21. परमेश्वर मसीह कर प्रतिज्ञा करेला

जब परमेश्वर ने संसार कर सृजन करलक, उ जानत रहे कि उके बाद में कोनो दिन मसीह के भेजेक होवी। उ आदम आउर हव्वा से प्रतिज्ञा करलक कि उ ऐसन करी। उ कहलक कि हव्वा से एगो वंश जनम लेवी जे साँप केर सिर (मुड़ी) के कुची। जे साँप हव्वा के धोखा देलक उ सच में शैतान रहे। परमेश्वर कर अर्थ रहे कि मसीह पूरी तरह से शैतान के हराय देवी।

परमेश्वर अब्राहम से प्रतिज्ञा कईर रहे कि उकर द्वारा संसार कर सब जाईत आशीष पाबंय। परमेश्वर बाद में कभी भी मसीह के भेजेक द्वारा उ प्रतिज्ञा के पूरा करी। उ मसीह संसार केर हरेक जाईत में से आदमी मन कर पाप से छुड़ाई।

परमेश्वर मूसा से प्रतिज्ञा कईर रहलक कि भविष्य में उ मूसा केर जेसन एगो दूसरा भविष्यद्वक्ता के भेजी। उ भविष्यद्वक्ता मसीह होवी। इहे लखे, परमेश्वर फिर से प्रतिज्ञा करलक कि उ मसीह के भेजी।

परमेश्वर राजा दाऊद से प्रतिज्ञा करलक कि उकर एगो वंश मसीह होवी। उ राजा होवी आउर परमेश्वर केर आदमी मन उपरे हमेशा लागिन राईज करी।

परमेश्वर यिर्मयाह भविष्यद्वक्ता से बात करलक आउर कहलक कि एक दिन उ एगो नवा वाचा बाँधी। उ नवा वाचा इस्राएल केर संग सीनै में बाँधल वाचा पुरान वाचा लखे नी होवी। जब आदमीमन केर संग उ आपन नवा वाचा के बाँधी, तो उ मन उपरे स्वयं के व्यक्तिगत रूप से प्रकट करी। हरेक आदमी उकर से प्रेम राखबय आउर उकर व्यवस्था के पालन करेक कर इच्छा राखबय। परमेश्वर कहलक कि इ उकर व्यवस्था के उमन कर दिल में लिखेक जैसन होवी। उमन उकर आदमी होबय, आउर परमेश्वर उमन केर पापों के क्षमा करी। उ मसीह होवी जे उकर संग उ नवा वाचा के बाँधी।

परमेश्वर केर भविष्यद्वक्ता मन इ भी कईह हैं कि मसीह एगो भविष्यद्वक्ता होवी। एगो भविष्यद्वक्ता उ व्यक्ति है जे परमेश्वर केर वचन के सुनेला आउर फिर आदमीमन ले परमेश्वर केर संदेश कर घोषणा करेला। जेके भेजेक कर परमेश्वर प्रतिज्ञा कईर रहे उ मसीह एगो सिद्ध भविष्यद्वक्ता होवी। अर्थात् उ मसीह परमेश्वर केर संदेश के आच्छा से सुनी, आउर उ आदमीमन के उ संदेश के बढ़िया से सिखाई।

इस्राएली याजक मन आदमीमन ले परमेश्वर केर आगे बलिदान चढ़ाएक जारी रखलय। ई बलिदान आदमीमन केर पाप लागिन उमन के परमेश्वर सजा देवेक कर जगह ठीन चढ़ाल जात रहे। याजक मन आदमीमन लागिन बिनती (प्रार्थना) भी करलय। परन्तु, उ मसीह सिद्ध महायाजक होवी जे परमेश्वर के देवेक ले एगो सिद्ध बलि केर रूप में स्वयं के चढ़ाई देवी। अर्थात्, उ कभी पाप नी करी, आउर जब उ स्वयं के बलि होवेक ले देवी, तो संसार कर कोई भी दूसरा बलि आवश्यक नहीं होवी।

