19. भविष्यद्वक्ता

परमेश्वर हमेशा इसरायली मन ठीन भविष्यवक्ता मन के भेजत रहे। भविष्यवक्ता परमेश्वर कर सन्देश सुनात रहलैन आउर आदमी मन के बतात रहलैन।

जब अहाब इजराइल राइज कर राजा रहे तो उ समय एलियाह भविष्यवक्ता रहे। अहाब एगो बुरा आदमी रहे। उ झूठा बाल देवता कर पूजा पाठ करवाएक लागिन आदमी मन के मजबूर कईर रहे। इकारले एलिय्याह अहाब के कहलक कि परमेश्वर उमन के सजा देवेक जाथे। उ उकर से कहलक “जब तक मोय फिर से बारिश होवेक लागिन नी कह्बू तब तक इजराइल के राईज में ना बारिश ना ओस गिरी “ई बात अहाब के इतना गुस्सा कईर देलक कि उ एलिय्याह के मईर डालेक कर सोइच लेलक।

इकारले परमेश्वर एलिय्याह के कहलक कि ऊ जंगल में जायके अहाब से लुइक जाय। एलिय्याह जंगल में ऊ नाला ठीन गेलक जोन ठीन परमेश्वर उके बातय रहे। रोज बिहान और साँझ कौवा एलिय्याह ले रोटी और मांस लेईके आवत रहे।

बरखा नी होवेक से कुछ समय कर बाद ऊ सोता सुइख गेलक। इकारले एलिय्याह भिरे कर देश में चईल गेलक। ऊ देश में गरीब बिधवा रहे जेकर एकेठो बेटा रहे। उमन ठीन करीब करीब आटा ख़तम होई चुईक रहे। काहेकि कोनो खेती नी होवत रहे। फिर भी उ बिधवा बुधिया एलिय्याह के देख रेख करलक इकारले परमेश्वर उकर और उकर बेटा कर आवश्यकता के पूरा करलक। ई कारण से उकर आ टा कर घड़ा और उकर तेल कर कुप्पी कभी खाली नी होलक। उ पूरा अकाल कर समय उमन ठीन खाना रहलक। एलियाह कुछ समय तक हुवां रहलक।

साढ़े तीन बरस कर बाद, परमेश्वर एलियाह के कहलक की उ फिर से बारिस करी। उ एलिय्याह के वापस इस्राएल राईज में जाएक अहाब से बतियएक ले कहलक। इकारले एलिय्याह अहाब ठीन गेलक। जब अहाब उके देखलक तो उके कहलक “अच्छा तोय हेकिस मुश्किल पैदा करेक वाला एलिय्याह जबाप देलक “मुशीबत पैदा करेक वाला तो तोहे हेकिस। तोय यहोवा के छोइड देले। वोहे सच्चा परमेश्वर हेके लकिन तोय बाल कर पूजा पाठ कराथिस। अब तोके इस्राएल राईज केर सब आदमी मन के कार्मेल पर्वत ठीन लेईके आबे।”

अत: सोउब आदमी मन कार्मेल पर्वत ठीन गेलेन। उमन भी आलय जे कहत रहलेन कि उमन बाल कर सन्देश बोलेना। उमन बाल कर भविष्यवक्ता रहय। उमन सोब 450 जन रहलय। एलिय्याह आदमी मन के कहलक “कितना दिन तक तोहिन आपन मन के फिराय राखबा?अगर यहोवा परमेश्वर हके तो उकर आराधना करा। अगर बाल परमेश्वर हके तो उकर आराधना करा! ”

तब एलिय्याह बाल कर भविष्यवक्ता मन के कहलक “एगो बैल कर बलि कईर के उकर मांस के बलिदान होवेक ले एगो बेदी में राखेक कहलक लेकिन आईग मईत लगाबा उकर बाद मोय भी वोसने करबू और एगो बेदी में मोय उ मांस के राखबू। तब अगर परमेश्वर उपरे से आईग गिराई तो तोहिन जाईन जावा की उ सच्चा परमेश्वर हेके। तब बाल कर भविष्यवक्ता एगो बलि के तैयार करलय लकिन आईग नी लगालय।

तेकर बाल कर भविष्यवक्ता मन बाल से प्रार्थना करलय की “हे बाल हमर सुन! ”पुरा दिन उमने प्रार्थना करलय। आउर चिल्यालय और हिंया तक की स्वयं के चाकू से काईट लेलेंन। लेकिन बाल जवाब नी देलक,और उगो कोनो आईग नी गिरालय।

बाल कर भविष्यवक्ता बाल से प्रार्थना करेक में लगभग गोटा दिन बिताय लेलय। अंत में उमन प्रार्थना करेक बंद कईर देलय। तब एलिय्याह दुसर बैल केर मांस के परमेश्वर बेदी में राइख देलक। उकर बाद उ आदमी मन से पानी कर बड़का गगरी से ई बलिदान में तब तक उझ्लेक लागिन कहलक कि मास काठी और हिंया तक कि बेदी कर अगल बगल भुइंया पूरा गिला नी होई गेलक।

