43. कलीसिया कर शुरू होवेल

यीशु केर स्वर्ग घुईर जाल कर बाद चेला मनयेरुसलेम में ही रुइक गेलय जैसन कि यीशु उमनके करेक कर आज्ञा देई रहे। हुवां कर बिश्वासी आदमी मन लगातार एक साथ प्रार्थना करेक लागिन जमा होवत रहलय।

हरेक साल, फसह परब कर 50 दिन केर बाद यहूदी मन पेंतिकुस्त नाव कर एगो महत्वपूर्ण दिन के मानत रह लय। पेंतिकुस्त उ समय रहे जब यहूदी मन गेहूं कर कटाई के मानत रह लय। सारा संसार से यहूदी आ दमी मन पेंतिकुस्त कर दिन के एक साथ मनाएक लागिन येरूशलेम में आए रहलय। ई बरस पेंतिकोस्त मनाएक कर समय यीशु स्वर्ग चईल जाएक कर लगभग एक सप्ताह कर बाद आय रहे।

जे समय सब बिश्वासी आदमीमन एक संग जमा होई रहलय तो जे घर में उमन रहलय अचानक से तेज हवा कर आवाज से भईर गेलक। तब आईग के लौ लखे दिखेक वाला कुछ सब बिश्वासी मन केर मुड़ कर उपरे प्रगट होलक। उमन सब पवित्र आत्मा से भईरआउर उमन अन्य अन्य भाषा में परमेश्वर कर स्तुति करलय। इ वोहे भाषा रहे जेके बोलेक लागिन उमन के पवित्र आत्मा सक्षम करलक।

जब यरूशलेम में रहेक वाला आ\दमी मन इ हल्ला के सुनलय तो उमन भीड़ कर रूप में ई देखेक ले एक संग आए गेलय कि का होवथे ?उमन बिश्वासी मन के परमेश्वर कर द्वारा करल बड़का काम कर घोषणा करते सुनलय। उमन आश्चर्य होई गेलय काहेकि उमन उ काम के अपन ही भाषा में सुनत रहलय।

इमन में से कुछ आदमी मन कहलय कि उ चेला मन नशा में आह्य लेकिन पतरस खड़ा होलक आउर उमन से बोल लक, मोर बात सुना! ई आदमी मन नशा में नखाय। इकर बजाय जे तोहीन देखथा उ वोहे हेके जे योयेल भविष्यद्वक्ता कइह रहे कि होवी परमेश्वर कइहे अंत कर दिन में मोय अपन आत्मा उझालबू।

"हे इस्राएली पुरुषमन, यीशु एगो एसन आदमी रहे जे ई दिखायकले कि उ कोन रहे बहुत से अनोखा काम कईर रहे। उ परमेश्वर कर सामर्थ से बहुत से अद्भुत काम के कईर रहलक तोहिन इके जानला काहेकि तोहीन ई काम के देईख हा। लेकिन उके क्रूस में चढ़ाय देला।”

"यीशु मईर गेलक लेकिन परमेश्वर उके मरल में से जिन्दा कइर देलक। इ उ सब बात के पूरा करलक जेके एगो भविष्यद्वक्ता लिख रहे तोय अपन पवित्र जन के कबर में सड़ेक नी देवी” हमीन गवाह आही कि परमेश्वर यीशु के फिर से जिन्दा कईर देलक।”

"परमेश्वर पिता अब यीशु के अपन दाहिनी बटे बैठाय के आदर देलक। आउर यीशु हमरले पवित्र आत्मा भेईज हे जैसन कि उ प्रतिज्ञा कईर रहे कि उ भेजी पवित्र आत्मा ही उ काम के होवेक देवत रहे जेके तोहिन देखथा आउर सुनथा।”

"तोहिन उ आदमी यीशु के क्रूस उपरे चढ़ाय देला। लेकिन निश्चित रूप से जाइन लेवा कि परमेश्वर यीशु के सब चीज उपरे प्रभु आउर मसीह दूइयों होवेकले ठहराहें।”

पतरस के सुनेक वाला आदमी मन उकर द्वारा कहल बात से अंदर तक हिल गेलय। इकरले पतरस आउर चेला मन पूछ लय, “हे भाई मन हमींन के का करेक चाहि ?”

पतरस उमन के जवाब देलक, "तोहिन में से हर एक अपन पाप लागिन पश्चाताप करा ताकि परमेश्वर तोहर पाप के क्षमा करी, आउर यीशु मसीह केर नाम से बपतिस्मा लेवा। तब उ तोहिन के वरदान स्वरूप पवित्र आत्मा भी देवी।"

पतरस जे कहलक उकर में लगभग 3,000 आदमीमन विश्वास करलय आउर यीशु केर चेला बईन गेलय। उमन बपतिस्मा लेलय आउर यरूशलेम कर कलीसिया कई हिस्सा बईन गेलय।

जब प्रेरितमन उमन के शिक्षा देलय तो बिश्वासी मन लगातार सुनलय। उमन अक्सर मिलत रह लय आउर एक साथ खाना खात रहलय आउर उमन हमेशा एक दुसर ले प्रार्थना करलय। उमन मिलके परमेश्वर कर स्तुति करलय आउर जे कुछ उमन ठीन रहे उमन एक दुसर कर संग साझा करलय। नगर कर हरेक आदमी उमन ले आच्छा बिचार राखत रहे। प्रतिदिन उमन अधिक से अधिक आदमी बिश्वासी बनत गेलय।