17. दाऊद केर संगे परमेश्वर कर वाचा

शाऊल इजराइल कर पहिला राजा रहे। ऊ लंबा आउर सुंदर रहे, जैसन उमन चाहत रहैं ठीक उसने। इजरायल ऊपरे आपन राइज करेक मे आपन कुछ बरीस में शाऊल बढ़िया राजा रहे। लेकिन बाद में ऊ दुष्ट राजा बैईन गेलक। परमेश्वर कर बात के नी मानलक सेकरले परमेश्वर एगो दूसर आदमी के चुईन लोलक कि एक दिन ऊकर जगह में राजा बनी।

परमेश्वर दाउद नावकर एगो जवान इसराइली पुरुष के चुनलक कि एक दिन शाउल ऊकर जगह राजा होवेकले तैयार करेक शुरू करलक। दाऊद बेथलहम नगर कर चरवाहा रहलक कई बेर दाऊद शेर और भालू दूडयो के मईर मोराए रहे जखन दाऊद आपन बापकर भेड़ केर रखवाली करत रहे ऊ बेरा ऊमन भेड़ के हमला करत रहलैं। दाऊद एगो धर्मी आउर नम्र स्वभाव कर मनुख रहलक। ऊ परमेश्वर ऊपरे भरोसा करलक आऊर ऊकर गोइठ के मानलक।

जब दाऊद एखन छोंडा रहे। ऊ लंबा चौड़ा गोलियथ केर विरुद्ध लड़ाई करलक। गोलियथ एगो बेस बढ़िया सैनिक रहे ऊ बहुत मजबूत आऊर लगभग 3 मीटर लम्बा लेकिन परमेश्वर गोलियथ के मारेक आऊर इजराइली मन के बचाएक में दाऊद मदत करलक। इकर पाछे दाऊद इजराइलीमनकर दुश्मन ऊपरे बहुत धाव जीत प्राप्त करलक। दाऊद एगो बड़का सैनिक बैंडईन गेलक, आऊर बहुत से लड़ाई में इजरायली सेना कर अगुआई करलक। आदमीन मन ऊकर बड़ी बड़ाई करलैं।

आदमीनमन दाऊद से इतना प्रेम करलैन कि शाऊल ऊकर से ईर्ष्या करेक लागलक आखिर में शाऊल ऊके मोराएक चाहत रहे। इकरले दाऊद उकर से आउर उकर सैनिक मन से बांचेक ले पहार में भाईग गेलक। एक दिन जब शाऊल अउर उकर सैनिक मन ऊकर खोज में रहलैन तो शाउल एगो माड़ा में गेलक। ई वोहे माडा रहे जेकर में दाऊद लुईक रहे। ऊके शाऊल नी देखलक। दाऊद शाऊल कर बहुत भीरे चईल गेलक अउर उकर लुगा कर एगो आंचरा के काईट लेलक।बाद में जब शाऊल ऊ माड़ा से निकललक तो दाऊद ऊके हंकाय के टुकड़ा कपड़ा के देखालक। ई तरीका से शाऊल जाईन गेलक कि दाऊद राजा बनेक लगिन ऊके मारेक से इनकार करलक।

थोड़ेक दिन बाद शाऊल लड़ाई में मराय गेलाक अउर दाऊद इजरायल कर राजा बाईन गेलक। ऊ एगो अच्छा राजा रहलक।,और आदमीन मन ऊकर से प्रेम राखलय। परमेश्वर दाऊद के आशिषित करलक अउर ऊके सफल बनालक। दाऊद कैठो लड़ाई लड़लक, और परमेश्वर इस्राइली मन के आपन दुश्मन के पराजित करेक में उमनकर सहायता करलक। दाऊद येरूसलम शहर के जीत के आपन राजधानी बनालक जहां ऊ रहलक अउर राइज करलक। दाऊद चालीस बरिस तक राजा रहलक। इ समय कर दरम्यान इजराइल शाक्तिशाली अउर धनवान बईन गेलक।

दाउद एगो मंदिर बनायक चाहत रहे जहाँ सब इस्राइली परमेश्वर कर अराधना कइर सकेना आउर ले बलिदान चढ़ाय सकेन। लगभग ४०० बरिस से उमन मूसा कर बनाल मिलाप वाला तंबू में परमेश्वर कर अराधना करत रहलैन आउर उकरले बलिदान चढ़ात रहलैन

