29. बेरहेम नुकुरु कोथा।

इ दयार, पतरसुस यीशु रा शुउ, “हे स्‍वामी, अङरा रंऊ बेते रा तचे फेरा माफ लमा वई हेलि दो अङ खिलाफ पाप लई? छे शिनिश फेरा शम?” यीशुस लोऊ, “शिनिश फैरा शम मेन, शिनिशु बसकयङ हुमनिसऊ सा फेरा।” ओइऊ लमिन, यीशु लोमा मतलब उलपङरा दयारो माफ लमा गिनमा। दत यीशुस ओइ कोथा लोऊ।

यीशुस लोऊ, “परमेश्‍वरू राज्‍य इत राजा नङ बराबर तोइ दो एनु नुकुरूरत हिसाब थामा गिनु तोइ। दोऊ इत नुकुर रा दोऊ तुसिङ सु दोऊ थोरिङ गोप चेइ कोरजा तोइ।”

दत लि दो नुकुर एनु कोर्जा रा खेमा मालिऊ, ओदोक राजास लोऊ, “ओइऊ कोर्जा खेमा शितिङ ओइ फोबलङक नङ अला जिऊ पेरङ पङरा नुकुर जुरऊ रंऊ पिनमा।”

“दो नुकुरुस राजाऊ तुसिङ एनु पुशपङ चुऊ पोसु लोऊ, ‘ओरछे अङरा माफ लनना, अला ग रऊ कोर्जाऊ सिङ रूपया पोलठऊ खेसतोक। ‘राजास दो नुकुर रा पापङ ततु, ओदोक दोगुस दोऊ सिङ कोर्जा रा माफ लऊ अला दोरा जेमा खेऊ।”

“दत दो नुकुर राजाऊ रत हनतु दकपा जेऊ, दत दोरा इत पङगोत नुकुर छुशु दो दोऊ प् लऊ कर्जु कर्जदार तोइ। दो नुकुरुस एनु पङगोत नुकुर रा चुमु अला लोऊ, ‘दो कन थोरिङ अङ कोर्जा तोइ अङरा दो पोलठऊ खे।”

“दो पङगोत नुकुरुस पुशपङ चुऊ लोऊ, ‘ओरछे अङरा मोच्‍चे शुङ, ग रंऊ कोर्जाऊ सिङ रोकोम पोलठऊ खेसतोक। ‘ओइऊ बसकयङ, दो नुकुरुस एनु पङगोत रा जेलु पिनु दोसपा शम दो कोर्जा पोलठऊ माखैसि।”

“छेलि वंऊ दो सिङ अलित नुकुरपङक तंऊ अला दोपङ हत बिंऊ जेऊ। दोपङ राजऊ रा जेऊ अला दोरा सिङ- सङ लोऊ पिनु।”

“राजास दो नुकुर रा कुतु लोऊ, ‘हे हलम नुकुर। गस कन कोर्जा रा ओदोक माफ लऊ छु लोननङ कस अङरा ओरछै रिंऊ तोइ। कनरा लि ओशि यो लमा तोइ। ‘राजा ओनचे छिङना तंऊ कि दोक दो हलम नुकुर रा जेलु पिनु दोसपा शम एनु सिङ कोर्जा पोलठऊ माखेसतो।”

दत यीशुस लोऊ, “अङ स्‍वर्गु पोसि अपा किमपोऊ नंऊ सिङ नङ ञमफो ओशि यो लई दत शम का रंऊ बियम रा रंऊ मोनङुस माफ मालई।”