50. यीशु वापस घुरेला

लगभग 2,000 बरस से, संसार में सब स्थान में अधिक से अधिक आदमीमन मसीह यीशु केर बारे में शुभ संदेश के सुनथय। कलीसिया उन्नति कराथे। यीशु वादा कईरहे कि उ संसार केर अंत में वापस घुरी। यद्यपि उ अभी वापिस नी आइहे, तौभी उ अपन वादा के पूरा करी।

जब कि हमीन यीशु के यीशु के वापस घुरेक कर असरा कराथी परमेश्वर हमींन से एहे रीती से जिन्दगी जीयेक कर इच्छा करेला जे पवित्र हेईक आउर जे उकर आदर करेला जब यीशु धरती में रहत रहे तब उ कहलक, मोर चेला मन दुनियां भइर में सोउब जगह कर आदमी मन के परमेश्वर कर राईज कर बारे में शुभ सन्देश प्रचार करबय आउर तब अंत आय जई।”

बहुत से जाईतमन आईज तक यीशु केर बारे में नी सुईन है। स्वर्ग से घुईर जाएक़ से पहले, यीशु मसीहिमन से उ आदमीमन के शुभ संदेश सुनाएक ले कईहे जेमन इके कभी नी सुइन हैं। उ कह लक “जावा आ उर सब जाइतमन कर आदमी मन के चेला बनावा! ” आउर कटनी करेक ले खेत पाईक चुईक हे! ”

यीशु इभी कहलक, कोई आदमी कर धन्गर अपन मालिक से बड़का नी होवेला। ई दुनिया कर खास आदमी मन मोर से घृणा करलय। आउर मोर कारण से तोहिन के भी सत्ता बय आउर माईर डालबय। ई संसार में तोहिन ले दुःख बिपैत होई, लेकिन बरियार होवा, काहेकि मोय सैतान के हरुवाय देहों जे ई संसार में राईज करेला। अगर तोहिन अंत तक विश्वासयोग्य बनल रहबा, तो परमेश्वर तोहिन के बचई।

यीशु अपन चेलामन के इ समझेक ले एगो कहानी सुनालक कि जब संसार कर अंत होवे वाला तो आदमी मन कर साथ का होवी। उ कहलक, “कोनो आदमी अपन खेत में अच्छा बीज बुनलक जब उ निन्दात रहे तो उकर शत्रु आलक आ उर गहम कर बीज के बीचे में जंगली पौधा केर बीज के बूइन देलक, आ उर फिर उ चईल गेलक।”

जब पौधामन अंकुरित होलक तो नौकरमन उ अदमी के कहलक “हे मालिक मोय तो अपन खेत में अच्छा बीज बुईन रहें। तो फिन इकर में जंगली पौधा काले ऊ ब्यक्ति जवाब देलक “केवल मोर कोनो शत्रु हेके जे एसन कईर हे।

"उ सेवक मन अपन मालिक के जवाब देलक “का हमींन के जंगली पौधा के उख ड़ाय देवेक चाही? ऊ मालिक कहलक नहीं। अगर तोहिंन एसन करला तो तोहींन कुछ गेहूँ की भी उखडाय देबा। कटनी क्र समय तक इंतजार करा। तब जंगली पौधा केर गढ़ा में इक्कठा कईर लेवा ताकि तोहिंन उके जलाय सकीला। लेकिन गेहूं के मोर खता में लेइक आवा।”

चेलामन इ कहानी कर मतलब के नि समझलय इकर ले उमन यीशु से उमन के सम झाएक ले निवेदन करलय। यीशु कहलक, “अच्छा बीज बुनेक वाला आदमी मसीह का प्रतिनिधित्व करेला। खेत संसार कर प्रतिनिधित्व करेला।अच्छा बीज परमेश्वर केर राईज केर मनवा मन कर प्रतिनिधित्व करेला।”