लकिन हुवां नातान नाव कर एगो भविष्यवकता रहत रहे। परमेश्वर उके दाउद के कहेक ले भेजलक”तोंय बहुत से लड़ाई लड़ले इकरले तोंय मोर ले ई मंदिर के नी बनाबे “तोभी मोय तोके बहुतायत से आशीष करबू। तोर एगो वंश हमेशा ले मोर आदमी मन उपरे राजा कर रूप में राइज करी। ”हमेशा ले राइज करेक वाला उ दाउद कर एक मात्र वंश मसीह रहे। मसीह परमेश्वर कर चुनल आदमी रहे जे संसार कर आदमी मन कर पाप से बचाई।

जब दाउद नतान कर सन्देश के सुनलक तो उ परमेश्वर के धन्यवाद करलक आउर उकर स्तुति करलक। परमेश्वर उकर प्रतिष्ठा के बढ़ात रह्लक आउर उके बहुत आशीष देवत रहे। बेशक, दाउद नी जानत रहे कि परमेश्वर ई बात के कहिया करी। ई समय हामिन जानीला कि इस्राइली के लम्बा समय तक लगभग 1000 बर्ष तक मसीह कर आवेक कर इंतजार करेक होवी

दाउद कई बरस तक न्याय पुर्बक आपन आदमीं उपरे राईज करलक। उ बड़ी निष्ठा से परमेश्वर कर बात के मानलक आउर परमेश्वर उके आशीषित करलक। हलांकि,आपन जीवन कर अंत में उ परमेश्वर कर बिरुद्ध में भयानक पाप करलक।

एक दिन दाउद आपन महल से बहरे हुलकलक आउर एगो सुंदर औरत के नहाते देखलक। उ उके नी जानत रहे, लकिन उ पता कईर लेलक कि उकर नाव बेतशेबा रहे।

आपन नजइर के हाटाय लेवेक बजाय, दाउद उके आपन ठीन लानेक लागिन केखो भेजलक उ उकर संग सुतलक आउर उके आपस घर भेइज देलक। थोड़े समय कर बाद बतशेबा ई कईहके दाउद ठीन समाचार भेजलक कि उ गर्भवती आहे।

बतशेबा कर पति उरिय्याह नाव कर एगो आदमी रहे। उ दाउद कर एगो बढ़िया सैनिक में गिनल जात रहे। इ समय उ लड़ाई करेक ले बाहरे जाय रहे। दाउद उरिय्याह के लड़ाई से वापस बोलय के उके आपन पत्नी कर संग रहेक ले कहलक। परन्तु दुसर सैनिक लड़ाई में राइह गेलें इकारले उरिय्याह घर जायक से मना कईर देलक अतः दाउद उरिय्याह के वापस भेइज देलक आउर सेनापति के कहलक कि उके लड़ाई कर इसन जगह राखबे कि जे ठीन दुश्मन ताकतवर होबैं ताकि उ मईर जाई। तो एसन होलक कि उरिय्याह लड़ाई में माराय गेलक।

उरिय्याह कर लड़ाई में मराल पाछे दाउद बतशेबा से शादी कईर लेलक। बाद में उ दाउद कर बेटा के जनम देलक। दाउद जे कईर रहे उकर से परमेश्वर भयानक खिसाय रहे, इकारले उ नतान भविष्यवक्ता के दाउद ठीन ई बताएक ले भेजलक कि उकर पाप कितना बुरा रहे। दाउद आपन पाप से पश्चताप करलक आउर परमेश्वर उके क्षमा करलक। आपन बाकि जीवन में, आपन कठिन समय में भी दाउद परमेश्वर कर पीछे पीछे चलते रह्लक आउर उकर बात के मानलक।

लकिन दाउद कर छउवा मईर गेलक। ई तरीका से परमेश्वर दाउद के दंड देलक। इकर अलावा,दाउद केर मरत तक, उकर आपन परिवार के कुछ आदमी उकर बिरुद्ध लड़ाई करलेन आउर दाउद कर आपन शक्ति कम होई गेलक। लेकिन परमेश्वर बिश्वास योग्य रह्लक आउर इतना करल बाद भी उ उ करलक जे उ दाउद से करेक कर वादा कईर रहे कि उ उकरी, भले हे दाउद उकर आज्ञा उलंघन कईर रहे। बाद में, दाउद आउर बेतशेबा से दूसरा बच्चा जनमलक, आउर उमन उकर नाव सुलेमान राखलैं।