29. बिना दया कौरणौ वाल़ै ऐकी दासौ कै काहाणै

ऐक दुस, पतरसै यीशु कैंईदु पूछु, “ओए रे प्रभु, मौखै आपणै भाई कै किशैक बैई माफ कौरणा चैंई जोबै सै मैरे खिलाफ पाप कौरौ? का सात बैई?” यीशुऐ बौल़ौ, “ सात बैई नी, पौरौ सात कै सतर बैई! इथका मतलब औसौ कै आमु कै हौमेशा माफ कौरणा चैंई। तोबै यीशुऐ ऐजै काहाणै बौताए।

यीशुऐ बौल़ौ, “पौरमेशवर का राज्य ऐकी राजा कै जैशणा औसौ जू आपणै दास कैंईदा लैखा लौणा चांव थिया। तैसका ऐक दास 2,00,000 मजदूरी कै ऐकी बौड़े कोरजे का कोरजदार थिया।”

पौरौ तैसी दासौ कै आपणा कोरजा चुकैईना, इथकारिए राजाए बौल़ौ, “ऐसका कोरजा चुकाणौ कारिए ऐसी मौरदौ कै औरौ ऐसकै कुड़बै कै दास बाणणौ कारिए बिकै दैंव।”

“तैसी दासै राजा कै सामणै आपणै घुन्डु नियुड़ाऐबा बौल़ौ, ‘ताखै ढाल ऐ मौ पांदी दया कौर, औरौ हांव आपणा सोबै कोरजा दैय दैंदा।’ राजाऐ दासौ पांदी दया कौरे, इथकारिए तैणै तैसका सोबै कोरजा माफ कौरे दिया औरौ तैसी कै जाणौ दिया।”

“पौरौ जोबै सैजा दास राजा कै धौरौ दा बायरै हौटा, तौ तैसीकै तैसकै साथौ का ऐक दास भैटा जू तैसकै चौऊ मीनै कै मजदूरी का कोरजवाऐ थिया। तैसी दासै आपणै साथी दासौ कै पाकड़ै दिया और बौल़ौ, ‘जू मैरा कौरजा तांव पांडा औसौ सैजा ऊँडा दैय दैया!”

“तैसी साथी दासै घुन्डु नियुड़ाऐबा बौल़ौ, ‘ढाल ऐ मौ पांदी दया कौर, औरौ हांव आपणा सोबै कोरजा दैय दैंदा।’ पौरौ इथकै बजाए, तैणै दासै आपणै साथौ कै दासौ कै कोयदैखाने दा पाए दिया जांव तौड़ी कै सै आपणौ सोबै कोरजा नै दैय दैंव।”

“जू किछै हौए रौ थियु, तिथु कुणिए औकी दासै दैखौ औरौ सै बैजाए पौरेशान हौवे। औरौ सै राजा कै धौरे हौटे औरौ तैसकैई सोबै ठुँ बौताए दियु।”

“राजाऐ तैसी दासौ कै बौएदैबा बौल़ौ, ‘ओए रै दुष्ट दास! मौऐं तैरौ कोरजा इथकारिए माफ कौरे राए थियु जिथुकै तौऐं मौ कैंईदै बेनते कौरे राए थै। ताखै बै तैशैकैई कौरणौ चैंई थियु।’ राजा इशैक गुस्सा थिया कै तैणै तैसी दुष्ट दास कै कोयदखाने दा पाए दिया जांव तौड़ी कै सै आपणा सोबै कोरजा ना दैय दैंव।”

तोबै यीशुऐ बौल़ौ, “मैरा स्वर्ग दा रौणौवाल़ा पिता तुऔं मुंजीदै सौबी कै साथै ऐशैकैई कौरदा जै तुऐं आपणै भाई कै आपणै दिल शै माफ नै कौरदै।”