12. निकलेक

इसराइली मन मिश्र से निकईल के बहुत खुश रहलैं। अब उमन गुलाम नी रहलैं। आउर उमन वायदा कर देश जात रहलैं।जे कुछ इसराइली मन मिश्री मन से मंगलैन सब कुछ देलैन हींया तक कि सोना चांदी आउर बहुत से मूल्यवान वस्तु देलैन।दूसर देश कर आदमी मन परमेश्वर उपरे विश्वास करलैन आउर जब इसराइली मन मिश्र से निकलेन तो उमन कर संग होई गेलैं।

दिन समय बादल कर एगो बड़का खंभा उमन कर आगे-आगे चलत रहे आउर राईत कर समय आईग कर खंभा बईन जात रहे। परमेश्वर उ बद्री कर खंभा में और आईग कर खंभा में रहत रहे,हमेशा उमन कर संग रहे अउर उमन कर यात्रा करेक समय में अगुवाई करलक। उमनके केवल एतना करेक रहे कि उमन उकर पाछे चलबैन।

तनिक समय कर पिछे फिरौन आउर उकर आदमी मान आपन मनके बदईल देलैन उमन इजराइली मनके फिर से आपन गुलाम बनाएक चाहत रहै।उमने इजरायली मन के पीछा करलैन। उ परमेश्वरे रहे जे उमन कर मन के बदईल रहे। उ इसन इकरले करलक कि उ चाहत रहे हर एक जन जानबैन कि फिरौन से आउर मिश्री केर सउब देवता से उ यहोवा अधिक शक्तिशाली आहे।

जब इस्राएली मने मिश्री सेना केर आवेक के देखलैन तो उमनके पता चईल गेलक कि उमन फिरौन कर फौजी और लाल समुंदर कर बीचे छेकाय गेलैन। उमन डराय गेलैन अउर कांदे लागलैन।"हामीन मिश्र के काले छोड़ली ? हामीन मरेक वाला आही।

मूसा इसराइली मन के कहलक ना डरावा परमेश्वर तोहर ले लड़ी आउर तोहीन के बचई तलेक परमेश्वर मूसा के कहलक" ईमन के लाल समुद्र बटे आगे बढ़ेक ले कह"

तब परमेश्वर उ बादल कर खंभा के लेईके इसराइली आउर मिश्री केर बिचे राइख देलक कि मिश्रीमन इसराइली मन के देईख नी सकेना।

परमेश्वर मूसा के समुंदर ऊपरे हाथ बढ़ाएक ले कहलक अउर फिन परमेश्वर हवा से समुंदर केर पानी के बयां आउर दांया करवाए देलाक जेकर से समुंदर केर बिच से एगो रास्ता बईनके गेलक।

इजराइली मने आपन दुइयो बटे पानी कर भीत कर संग सुखल भुइयां में समुंदर से होई के बईढ़ गेलैन।

तब परमेश्वर उ रास्ता से बद्री के उठाय लेलक ताकि मिश्रीमन इजराइली मन के बाईच के जाएक के देखबए। मिस्री मन उमनके धारेक लगीन पीछा करेक लगिन पिछा करेक ले निर्णय लेलैन।

अतः उमन समुंदर केर बीच से उ डहर से इसराइली मन कर पीछा करलै परंतु परमेश्वर मिश्री मन के घबराए देइहे और उमन केर रथ के अटकाए देलक। उमन चिललाय लागलै “भागा इजरायली मन बट से परमेश्वर लड़थे”।

सब इस्राइली मन समुदर कर दुसर बटे पहुंच गेलय। तब परमेश्वर मूसा के कहलक कि उ फिर से पानी बटे हाथ बढ़ाई। जब मूसा वोसने करलक तो पानी मिश्री सेनामन उपरे आए गेलक आउर पानी पहले जैसन रहे ओसने होई गेलक। सोउब मिश्री सेना डूईब के मईर गेलय।

जब इस्राइली मन देखलय कि मिश्री मन मईर गेलय तो उमन परमेश्वर उपरे विश्वास करलय। उमने विश्वास करलय कि मूसा परमेश्वर बट से भविष्यवक्ता रहे।

इस्राएलीमन इकर ले बहुत खुश रहय काहेकि परमेश्वर उमन के मरेक से आउर गुलाम होवेक से बचाय ले रहे। अब उमने परमेश्वर के आराधना करेक ले आउर उकर आज्ञा केर पालन करेक ले स्वतन्त्र रहंय।इस्राएली मन अपन छुटकारा कर परब मनाएक ले आउर परमेश्वर कर प्रसंशा करेक ले कईठो भजन गीत के गालंय काहेकि उ उमन के मिस्रीकर सेना से बचाय रहे।

परमेश्वर इस्राएली मन के हर साल एगो परब मनाएक ले आदेश देलक कि ई इयाद करेक ले कि कैसन परमेश्वर मिश्री के हरुवालक आउर उमन के गुलाम से छुड़ालक। ई फसह कर परब कहलालक। इकर में उमन के ई परब मनायक ले एगो स्वस्थ मेमना के बली करेक रहे, उके भुन्जेक रहे आउर उके बिना खमीर वाला रोटी कर संग खाएक रहे।