22. यूहन्ना कर जनम

पिछले समय में परमेश्वर आपन भविष्यद्वक्ता से बात कईर रहे ईकेरले आदमीमन से बात कईर सइक रहे। लेकिन उस समय से लेइके फिर 400 साल कर बीतत तक उ उमन से बात नी करलक। तब परमेश्वर ने जकर्याह नाव कर भविष्यद्वक्ता के पास एगो स्वर्गदूत के भेजलक। जकर्याह आउर उकर पत्नी एलीशिबा परमेश्वर कर आदर करत रहलय। उमन ढेर बुढा होई जाई रहय, आउर उमन कर कोई संतान जनम नी होई रहलय।

उ स्वर्गदूत जकर्याह से कहलक, "तोर पत्नी से एगो बेटा पुत्र कर जनम होवी। तोय उकर नाव् यूहन्ना राखबे। परमेश्वर उके पवित्र आत्मा से परिपूर्ण करी, आउर यूहन्ना आदमीमन के मसीह के ग्रहण करेक ले तैयार करी।" जकर्याह जवाब देलक, "मोय आउर मोर पत्नी संतान पैदा करेक ले बहुत बुढा होई जाही! मोय कैसे जानबू कि तोय मोके सचे कहथिस ?"

उ स्वर्गदूत जकर्याह के जवाब देलक, "तोरे ठीन इ शुभ संदेश के लानेक ले मोय परमेश्वर बटे से भेजल आहों। काहेकि तोय मोर पे विश्वास नीकरले, इकरले छउवा के जनम होवेक तक तोय बोलेक नी सकबे " तुरन्त ही, जकर्याह कर आवाज निकलेक बंद होई गेलक। तब उ स्वर्गदूत जकर्याह के पास (ठीन ) से चईल गेलक। इकर बाद, जकर्याह घर घुइर आलक आउर उकर पत्नी आशापति होलक।

जब एलीशिबा छः महीने कर अशापति रहे, तो वोहे स्वर्गदूत अचके से एलीशिबा कर रिश्तेदार पर प्रकट होलक, जेकर नाव मरियम रहे। मरियम कुँआरी रह्लक आउर शादी होवेले यूसुफ नाव केर पुरुष केर संग उकर मंगनी होई चुईक रहे। स्वर्गदूत कहलक, "तोय आशापति होबे आउर एगो बेटा के जनम देबे। तोके उकर नाव यीशु राखबे। उ सर्व-शक्तिमान परमेश्वर कर बेटा होवी आउर हमेशा ले राइज करी"

मरियम जवाब देलक, "इ कैसन होवी, कहाकि मोय तो कुँआरी आहों?" उ स्वर्गदूत समझालक, "पवित्र आत्मा तोर उपरे आवी, आउर परमेश्वर कर सामर्थ तोर उपरे छाया करी। इकरले उ बालक छउआ पवित्र होवी, आउर उ परमेश्वर कर बेटा होवी" जे उ स्वर्गदूत कहलक उकर उपरे मरियम विश्वास करलक।

इ होवेक कर तुरन्त बाद, मरियम जाए के एलीशिबा से भेंट करलक। जैसने मरियम उके नमस्कार करलक, एलीशिबा कर बालक उकर भीतरे उछललक। उमन ले परमेश्वर जे कईर रहे उकर बारे में उ स्त्री दुनो एक साथ आनन्दित होलायं। एलीशिबा केर संग तीन महीना रहेक कर बाद, मरियम घर घुइर गेलक।

इकर बाद, एलीशिबा आपन बालक के जनम देलक। जकर्याह आउर एलीशिबा उ बालक कर नाव यूहन्ना राखलय, जैसन कि उ स्वर्गदूत आदेश देई रहे। तब परमेश्वर जकर्याह के बोलेक ले शक्ति देलक । जकर्याह कहलक, "परमेश्वर कर महिमा होवे, काहेकि उ आपन आदमीमन कर मदद करेक ले इयाद राइखे! हे मोर बेटा तोय सर्व-शक्तिमान परमेश्वर कर भविष्यद्वक्ता होबे। तोय आदमीमन के बताबे कि उमन कैसन आपन पाप कर क्षमा पाए सकेना! "