44. पतरस आउर युहन्ना एगो भिखारी के चंगा करेना

एक दिन पतरस आउर युहन्ना मंदिर में गेलय एगो लंगड़ा आदमी भीख मानगेक लागिन गेट जगन बैठात रहे।

पतरस उ लंगड़ा आदमी बटे देखलक आ उर कहलक “मोर ठीन टोके देवेक लागिन पैसा तो नखे लेकिन जे मोर ठिना आहे उके मोय देवथों यीशु कर नाव से उठ आउर चल फिर!”

तुरंते परमेश्वर उ लंगड़ा आदमी के बेस कईर देलक। मंदिर कर अंगना में जे मन जमा रहलय चकित होई गेलय।

बहुत जल्दी आदमी मन कर एगो भीड़ उ आदमी के देखेक ले आलक जे चंगा होई रहे। पतरस उमन के कहलक ई आदमी ठीक हेइक, लेकिन ई बात में आश्चर्य चकित न होवा हमींन इके अपन शक्ति से बेश नी कइर ही या इकरले नहीं कि हमींन परमेश्वर के आदर करीला बल्कि उ यीशु है जे ई आदमी के अपन शक्ति से बेस कइर हे, काहेकि हमींन यीशु उपरे भरोसा करीला।”

उमन तोहरे हेका जेमन उ रोमी राज्यपाल के यीशु के मारेक लागिन कईह रहा। तोहीन उके माँइर देला जे सबके जीवन देवेला। लेकिन परमेश्वर उके मरल से जिन्दा करलक। तोहिन समझला कि तोय का कहत रहले लेकिन जब तोहिन उ काम के करत रहला, तो जे भविष्यवक्ता मन कईह रहलय उ पूरा होलक। उमन कईह रहलय कि मसीह दुःख उठाई आउर मईर जाई। परमेश्वर इके इ लखे होवेक देलक। इकरले अब पश्चाताप करा आउर परमेश्वर बटे घुरा ताकि उ तोहर पाप के धोईके साफ कईर देवी”

जब मंदिर कर अगुवा मन पतरस आउर युहन्ना के सुनलय तो उमन बहुत घबराय गेलय। इकेरले उमन उमन के गिरिफ्तार कइर के जेलखाना में डाईल देलय। लेकिन पतरस कईह रहे उकर उपरे बहुत से आदमी मन विश्वास करलय यीशु उपरे विश्वास करेक वाला कर संख्या बईढ के लगभग 5000 होई गेलक।

अगला दिन उमन यहूदी अगुवा पतरस आउर यूहन्ना के महायाजक आउर दूसरा धार्मिक अगुवा केर सामने लेईके आलय उमन उ आदमी के भी लेई के आलय जे लंगड़ा रहे। उमन पतरस आउर युहन्ना से पूछलय “केकर अधिकार से तोहिन उ लंगड़ा आदमी के बेस करला ?”

पतरस जवाब देलक “इ आदमी जे तोहर आगे ठढाई हे उके यीशु मसीह कर शक्ति केर दवारा करल जाइहे। तोहिन यीशु के क्रूस में चढ़ाय देला लेकिन परमेश्वर उके फिर से जिन्दा कइर देलक,तोहिन उके अस्वीकार कईर देला, लेकिन यीशु केर सामर्थ कर माध्यम केर आलावा उद्धार पावेक कर कोनो दूसरा रास्ता नखे! ”

उ अगुवा मन हेरान रहलय कि पतरस आउर यूहन्ना बहुत साहसी रूप से बात कईर रहलय। उमने देखलय कि इमंन सधारण आदमी रहलय जे कि अनपढ़ रहलय। लेकिन फिर उमन के इयाद आलक कि इ आदमी मन यीशु कर संगे रहलय। इकरले उमन उमन के कहलय “हमींन तोहिन के बहुत दण्ड देवब अगर तोय इ आदमी यीशु केर बारे में आदमी मन के कोनो आउर सन्देश देबा होले।” एसन बहुत से बात कहलकर बाद उमन पतरस आउर यूहन्ना के जाएक देलय।