13. इजरायल केर संग परमेश्वर कर वाचा

इसराइली मनकर लाल समुंदर से पार लेईके जाएक कर पाछे, परमेश्वर उमन से जंगल से होते-होते सीनै कहाएक वाला पर्वत बटे लेईके चललक। उ ओहे पर्वत रहे जेठीना मूसा जलते झाड़ी के देईख रहे। उमन वोहे पर्वत कर हेठे आपन तंबू के खड़ा करलैन।

परमेश्वर मूसा और इजराइल कर सोउब आदमी मन के कहलक, “अगर तोहिन सचमुच में मोर आज्ञामन के मानबा आउर मोर वाचा के पालन करबा, तो सोउब लोग मन से तोहिने मोर निज धन ठहरबा आउर तोय मोर दृष्टि में याजक मन कर समाज आउर पवित्रर जाईत ठहरबा।”

तीन दिन तक आदमी मन आपने आप के तैयार करलय ताकि परमेश्वर उमन के पास आय सके। तब परमेश्वर सीनै पहाड़ कर चोटी में उतरलक। जब उ आलक तो भूकंप होलाक, बिजली चमकलक, धूंगिया उठलक आउर तुरही कर जोर से शब्द होलक। तब मूसा खुद पहाड़ उपरे चढ़लक।

तब परमेश्वर आदमी मन से वाचा बांधलक उ कहलक मोय तोहर परमेश्वर यहोवा हेको जे तोहीन के मिस्र केर गुलामी से छोड़ाइहो। कोई दूसरा देवता केर पूजा ना करबा।

मूर्ति ना बनाबा आउर ऊकर पूजा ना करबा कहे कि मैं तोहरे कर केवल और केवल परमेश्वर हेकों बेमतलब मोर नाम के ना लेबा। सब्तकर दिन के पवित्र मानेक लगीन ईयाद रखबा दूसरा शब्द में छव दिन आपन सब काम करबा सातवां दिन तो विश्राम करबा आउर मोके याद करबा।

आपन माय बाप के इज्जत करबा, जान ना मारबा, व्यविचार ना कारबा, चोरी ना करबा, आपन पड़ोस कर पत्नी या घर या ऊकर कोई सामान के लेवेक कर इच्छा ना करबा।

तलेक परमेश्वर दस आज्ञा के पखल कर दूइगो पट्टी में लिख के मूसा के देइ देलक। परमेश्वर आज्ञा पालन करेक ले ढेर सारा नियम कानून देलक। अगर उमन ई नियम कानून के पालन करबैन तो परमेश्वर उमन के आशीष देवी आउर सुरक्षा देवेक कर प्रतिज्ञा करलक। लेकिन वो कहलक कि अगर उमन ई कर पालन नी करबैन तो उमन के दंड देवी।

परमेश्वर इसराइलीमन के एगो बड़का सन तंबू बनाएक ले कहलक, मिलाप वाला तम्बू। उ उमन के ठीक ठीक बतालक कि ई तंबू के कैसन बनाएक हेईक और उकर भीतरे का चीज मनके राखेक हेईक। उ उमनके तंबू के दुई हिस्सा में बांटेक लगीन एगो बड़का पर्दा के बनाएक ले भी कहलाक कालेकी परमेश्वर पर्दा के पीछे वाला कोठी में आवी आउर हुंवा रही जहां परमेश्वर रहे। उ कोठरी में जायेक ले केवल और केवल महायजक के अनुमति रहे।

उमनके मिलाप वाला तंबू कर सामने एगो वेदी के बनाएक होवी।केऊ जे परमेश्वर कर आज्ञा के तोड़ी उके वेदी ठीन एगो जानवर के लानेक होवी। तब उके याजक बली करी और बेदी उपरे परमेश्वर लगीन बलिदान कर रूप में जलाल जाई। परमेश्वर कहलक कि उ जानवर कर लहू आदमी कर पाप के ढाइप देवी एहे लखे परमेश्वर अब उ पाप के नी देखी। उ आदमी परमेश्वर कर नजर में "शुद्ध" ठहरी। परमेश्वर मूसा कर भाई हारून के और हारुन का वंश के आपन याजक होवेक ले चुनलक।

परमेश्वर जे नियम उमन के देई रहे उमन उके पालन करेक पालन करेक ले राजी होलायन। उमन सिर्फ परमेश्वर कर आदमी हावेक लगिन आउर उकर पुजा करके लगिन राजी होलैं।

बहुत दिन तक, मूसा सिनै पहाड़ कर चोटी में रहलक। उ परमेश्वर से गोठीयात रहलक लेकिन आदमीन मन उकर आपस घुरेक ले देरी होलक तो उकर इंतजार करते थाइक गेलैन। इकरले उमन हारून ठिन सोना लेइके आलय आउर एगो मूर्ति बनायक लागिन कहलय ताकि उमन परमेश्वर केर बदले उकर उपासना कईर सकेना। ई तरह से, उमन बड़ा खतरनाक तरीका से परमेश्वर कर विरोध में पाप करलैं।

हारुन बछरू कर रूप में एगो मूर्ति बनालक। उमन वोहे मूर्ति कर पूजा करेक शुरू कईर देलय आउर उकर लगीन बलिदान चढालएं। उमन कर पाप से परमेश्वर बहुत गुस्सा हुई गेलक। उ उमन के खत्म करके ले चाहत रहे लेकिन मुसा उमान के खत्म नी करे लगीन परमेश्वर से अर्जी बिनती करलक आउर परमेश्वर उकर अर्जी के सुनलक आउर उमनके खत्म नी करलक।

आखिर में मूसा सिनैई पहाड़ से नीचे उतईर के आलक मूसा उ दूइठो पखल कर पाटी के लाइन रहे जेकर में परमेश्वर कर दस हुकुम लिखल रहे। फिन मूसा उ मूर्ति के देखलक आउर मूसा इतना खिसालक उ पाटी के पटैक के चकनाचूर कैईर देलक।

फिर मूसा उ मूर्ति के तोड़लक आउर पीस के गुड़ा कईर देलक आउर उ गुड़ा के पानी में मिलाएं के उमन के पियाय देलक। परमेश्वर उमन उपरे एगो बड़का बिपाईत के भेजलक आउर उमने बहुते झन मईर गेलै

जे पाटीया मन के मूसा तोईड देलक उकर स्थान में मूसा 10 हुकुम के लानेक लगीन नावा पखलकर पाटी बनालक। तेकर उ फिर से पहाड़ में चईढ़ गेलक आउर पप्रार्थना करलककि परमेश्वर उमन के क्षमा करी। परमेश्वर मूसा कर बिनती सुनलक आउर उमनके माफ कईर देलक। नावा पाटी में दस हुकूम के लेई के मूसा पहाड़ से हेठे उतरलक। तेकर परमेश्वर सीनै पहाड़ से लेईके वादा कर देश तक इसराईली मन कर अगुवाई करलक।