11. फसह

परमेश्वर मूसा आउर हारून के फिरौन के ई कहेक ले भेजलक कि इसराइली मन के जाएक दे। उमन उके चेतावनी देलैन की अगर उ उमनके नी जाए देवी,तो परमेश्वर मिस्र कर मनवा अाउर जानवर मन कर सउब जेठ बेटा के मोराई। फिरौन ई बात सुईन के परमेश्वर उपरे विश्वास करेक आउर उमन केर बात मानेक से इनकार कर देलक।

परमेश्वर उपरे विश्वास करेक वाला आदमी मन लगिन जेठ बेटा के बचाएक ले एगो उपाय करलक। हरेक परिवार के एगो निर्दोष मेमना के लेईके बालि करके रहे।

परमेश्वर इसराइली मन से उ मेमना कर लहू के लेइके आपन घर केर दुरा में लगाएक ले कहलक। उमनके उ मांस के भुंजेक कई रहे। और फिन उके अखमिरी रोटी केर संग फूर्ति से खाइक रहे। उमन उ भोजन के खाइक केर पाछे उमनके तुरंत मिस्र के छोड़ेक ले तैयार रहें कईह रहे।

जैसन करेकले परमेश्वर इस्राइली मन के आदेश देई रहे। उमने उकरे अनुसार सब कुछ करलैन। आधा राती परमेश्वर हरेक पहिलौठा बेटा के मारते मारते मिस्र देश के बीचों बीच से पार होलक।

इजराइली मन कर हर एक घर कर दुरा में लहू लागल रहे इकरले परमेश्वर उ सब घर के छोईड़ देलक। उकर भीतरे कर सब आदमी मन सुरक्षित रहलैं। उमन मेमना कर लहू कर चलते बांईच गेलैं।

लेकिन मिस्त्री मन परमेश्वर में विश्वास नी करलैं। और उकर आज्ञा के नी मानलय। ईकरले परमेश्वर उमन कर घर के नी छोड़लक। परमेश्वर मिस्री मन कर घर केर जेठ बेटा मन के माईर देलक।

जेल में कैद जेठ बेटा से लेईके, फिरौन कर जेठ बेटा मईर गेलैं। आपन गहरी पीड़ा कर कारण मिस्र का आदमी मान बहुत कंदत आउर बिलखत रहलैं।

ओहे राईत फिरौन मूसा और हारून के बोलालक आउर कहलक "इस्राएली मन के लेइके तुरंत मिश्र से निकल जावा" मिश्र केर आदमी मन भी इसराइली मनके जल्दी निकलेक ले अनुरोध करलैं।