49. परमेश्वर कर नवा वाचा

एगो स्वर्गदूत एगो जवान छोड़ी मरियम के कहलक कि उ परमेश्वर के बेटा के जन्म देवी। उ अबतक कुवारी रहलक, लेकिन पवित्र आत्मा उकर उपरे आलक आउर उ गर्भवती होई गेलक। उ एगो बेटा के जनम देलक जेकर नाव उ यीशु राखलक। इकर ले यीशु परमेश्वर आउर मनुष्य दूइयो हेके।

यीशु भुत से चमत्कार करलक जे देखाएला कि उ परमेश्वर हेके। उ पानी उपरे चललक आउर आंधी के शांत कर लक। उ बहुत से बीमार आदमी मन के चंगा कर लक आ उर भुत से आदमी मन से दुष्टा त्मा निकलालक। उ मरल आदमी मन के जिन्दा कइर देलक आउर उ पांच रोटी आउर दूई ठो मछली के 5000 आदमी मन के खियाक ले पर्याप्त भोजन में परिवर्तित करलक।

यीशु एगो महान शिक्षक भी रहे। जे कुछ उ सिखालक उ उके सिद्धता करत साथ सिखालक। जे उ आदमी मन के करेक ले कहत रहे उके उमन के करेक चाही काहेकि परमेश्वर कर बेटा हेके। उदाहरण लागिन उ सिखालक कि तोहीन के दुसरा आदमी मन के ओहे तरीका से प्रेम करेक कर आवश्याकता है जैसन तोहीन अपने आप के प्रेम करला।

उ इ भी सिखालक कि तोहीन सब वस्तु से अधिक आउर अपन सम्पति से भी अधिक परमेश्वर के प्रेम करेक चाही।

यीशु कहलक कि संसार में कोई भी चीज के पावेक से अधिक अच्छा है परमेश्वर कर राईज में होवेक। उकर राईज में तोहर ले प्रवेश करेक ले आवश्यक हेइक कि परमेश्वर तोहीन के तोहर पाप बचाय।

यीशु कहलक कि कुछ आदमी मन उके स्वीकार करबय। परमेश्वर उमन के बचाई। लेकिन दुसरे आदमी मन उके ग्रहण नी करबय। उ ई भी कहलक कि कुछ आदमी मन अच्छा खेत कर समान है काहेकि उमन यीशु कर बारे में शुभ सन्देश के स्वीकार कईरलेवेना, आउर परमेश्वर उमन के बचाएला। लेकिन कुछ आदमी मन डहर कर कठीन जमीन कर समान है। परमेश्वर कर वचन बीज केर समान रास्ता उपरे गिरेला लेकिन हुवां कुछ भी नहीं उगेला। ए आदमी मन यीशु कर बारे में सन्देश के अस्वीकार कईर देवेना। उमन उकर राईज में प्रवेश करेक से इंकार कईर देवेला।

यीशु सिखालक परमेश्वर पापी मन के भुत प्रेम करेला। उ उमन कर क्षमा करेक चाहेला आउर उमन के अपन संतान बनाएक चाहेला।

यीशु ई भी बत्तालक कि परमेश्वर पाप से घृणा करेला काहेकि आदम आउर हव्वा पाप करलय। इकर ले उकर सारा वंशज भी पाप करलक। ई संसार में रहेक वाला हरेक आदमी मन पाप करेंना आउर परमेश्वर से दूर आहय। हरेक जन परमेश्वर कर शत्रु हेकय।

लेकिन परमेश्वर इस संसार में रहेक वाला हरेक जन से ई तरीका से प्रेम करलक उ अपन एकलौता बेटा के देई देलक ताकि परमेश्वर उमन के दण्ड नी देवी जे उकर उपरे विश्वास करेंना इकर बजाय उमन उकर संग हमेशा ले रहबय।

तोहिन मृत्यु के लायक आहा काहेकि तोहिन पाप कईर हा। तोहर से परमेश्वर कर गुस्सा होवेक उचित हेईक, इकर अपेक्षा यीशु उपरे गुस्सा होलक। उ यीशु के क्रुस कर मृत्यु दण्ड देलक।

