46. पौलूस मसीही विश्वासी बइन जाएला

शाऊल नाव कर एगो आदमी रहलक जे यीशु उपरे विश्वास नी करत रहलक। जब उ जवान रहलक तो उ स्तिफनुस के मारेक वाला आदमी मन कर कपड़ा कर निगरानी कईर रहे। बाद में उ विश्वासी मन के सतात रहलक। येरूशलेम में घर घर जयके मरद आउर औरत दुइयो के पकड़ईके जेल में डालत रहलक। तब महायाजक शाऊल के दमिश्क नगर में जायेक ले अनुमति देलक। उ हुवां कर मसीहीमन के पकड़त रहे आउर उमन के वापस येरूशलेम लेइके आनेक ले शाउल के कहलक।

अतः शाऊल दमिश्क जायक ले यात्रा शुरू करलक। उ शहर पहुचेक से पहले तनिक पहले उकर चाईरो बटे आकाश से एगो उज्ज्वल ज्योति चमकलक, आउर उ भूइया में गिर गेलक। शाऊल केखो कहते सुनलक, हे शाऊल! हे शाऊल! तोय मोके काले सताथीस ?” शाऊल पूछलक, हे प्रभु तोय के हेकिस?” यीशु उके जवाब देलक, मोय यीशु हेकों तोय मोके काले सताथीस!”

जब शाऊल उठलक तो उ देखे नी पारलक। उकर दोस्त मन उके दमिश्क में लेइके गेलय। शाऊल तीन दिन तक कुछ भी न खालक आउर न पीलक।

दमिश्क में हनन्याह नाव कर एगो चेला रहत रहे। परमेश्वर उके कहलक “उ घर में जा जहाँ शाऊल ठहईर हे। आपन हाथ केर उकर उपरे राख ताकि उ फिर से देखेक लागी। लेकिन हनन्याह कहलक हे प्रभु मोय सुइन हों कि इ आदमी बिश्वासी मन के कैसन सता हे। परमेश्वर उके जवाब देलक “जा मोय उके यहुदिमन में आउर दूसरा जाइत मन के आदमी मन में मोर नाम कर घोषणा करेक लागिन चु ईन ले हो। उ मोर नाव लागिन बहुत दुःख सही।”

अतः हनन्याह शाऊल ठीना गेलक अपन हाथ के उकर में राखलक आ उर कहलक “यीशु जे इठन आवेक ले तोर रास्ता में तोके प्रगट होई रहे मोके तोर ठीना भेजल आहों ताकि तोय फिर से देखेक लागबे आउर पवित्र आत्मा से तोके भईर देवी। तुरंत शाऊल फिर से देखेक में सक्षम होई गेलक आउर हनन्याह उके बपतिस्मा देलक। तब शाऊल खाना खालक, आउर फिर से बलवंत होई गेलक।

तब से शाऊल दमिश्क में रहेक वाला यहूदी मन में प्रचार करेक शुरू करलक ‘यीशु ही परमेश्वर कर बेटा हके।” यहूदी मन अचंभित रह लय। काहेकि शाऊल तो विश्वासी मन के माईर डालेक कर प्रयास करत रहे लेकिन अब उ यीशु में विश्वास कईर चुईक रहे। शाऊल यहूदी मन कर साथ वाद विवाद करलक। उ देखलक कि यीशु ही मसीह रहे।

बहुत दिन बाद यहूदी मन शाऊल के माईर डालेक कर योजना बनालय। उमन उके माईर दालेक ले नगर कर फाटक जगे आदमी मन के भेजलक। कि उकर पहरा करबय। लेकिन शाऊल उ योजना केर बारे सुईन लेलक आ उर उकर दोस्त मन बांईच के निकलेक में उकर सहायता करलय। एक राईत के उमन उके टोकरी में बैठाय के नगर कर दीवार से निचे उतराय देलय। दमिश्क से बाइंच के निकल केर बाद शाऊल यीशु कर बारे में प्रचार करेक जारी राखलक।

शाऊल प्रेरित मन मिलेक ले येरूशलेम गेलक, लेकिन उमन उकर से डरात रहलय तब बरनाबस नाव कर एगो विश्वासी शाऊल केप्रेरित मन ठीना लेई के गेलय। उ उमन के बतालक कि शाऊल कैसन साहस कर के साथ दमिश्क में प्रचार कईर रहे। उकर बाद प्रेरित मन शाऊल के स्वीकार कईर लेलय।

कुछ विश्वासी जे येरूशलेम कर सतावट से भाईग जय रहलय उमन दूर अन्ताकिया नगर में चईल जाय रहलय आउर यीशु कर बारे में प्रचार करत रहलय। अन्ताकिया में रहेक वाला आदमी मन अधिक यहूदी नी रहलय, लेकिन पहली बार उमन में से विश्वाशी बईन गेलय। बरनाबास आउर शाऊल इ नया विश्वाशी मन के यीशु केर बारे में आउर ज्यादा सिखाएक लागिन हुवां गेलय। आउर कलीसिया के मजबूत करलय। यीशु उपरे विश्वास करेक वाला पहली बार अन्ताकिया में “मसीही कहालेंन।

एक दिन अन्ताकिया कर मसीह मने उपवास कर साथ प्रार्थना करत रहलय। पवित्र आत्मा उमन के कहलक, मोर ले बरनाबास आउर शाऊल के उ काम के करेक ले अलग कईर देवा जेके करेक ले मोय उमन के बोला हो। इकेरले अन्ताकिया कर कलिसिया बरनाबास आउर शाऊल लागिन प्रार्थना करलक आउर उमन उपरे हाथ के राखलय। तब उमन उमन के दूसरा बहुत से जगह में यीशु कर बारे में शुभ सन्देश कर प्रचार करेक ले भेईज देलय। बरनाबास आउर शाऊल अलग अलग जाइत मन के शिक्षा देलय, आउर बहुत आदमी मन यीशु उपरे विश्वास करलय।