला टु चुञि फोमु चिक किवा। कोंजोक सु खोला युम छुकपु ज़ो ताक।

लौ ञिशु छुवु रंए खांबा नासु थाकरिंग दतपि तिगला, याकूब कनान रांए पेंराग, रंग योकपु, रांग खोए छुगमाया ञाबु ओयरु लोकचा वोगबा।

याकूब ते थुना ज्ञामनि जेहका चिला सेरना खो सेम्बाब एसाव ते थुना खोला सोतमु वोतडो। ओए छिला खोसु ख्योमा चोनि गलछुह ज्ञनजिक एसाव कि दोरु तागबा। ओए गलछुह ज्ञनजिक खेरचा डोआन योकपु ते एसाव ला नावा, "ख्योए योकपु याकुब, सु दि गलछुह या ते ख्योत ला ताचुंग। खो ज्ञोवा वोङा।“

था एसाव ते याकूब ला सोतचा सि मिका। ओए मागोता खोते याकूब ला ताया गरिशिवा। ओए तिंगला याकुब कनान दु दिमु चाया दता। था इसहाक ते ठोंगसाक। तेने एसाव रांग याकूब सु खोला कूंगबा।कोंजोक सु आबराहम रांग थामजा चाया सु वोकन ते था इसहाक ना सु याकूब कि खातुरु वोंगशा वोका।