आदमीमन केर समूह में राजा आउर प्रधान राईज करत रहलय, आउर कभी-कभी उमन गलति करत रह्लय। राजा दाऊद केवल इस्राएलिमन उपरे राइज करलक, परन्तु राजा दाऊद कर वंश मसीह पूरा संसार उपरे राइज करी, आउर उ हमेशा लागिन राइज करी। इकर अलावा, उ हमेशा न्यायपूर्वक रीति से राइज करी, आउर सही निर्णय के लेवी।

परमेश्वर कर भविष्यद्वक्ता मन मसीह के बारे में बहुत सी बात के कहलय। उदाहरण ले, मलाकी कहलक कि मसीह केर आवेक से पहले एगो दुसर भविष्यद्वक्ता आवी। उ भविष्यद्वक्ता बहुत महत्वपूर्ण होवी। इकर अलावा, यशायाह भविष्यद्वक्ता लिखलक कि मसीह एगो कुँवारी से जनम लेवी। आउर मीका भविष्यद्वक्ता कहलक कि मसीह बैतलहम नगर में जनम लेवी।

यशायाह भविष्यद्वक्ता कहलक कि मसीह गलील केर क्षेत्र में डेरा करी। जेमन बहुत दुःखी आहैं से मन के मसीह शान्ति देवी। उ कैदिमन के भी स्वतंत्र करी। मसीह बीमाहारिया मन के आउर जे सुईन नहीं सकेला, देईख नी सकेला, बोईल नी सकेना, या चले नी सकेना उमन के भी चंगा करी।

यशायाह भविष्यद्वक्ता इसन भी कहलक कि आदमीमन मसीह से घृणा नफरत करबय आउर उके स्वीकार करेक से इंकार करबय। दुसर भविष्यद्वक्ता मन कहलय कि मसीह कर एगो संग उकर विरुद्ध में खड़ा होवी। जकर्याह भविष्यद्वक्ता कहलक की उकेर संग एसन करेक ले दुसर आदमीमन से चांदी कर तीस सिक्का लेवी। ईकर अलावे कुछ भविष्यद्वक्ता मन कहलय मसीह के माईर के मोराबय। आउर ऐसन की उमन उकेर लुगा लागिन जुवा खेलबय।

भविष्यद्वक्ता मन ई भी बतालय कि मसीह कैसन मरी। यशायाह भविष्यद्वाणी करलक कि आदमीमन मसीह उपरे थूकबय, उकर मजाक उड़ाबय, आउर उके पीटबय। उमन उके छेईद देंबय आउर उ बड़ी दुःख आउर ताड़ना में मईर जाई, जबकि उ कुछ भी गलत नी कईर रही।

भविष्यद्वक्ता मन ई भी बतालय कि मसीह पाप नी करी। उ सिद्ध होवी। लेकिन उ इकरले मरी कि परमेश्वर उके दुसर आदमीमन कर पाप कर खातिर दंड करी। उकर मरल से आदमीमन परमेश्वर केर साथ मेल करेक ले सक्षम होंबै। इकरले परमेश्वर चाहत रहे कि मसीह मरी।

भविष्यद्वक्ता मन ई भी बतालय कि परमेश्वर मसीह के मरल में से जीयय। इ दर्शावेल कि इ सब नवा वाचा के बाँधेक कर परमेश्वर कर योजना रहे, ताकि उ उमन के बचाय सकेल जेमन उकर विरुद्ध पाप कईर है।

परमेश्वर भविष्यद्वक्ता मन उपरे मसीह केर बारे में बहुत बात के प्रकट करलक, परन्तु मसीह उ भविष्यद्वक्ता मन में से केकरो के भी जीवनकाल में नी आलक। इ भविष्यद्वानी के देवल जाल केर 400 से बगरा साल केर बाद, ठीक समय में, परमेश्वर मसीह के इस संसार में भेजलक।