10. दस गो बिपत
परमेश्वर मूसा आ उर हारून के चेतावनी देलक कि फिरोंन टीक होई ज ई।जब उमन फिरोंन कर ठिन गेलैं तो उमन कहलैं “इस्राएल कर परमेश्वर इसन कहेला “मोर आदमीमन के जायदे “। लेकिन फिरौन उमन कर नी सुनलक आउर इस्राएली के जायेक ले स्वतंत्र करेक के बजाय उ उमन के आउर कठिन मेहनत करेक ले मजबूर करलक।
फिरौन उमन के जायक देवेक से लगातार ईनकार करते रह्लक इकेरले परमेश्वर मिश्र में दसगो भयंकर बिपति भेजलक इ बिपति कर द्वारा परमेश्वर फिरौन के दिखा लक कि उ फिरौनं आउर मिश्र कर देवतामन से बगरा शक्तीशाली हेइके।
परमेश्वर नील नदी के लहू में बदईल देलक, परन्तु फिरौन इतना में भी इस्राएली मन के जायेक नी देलक।
परमेश्वर पूरा मिश्र देश में बेंग के भेजलक। बेंग के मिश्र से दूर क्रेक ले मूसा से अनुरोध करलक परन्तु सब बेंग के मईर जाल कर पाछे, फिरौंन आपन मन के कठोर कइर लेलक आउर इस्राएली मन के मिश्र से निकले आउर जायक नी देलक।
इकरले परमेश्वर क्रुट कि कर बिपति भेजलक। उकर पाछे डांस कर झुण्ड के बिपति भेजलक। फिरौंन मूसा आउर हारून के बुलालक आ उर उमन के कहलक कि अगर उमन उ बिपति के रोइक देबै तो इस्राइली मिश्र के छोइड के जाय सकेंना। जब मूसा प्रार्थना करलक तो परमेश्वर मिश्र से डांस के हटा य देलक। परन्तु फिरौन आपन मन के कठोर क ईर लेलक आउर उमन के स्वतंत्र होईके जायेक नी देलक।
इकर आगे, परमेश्वर मिश्रीमन कर सब पालतू जानवर के बीमार होइके मइर जाएक देलक। परन्तु फिरौंन कर मन कठोर होई जाय रहे आउर उ इश्राइलीमन के जाए नी देलक।
तब परमेश्वर मूसा के फिरौन कर आगे हवा में राख फेकक कहलक। जब उ ऐसन करलक तो मिश्र कर आदमीमन कर चमदा में दर्दनाक फोड़ा निकइल गेलक परन्तु इस्राएली मन कोनो नी होलक। परमेश्वर फिरौन कर मन के कठोर क इर देलक आउर फिरौन इस्राएली मन के स्वतंत्र होई के जाएक नी देलक।
इकर बाद परमेश्वर कारा पत्थर गिरालक आउर मिश्र कर अधिकांश खेती के नाश क इर देलक आउर जे कोई बहरे निकललय उके मा इर डाललक। फिरौन मूसा आउर हारून के बुलालकआ उर उमन के कहलक मोय पाप कइरहों तोहिनमन जाय सकला” अतः मूसा प्रार्थना करलक, आउर आकाश से कारा पत्थर गिरक बंद होई गेलक।
परन्तु फिरौन फिर से पाप करलक आउर आपन मन के कठोर कईर देलक उ इस्राएली मन के स्वतंत्र होइक जाएक नी देलक।
अतः परमेश्वर मिस्र मे टिडियां कर झुण्ड के आवे देलक। इ टिडियाँ उ सब फसल के खालक जे के कारा पत्थर नाश नी कइर रहे।
फिर परमेश्वर अंधकार कईर देलक जे तीन दिन तक बनल रहे उ इतना गहरा रहे कि मिश्रीवासी आपन घर से नी निकल पारलेन। लेकिन इस्राएली मन रह्लेन हुवां उजाला रह्लक।
इ नौ गों बिपति कर बाद भी फिरौन इस्राएली मन के स्वतंत्र होई के जाएक देवेक से इंकार कइर देलक। चूँकि फिरौन नी सुइन रहे इकरले परमेश्वर एगो अंतिम बिपति के भेजेक का योजना बनालक। इ फिरौन केर मन के बदइल देवी।
निर्गमन अध्याय 5-10 से एगो बाइबल कर कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।