7. परमेश्वर याकूब के आशीष देवेला

जब उ बच्चा मन बड़का होलायं तो याकूब के घरे रहेक आछा लागत रहे लेकिन एसाव के जानवर केर शिकार करेक अच्छा लगात रहे। रिबका याकूब से प्रेम करत रहलक, लेकिन इसाहक एसाव से प्रेम रहलक।

एक दिन जब एसाव शिकार खेइलके वापस आलक तो उके बहुत भुख लाईग रहे। एसाव याकूब के कहलक “जे तोय पका य उकर में से तानी कन खाना मोके दे याकूब जवाब देलक “पहले मोर से प्रतिज्ञा कर की पहिलौठा होवेक कर कारण से तोके हेर चीज जे तोके मिलेक चाही उ सब के तोय मोके देबे “अतः एसाव उ सब चीज के याकूब के देवेक ले वादा कइर देलक। तब याकूब उके खाना देलक।

इसाहक एसाव के आशीष देवेक चाहत रहे। परन्तु इकर से पहले कि उ एसन करतक, रिबका आउर याकूब मने इसहाक कर साथ धोखा करलय। उ मन याकूब के एसाव होवेक कर ढोंग करलय। इसाहक बुढा होई जाय रहे। आउर ठीक से देखेक नी सकत रहे। इ केरले याकूब एसाव कर कपड़ा पहिन के आउर बकरी कर चमड़ा आपन घेंचा आउर हाथ में लपइट लेलक।

याकूब इसाहक ठीन आलक आउर कहलक, “मोय एसाव हेकों। मोय इ केरले आहों कि तोय मोके आशीष देबे।” जब इसाहक बकरी कर केंस के छुलक आउर पता करलक आउर कपड़ा के सूंघलक, तो उ सोचलक कि उ एसाव हेके आउर उके आशीष देलक।

एसाव याकूब से इर्ष्या करेक लागलक काहेकि याकूब उकर पहिलौठा कर हक़ के आउर साथ में उकर आशीष के लेई लेले रहे। अतः उ उकर बाप के मरल के बाद याकूब के मार डालेक कर योजना बनालक।

परन्तु रिबका एसाव कर योजना के सुइन लेलक। इ करले उ आउर इसाहक़ याकूब के आपन जाइत गोतिया कर संग रहेक ले ढेर दूर भेइज देलक।

याकूब बहुत साल तक रिबका कर जाइत गोतिया कर संग रह्लक। उ समय उ कर शादी होलक आ उर बारह गो बेटा आ उर एगो बेटी जन्मालक परमेश्वर उके बहुत धनि बनाय देलक।

बीस बरस तक कनान देश में आपन घर से दूर रहल केर बाद, याकूब आपन परिवार, आपन धान्गर आउर आपन जानवर कर पूरा झुण्ड कर साथ हुवां वापस घुरलयं।

याकूब इकेरले बहुत डराय रहे काहे कि उ सोचत रहे कि एसाव आइजो तक उके मारेक चाहेला। इकेरले उ उपहार कर रूप में जानवर कर झुण्ड के एसाव ठीन भेजलक। जे धान्गर उ झुण्ड के लेइके गेलक उ कहलक “तोर दास याकूब इ जानवर के तोके देवथे। उ झटे आवथे।

लेकिन येसाव अब याकूब कर नोकसान करेक नी चाहत रहे। इकर बजाय उ एक धांव फिर से देइख के खुश रहे। उकर बाद याकूब कनान देश में शांति पूर्वक रह्लक। फिर इसाहक़ म ईर गेलक आउर याकूब आ उर एसाव उके डफनालय। वाचा कर प्रतिज्ञा जे परमेश्वर अब्राहम से कईर रहे उ अब इसाहक़ से याकूब तक पहुंचलक।