तेकर बाद एलिय्याह प्रार्थना करलक हे अब्राहम इसहाक और याकूब कर परमेश्वर हामिन के देखाव कि तोय इस्राएल कर परमेश्वर हकिस और इसन आहे कि मोय तोर दास हेको। मोके जवाब देजेकर से इमन जाईन लेबैं कि तोहे सच्चा परमेश्वर हेकिस।

तुरंते असमान से आईग गिरलक और उकर मांस काठी पखाल माट्टी और हिंया तक कि बेदी कर अगल बगल कर पानी के भी सुखाय देलक। जब आदमी मन देखलय उमन भुइया में गेलय और बोललय यहोवा ही परमेश्वर हेके! यहोवा ही परमेश्वर हेके।

तब एलिय्याह कहलक “बाल कर एको ठो भविष्यवक्ता के ना जाए देबा इकारले आदमी मन के बाल कर भविष्यवक्ता मन के धईर लेलेन और उमनके हुवां से दुसर जगह ले गेलेन और माईर मोरालेन।

तब एलिय्याह अहाब राजा के कहलक “जल्दी से आपन घर भाईग जा काहेकी बारिस होवेक वाला आहे “तुरंत बद्री छाय गेलक और हुमचुवा पानी बरसे लागलक यहोवा उ सुखल के ख़तम करत रहे। इकर से पता चली कि यहोवा ही सच्चा परमेश्वर हेके।

जब एलिय्याह आपन काम के ख़तम करलक तो परमेश्वर एलिशा नाव कर एगो आदमी के आपनं भविष्यवक्ता होवेक ले चुनलक। परमेश्वर एलिशा केर माध्यम से बहुत से चमत्कार करलक। एगो चमत्कार नमान कर साथ होलक। उ एगो शत्रु कर सेना कर सरदार रहलक लेकिन उकर चमड़ा में एगो बुरा रोग रहे। नमन एलिशा कर बारे सुनलक इकारले उ एलिशा ठीन आलाक और उकर से उके ठीक करेक ले अनुरोध करलक। एलिश नमान के कहलक कि जायके यार्दन नदी केर पानी में सात बेर डुबकी लगाय ले।

नमान गुस्सा होई गेलक, उ एसन करेक से इन्कार कईर देलक, काहेकी ई उके मुर्खता कर काम लागत रहे। लेकिन पाछे उ अपन मन के बदईल देलक अउर जाय के यर्दन अनादी केर पानी में सात बेर डुबकी लगालक। जब अंतिम में डूबकी लगालक अउर पानी से बाहरे निकललक तो परमेश्वर उके चंगा केईर देलक।

परमेश्वर इस्राएलली मन ठीन बहुत सारा भविष्यवक्ता मन के भेज लक। उ सब कोई मूर्ति केर पूजा पाठ करेक से मना करेक ले कहली, इकर बावजूद उमन के ऐक दूसरा क्र साथ न्यायपूर्वक ब्यहार करेक चाही अउर ऐक दुसर उपरे दया करेक चाही उ भविष्यवक्ता मन आदमी मन के चेतावनी देवत रहलय की उमन के बंद कराय देवेक रहे। अउर इकर वावजूद परमेश्वर क्र बात क्र पालन करेक है। अगर उमन एसन नि केरलें तो परमेश्वर उ मन के दोषी मान के उ मन क्र न्याय करी अउर उमन के सजा देवी।

ज्यादातर समय उमन परमेश्वर केर आज्ञा केर पालन नि करलैं। हमेशा उमन भविष्यवक्ता मन के संग बुरा ब्यावाहर करत रहलैं। हियाँ तक की कभीकभी उमन के माईर डाललय। ऐक बार उमन यिर्मियाह भविष्यवक्ता के सुखल दल दल इंद्रा में साईज देलय अउर उके हुवां मरेक ले छोईड़ देई रहलय। उ इंद्रा केर निचे कादो में डूईब जाई रहे। लेकिन तब राजा के उकर उपरे दया आलक अउर उ अपन सैनिक मन के हुकुम देलक की यिर्मियाह के मरेक से पहले उ इंद्रा से बाहरे खिंच लेबय।

भविष्यवक्ता परमेश्वर बट से बोलेक जारी राईख रहे भले ही आदमी मन उकर से नफरत करत रहलय। उमन आदमी मन के चेतावनी देलैं कि अगर उमन पछतावा निकरलै तो परमेश्वर उमन के नाश केर देवी। उमन आदमी मन के ई इयाद करवालक कि परमेश्वर उमन ठीन मसीह केर भेजेक कर वादा कईर हे।