45. स्तिफनुस आउर फिलिप्पुस

पहिला मसीही अगुवा मनके बीच में स्तिफनुस नाव कर एगो आदमी रह लक। सोउब उकर इज्जत करत रहलय। पवित्र आत्मा उके बहुत सामर्थ आउर बुधि देई रहे। स्तिफनुस बहुत चमत्कार कईर रहे। जब उ यीशु उपरे भरोसा करेक कर बारे में शिक्षा देलक तो बहुत से आदमी मन उकर उपरे विश्वास करलय

एक दिन स्तिफनुस यीशु कर बारे शिक्षा देवत रहे, आउर कुछ ऐसन यहूदी आलय जेमन यीशु उपरे विश्वास नी करलय आ उर उमन से वाद विवाद करेक शुरू कर लय। उमन बहुत खिसाय गेलय इकरले उ धार्मिक अगुवा मन ठीन गेलय आ उर उकर बारे में झूठ बोल लय। उमन क ह लय “हमीन स्तिफनुस के मूसा आउर परमेश्वर कर बारे गलत गलत बात करत सुनली। “इकरले धार्मिक अगुवा मन स्तिफनुस के पक इड लेल य आ उर उके महायाजक आ उर यहूदी मन के दूसरा अगुवा मन केर सामने लेईके आलय। आ उर भी झूठा गवाह आलय आउर उमन स्तिफनुस कर बारे झूठा बोललय।

महायाजक स्तिफनुस से पूछलक “का ई आदमी मन तोर बारे में सच कहथ य ?” स्तिफनुस महायाजक के जवाब देवेक लागिन भुत से बात खेक शुरू करलय। उ कहलक कि अब्राहम कर समय से यीशु कर समय तक परमेश्वर इसरायली आदमी मन ले बहुत अनोखा काम कईर हे लेकिन आदमी मन हमेशा परमेश्वर केर अनाज्ञाकारिता कईर रहलय स्तिफनुस कहलक “तोहिन परमेश्वर कर बिरुद्ध में हठीला आ उर बलवा करेक वाला आहा। तोहीन हमेशा पवित्र आत्मा के अस्वीकार कईर हा जैसन कि हमर पूर्वज मन हमेशा पवित्र आत्मा के अस्वीकार कइर रह लय आ उर हमेशा उकर भविस्यावक्ता मन के माईर डाईल रह लय लेकिन जे उमन कइर रह लय उकर तुलना में तोहीन भी बुरा कईरहा! तोहीन मसीह के माईर डालला।”

जब उ धार्मिक अगुवा मन सुनलय तो उमन इतना गुस्सा होई गेलय कि उमन अपन कान बंद कईर लेलय आ उर ऊँचा आवाज में चिलालय। उमन स्तिफनुस के घिसकाय के नगर से बहरे लेई गेलय आ उर उके माईर डालेक ले उके पखल से मारलय।

जब स्तिफनुस मरत रहे, उ हकाय उठलक “हे यीशु मोर आत्मा के ग्रहण कर! ” तब उ अपन घुटना में गिर गेलक आउर फिर से हँकाय उठलक, हे प्रभु इ पाप उमन उपरे न लगाबे।” तब उ मईर गेलक।

वोहे दिन येरूशलेम में रहेक वाला बहुत से आदमी मन यीशु कर पीछे चलेक वाला मन के सतायेक शुरू कईर देलय, इकेरले विश्वासी आदमीमन दुसर जगह भाइग गेलय। लेकिन इकर बावजुद भी, जहाँ कहीं भी गेलय यीशु कर बारे प्रचार करलय

फिलिप्पुस नाव कर एगो यीशु कर एगो विश्वासी रहे। जैसन कि दूसरा बहुत से विश्वासी मन कईर रहलय उ भी येरूशलेम छोइड के भाईग जाई रहे। उ सामरिया कर क्षेत्र में चईल गेलक हुवां उ आदमी मन में यीशु कर बारे में प्रचार करलक बहुते आदमी मन उकर उपरे विश्वास करलय आउर उद्धार पालय। एक दिन फिलिप्पुस ठीन परमेश्वर बटे से एगो स्वर्गदूत आलक आउर उके जंगल में जाएक ले आउर एगो सड़क में चलेक ले कह लक। फिलिप्पुस हुवां चईल गेलक। जब उ उ सडक में चलत रहे तो उ एगो आदमी कुश देश कर एगो महत्वपूर्ण अधिकारी रहे। पवित्र आत्मा फिलिप्पुस के कहलक कि जाएके उ आदमी के संग संग चल।

इकर ले फिलिप्पुस रथ कर भिरे गेलक उ सुनलक कि उ कुशी परमेश्वर कर वचन के पढ़थे जे यशायाह भविस्यवक्ता लिखहे, उ उके पढ़त रहे। उ पढ़त रहे “उ उके वध करेक ले जाएक वाला भेड़ कर समान लेई गेलय आ उर जैसे एगो मेमना शांत रहेला, उभी एको शब्द नी कहलक। उमन उकर साथ अनुचित ब्यव हार करलय आउर उकर इज्जत नी करलय। उमन उकर जान लेई लेलय।”

फिलिप्पुस उ कुशी के पूछलक, “जे तोय पढ़थिस का तोय उके समझिस ला ?उ कुशी जवाब देलक “नही जब तक केऊ इके मोके नी समझाबय तब तक मोय इके नी समइझ सकोना। कृपा कईरके मोर ठीन आय के बईठ। यशायाह इ अपन बारे लिखत रहे कि केकरो आ उर केर बारे ?”

फिलिप्पुस रथ उपरे चईढ़ के बईठ गेलक तब उ उ कुशी आदमी के ई बतालक जे यशायाह यीशु कर बारे लिख रहे। फिलिप्पुस परमेश्वर कर वचन के बहुत से दूसरा हिस्सा कर भी चर्चा करलक। एहे लखे उ उ आदमी के यीशु केर बारे में शुभ सन्देश सुनालक।

फिलिप्पुस आउर उ कुशी चलते चलते पानी ठीन पहुचलय। उ कुशी कहलक “देख! ईठीन पानी आहे! का मोय बपतिस्मा लेई सकोंन ?” आउर उ रथ चालक के रथ रोकेक ले कहलक।

अतः उमन पानी में गेलय, आउर फिलिप्पुस उ कुशी के बपतिस्मा देलक। जब उमन पानी से बाहर आलय,तो पवित्र आत्मा अचानक ही फिलिप्पुस के उठाय के कोनो दूसरा ठीन लेई गेलक। हुवां फिलिप्पुस आदमी मन के यीशु कर बारे बताएक जारी राखलक।

उ कुशी अपन घर के यात्रा में आगे बढ़ते गेलक। उ खुश रहे कि उ अब यीशु के जानत रहे।