“जंगली पौधा ऊ दुष्ट आदमी, शैतान केर आदमी मन कर प्रतिनिधित्व करेंना। ऊ आदमी कर शत्रु शैतान कर प्रतिनिधित्व करेला जे जंगली पौधा के बुइन रह लक। कटनी इ संसार कर अंत कर प्रतिनिधित्व करेला। कटनी करेक वाला परमेश्वर केर स्वर्गदूत मन केर प्रतिनिधित्व करेना।”

“जब संसार मन के अंत होवी तब स्वर्गदूत ऊ सब आदमी मन के ऐक संग जमा करी जेमन शैतान केर हेकय ऊ स्वर्गदूत उमन के ईगो बहुत गरम आईग में फेंक देवी हुवां उमन भयंकर सताव में कांदबय आउर अपन दांत पीसबय। लेकिन जे आदमी धर्मी रहबय, जेमन यीशु कर अनुकरण कईर हैं उमन उमन कर परमेश्वर बाप केर राईज में बेईर कर समान चमकबय।

यीशु इ भी कहलक कि उ संसार कर अंत होवेक से पहले धरती में घुरी। ऊ वोहे तरीका से वापस आवी जैसन उ जाय रहें। अर्थात उकर ठीन वास्तविक शारीर होवी, अउर उ आकाश में बदरी में चईढ के आवी। जब यीशु घुरी तो हेर ऐक मसीही जे मईर चुईक हैं मरल में से जी उठबय अउर उकर से आकाश में मिलबंय।

तब जे मसीही एखन तक जिन्दा है उमन आकाश में उठाए के लेई जाबय। आउर उ दूसरा मसीही मन केर संग शामिल होई जाबय जेमन मरल में से जी के उठेना। उमन सब हुवां यीशु केर संग होबय। उकर बाद, यीशु अपन आदमीमन कर संग रही। जब उमन एक संग रहेना तो उमन कर ठीन सदा ले पूरी शान्ति होवी।

यीशु अपन उपरे विशवास करेक वाला हरेक जनले ईगो मुकुट देवेक कर वादा कईर हे। उमन हमेशा ले परमेश्वर कर संग हर चीज उपरे राईज करबय। उमन ठीन पूरा शांति होवी।

लेकिन परमेश्वर उमन के सबकर न्याय करी जे यीशु उपरे विश्वास नि करेना। ऊ उमन के नरक में डाईल देवी। हुवां उमन कांदबय आउर दांत पीसबय, आउर उमन हमेशा पीड़ित होते रहबय। कहियो नि बुभुक वाला आईग उमन के लगातार जलाते रही, आउर कीड़ा खाएक से नी रुकबय।

जब यीशु घूरेला तो उ पूरा तरीका से शैतान के आउर उकर राईज के नष्ट केर देवी। हुवां शैतान हमेशा ले जलते रही, ऊ सबकर संग जेमन परमेश्वर केर बात के मानेक कर बजाय शैतान केर पाछे चलेक कर चुनाव कईर रहैं।

काहेकि आदम आउर हव्वा परमेश्वर कर अनआज्ञाकारिता कईर रहलय अउर पाप के इ संसार में लेईक आय रहय, परमेश्वर उमन के साथ देलक आउर उके नाश करेक कर निर्णय करलक। लेकिन कोई एक दिन परमेश्वर एगो नवा स्वर्ग आउर एगो नवा धरती कर रचना करी जे सिद्ध होवी।

यीशु आउर उकर आदमी मन ऊ नवा धरती उपरे रहबय, आउर उ सदा ले सब चीज उपरे शासन करी। उ आपन आदमी मन कर आँईख कर आंसु के पोईछ देवी। अब कोई भी पीड़ित आउर दुखित नि होबय। उमन मरबय नही। उमन बीमार नि होबय या मरबय नहीं। आउर उहाँ कोनो बुराई नि होवी। यीशु आपन राईज में न्यायपूर्वक आउर शान्ति केर साथ शासन करी। उ हमेशा ले आपन आदमी मन कर संग रही।