यीशु कभी पाप नी करलक लेकिन उ परमेश्वर के उके सजा देवेक देलक। उ मरेक स्वीकार करलक। ई तरीका से तोहर पाप के आउर ई संसार में रहेक वाला हरेक जन कर पाप के उठाएक ले जाएक ले उ एगो सिद्ध बलिदान रहे। यीशु स्वयं के परमेश्वर ले बलिदान कईर देलक, इकरले परमेश्वर कोनो पाप के, हियाँ तक कि भयंकर पाप के भी क्षमा करेला।

भले ही अगर तोय बहुत से अच्छा काम के करीस होई तो इकर द्वारा परमेश्वर तोके नी बचाई। उकर दोस्त बनेक ले ऐसन कुछ भी नखे जे तोय कईर सकीसला। ईकर अपेक्षा तोहीन के विश्वास करेक हेईक कि यीशु परमेश्वर कर बेटा हेके। आऊर उ तोहर बदले में क्रुस उपरे मईर गेलक आऊर इभी कि परमेश्वर उके फिर से जिन्दा कईर देलक आगर तोय ई विश्वास करबे तो परमेश्वर तोहर पाप से क्षमा देवी।

परमेश्वर उ हरेक आदमी के बचाई जे यीशु में विश्वास करी आउर उके अपन प्रभु स्वीकार करेला। लेकिनं उ उमन के नी बचाई जे उकर उपरे विश्वास नी करेंना। ई कुछ मान नी सखेला कि तोय धनी ह्कीस की गरीब ह्कीस मर्द हो या स्त्री हो बुढा होवी या जवान होवी या तोय कहाँ र्हिसला। परमेश्वर तोर से प्रेम करेला आउर चाहेला कि तोय यीशु उपरे विश्वास कर कि उ तोर दोस्ती बइन सकेल।

यीशु तोके बोलाथे कि उकर उपरे विशवास करा आउर बपतिस्मा लेवा। का तोहिन विश्वास करला कि परमेश्वर कर एकलौता बेटा, यीशु ही मसीह हेके ? का तोहीन विश्वास करला कि तोहीन एगो पापी आहा आउर इसन कि तोहिन सजा देवेक कर लायक आहा ? का तोहिन विश्वास करला कि तोहर पाप के मईटायक ले यीशु क्रूस उपरे मरलक?

अगर तोहिन यीशु उपरे आउर जे उ तोहर लागिन कईह हे उकर उपरे विश्वास करला तो तोहिन एगो मसीही हका।शैतान आपन कर अंधकार कर राईज में अब तोहिन उपरे राईज नी करेला।अब परमेश्वर अपन प्रकाश कर राईज में तोहिन उपरे राईज करेला। उ तोहिन के पाप करेक से रोइक देइहे जेके तोहिन करत रहला। उ तोहिन के एगो नवा उचित जीवन देइहे।

अगर तोहरे मसीही हेका तो जे यीशु कईर हे उकर कारण परमेश्वर तोहर पाप के क्षमा कइर देहे। आब परमेश्वर एगो शत्रु कर अपेक्षा तोहिन के एगो घनिष्ट मित्र मानेला।

अगर तोहिन परमेश्वर कर मित्र हेका आउर प्रभु यीशु केर सेवक हेका तो तोहिन उ बातमन कर पालन करेक कर इच्छा करबा जे यीशु तोहिन् के सिखाएला। भले ही तोहिन एगो मसीही होबा शैतान एखन भी पाप करेक ले तोहर परीक्षा करी। लेकिन परमेश्वर हमेशा उ करेला जे उ कहेला कि उ करी। उ कहेला कि अगर तोय अपन पाप के माईन ले तो उ तोहिन के क्षमा कईर देवी। उ तोहिन के पाप कर विरुध लड़ेक कर सामर्थ देवी।

परमेश्वर तोहिन के प्रार्थना करेक ले आउर उकर वचन के पढ़ेक ले कहेला। उ तोहिन के दुसर विश्वासी मन कर संग मिलके उकर आराधना करेक ले भी कहेला। तोहिन के दूसरा आदमी मन के भी बताएक हेईक कि उ तोहर ले का कईर हे। अगर तोहिन इ सब काम के करबा तो तोहिन उकर उकर पक्का मित्र बइन जाबा।