48. यीशु ही वायदा कर मसीहा हेके

जब परमेश्वर संसार के बनालक तो सब कुछ अच्छा रहे। कोई पाप नी रहे। आदम आउर हव्वा एक दुसर के प्रेम करत रहलय आउर उमन परमेश्वर से प्रेम करत रहलय। कोनो बीमारी या मृत्यु नी रहे। परमेश्वर एसने संसार चाहत रहे।

शैतान सांप कर माध्यम से बगीचा में हवा से बात करलक, काहेकि उ उमन के धोखा देवेक चाहत रहे। तब हव्वा आउर आदम परमेश्वर कर बिरुद्ध पाप करलय। काहेकि उमन पाप कईर रहलय इकरले धरती उपरे रहेक वाला सब जीव भरेना।

काहेकि आदम आ उर हव्वा पाप कईर रहलय इकर ले कुछ आउर कि बुरा होलक। उमन परमेश्वर कर शत्रु बईन गेलय। जेकर परिणाम स्वरूप तब से हर एक जन पाप कईर हंय। हर एक आदमी जन्म से ही परमेश्वर कर शत्रु आह्य। परमेश्वर आउर आदमी मन कर बिच में शांति स्थापित करेक चाहत रहे।

परमेश्वर प्रतिज्ञा करलक कि हव्वा कर एगो वंस शैतान कर मुड़ी के कुंची। उ इसन भी कहलक कि शैतान उकर एड़ी के डसी। दुसर शब्द परमेश्वर में शैतान मसीह के माइर डाली, लेकिन परमेश्वर उके फिर से जिदी करी। इकर बाद मसीह शैतान कर शक्ति के हमेशा लागिन खतम कइर देवी। बहुत साल कर बाद परमेश्वर प्रगट करल क कि उ मसीह यीशु हेके।

परमेश्वर उ बाईढ से अपन परिवार के बचालक जेके उ लानेक वाला रहे। नूह के एगो नोका बनाएक ले कहलक कि उ ई तरीका से परमेश्वर उ आदमी मन के बचालक जे उकर उपरे विश्वास करत रहलय ई तरीका उमन सब परमेश्वर कर द्वारा माइर डालल जाएक कर लायक रह लय काहेकि उमन पाप क ईर रह लय। लेकिन परमेश्वर उ सब के बचाएक ले यीशु के भेजलक जे उकर उपरे बिश्वास करेंना।

सवों साल तक याजक परमेश्वर ले बलिदान चढ़ात रहे। ई दर्शाएल कि आदमी मन पाप करलय आउर इसन कि उमन परमेश्वर कर द्वारा उमन के दंड देवेक कर लायेक रहलय। लेकिन उ बलिदान उमन कर पाप कर क्षमा नी कईर सकत रहे। यीशु सब कर से बड़का महायाजक हेके। उ उ कर लक जे कोई याजक रहलय। नी सइक रहे। उ उ एगो मात्र बलिदान होवेक ले अपने आप के देई देलक जे हरेक कर पाप के मिटाय सकत रहे। उ स्वीकार करलक कि परमेश्वर उ सब कर पाप लागिन उके दण्डित करी। इ कारण से यीशु सिद्ध महायाजक रहे।

परमेश्वर अब्राहम के कह लक “मोय तोर द्वारा संसार कर सोउब वंश के आशिष देबू।” यीशु येहे अब्राहम कर वंश कर रहे। परमेश्वर अब्राहम कर माध्यम से सब कुल के आशिष देवेला काहेकि जेमन यीशु में विशवास करेंना परमेश्वर उ सबके पाप से बचायला। जब उमन यीशु उपरे विश्वास करना, तो परमेश्वर उमन के अब्राहम कर वंश मानेला।

परमेश्वर अब्राहम के कहलक कि उ अपन निज बेटा उकरले बलिदान कईर देवे। लेकिन फिर परमेश्वर इसाह्क कर बदला में बलि करेक लागींन एगो मेम्ना देलक। हमींन अपन सब अपन पाप लागींन माईर डालेक कर लायक रही। लेकिन परमेश्वर हमरे कर मरेक जगन यीशु के बलिदान कर रूप में देलक। इ कारण से हमींन यीशु के परमेश्वर कर मेमना कहीला।

जब परमेश्वर मिस्र उपरे अंतिम बिपति भेजलक तो उहर एगो इस्राइली परिवार के कह लक कि उमन एगो मेमना कर बलिदान करबय। उ मेमना में कोनो दोष नी होवेक चाही। तब अपन दुरा कर चौखट कर उपरे आउर किनार में उमन के उकर लहू के लगाएक रहे। जब परमेश्वर उ लहू के देखलक तो उ उमन कर घर से आगे बईढ़ गेलक आउर उमन कर जेठा बेटा बेटी के नी मारलक। जब इसन होलक तो परमेश्वर इके फसह त्योहार कहलक।

यीशु फसह कर परब कर मेमना लखे हेईक। उ कभी पाप नी करलक इकरले उकर में कोनो गलत नी रहे। उ फसह कर परब कर बेरा मरलक। जब कोई यीशु उपरे विश्वास करेला, तब यीशु कर लहू उ आदमी कर पाप कीमत चुकायला। इ एसन हेइके कि जैसन कि परमेश्वर उ आदमी कर ठिना से आगे बईढ़ गेलक काहेकि उ उके दण्ड नी देवेला।

परमेश्वर इस्राइली मन से एगो वाचा बाँधलक काहेकि उमने एसन आदमी रहलय जेमन के परमेश्वर अपन होवेक ले चुईन रहे। लेकिन अब परमेश्वर एगो ऐसन वाचा बाईध जे कि सबकर ले हेईक। अगर कोनो जाइत कर कोई भी आदमी ई नयी वाचा के स्वीकार करेला तो उ परमेश्वर कर आदमी मन में शामिल होई जाएला। उ एसन इकरले करेला काहेकि उ यीशु उपरे विश्वास करेला।

मूसा एगो एसन भविष्यवक्ता रहलक जे परमेश्वर कर वचन के बड़ी सामर्थ कर साथ प्रचार कईर रहे। लेकिन यीशु सब भाविशायाकता मन में सब कर से बड़का हेईक। उ परमेश्वर हेके इकर ले जे कुछ भी उ कर लक आउर कहलक उ परमेश्वर कर काम आउर वचन रहे। इकर ले पवित्र शास्त्र यीशु के परमेश्वर कर वचन कहेला।

परमेश्वर राजा दाऊद से प्रतिज्ञा कईर रहे कि राजा केर रूप में उकर एगो वंश परमेश्वर कर आदमी मन उपरे हमेशा ले शासन करी। यीशु परमेश्वर कर बेटा आउर मसीह हेके। इकर ले उ राजा दाऊद कर वंश हेईके जे हमेशा ले राईज कईर सकेला।

दाऊद तो इस्राइल कर राजा रहे लेकिन यीशु सम्पूर्ण जगत कर राजा हेके। उ फिर से आवी आउर सदा लागिन न्याय आउर शान्ति कर साथ अपन राईज उपरे शासन करी।