11. ११. निस्तार टिउहार

यदि फारो इस्राएलीनहे अभिन फेन् मिश्रदेश से निकरके जाई नै डि कलेसे मनै ओ पशुन्के जेठो पुरुषहे मार डेना कहिके परमेश्वर चेतावनी डेलाँ। जब फारो अइसिन् बाट सुनल्, झन् परमेश्वरहे विश्वास कैना ओ ओँहाँक आज्ञा मन्ना फारो इन्कार कैलस्।

परमेश्वर ओँहाँमे विश्वास कैना ओ अपन् बर्का छावाहे बचाइक् लग् एकठो उपाए परमेश्वर पदान कैडेलाँ। हरेक परिवार मन्से एकठो कौनो डाग नैलाल् थुमा छान्के उहिहे मार्ना पर्ना रहे।

परमेश्वर इस्राएलीन्हे कहलाँ उहे थुमाके रगट् टुहरे अपन् घरके मेल डवारके चौकोस्मे लगायो, ओ सक्कु जन्हन् ओकर मासु पकाके खमिर नैडारके रोटसे खायो।

इस्राएलीन्के परमेश्वर जस्टे कहलाँ ओस्टे कैला। मध्यरातमे परमेश्वर मिश्रदेश होके गैलाँ ओ पहिले पैलक् बर्का छावान् हे मँुआँ डेलाँ।

सक्कु इस्राएलिन्के घरक् डवारमे लगट् पोट्लेरहिँट्। उहेक मारे उ घर छोरके गैलाँ। ओ उहे घर भित्तर रलक् सक्कु जाने सुरक्षित् हुइलाँ। ओँहाँ थुमाक् रगट्के कारणसे ओईने बच्र्गलाँ।

मिश्रीन्के परमेश्वरहे विश्वास करे नै सेक्लाँ न टे आज्ञा माने सेक्लाँ। उहेक् मारे परमेश्वर ओइन्के कौनो घर फेन् नै छोरलाँ। परमेश्वर मिश्रीन्के पहिले पैलक् सक्कु छावान्हे मुँआँ डेलाँ।

सारा मिश्रीन्के बर्का छावान् ओरागैलिन्। कैडिन्के बर्का छावा से लेके फारोक् छावा टक् सक्कु ओरा गैलिन्। मिश्रदेशमे धेर मनै दुःख अइलिन उहेक मारे ओइने रोइटी बरबराईट्।

उहे रात मोशा ओ हारुनहे मोशा बलाके कहल्, “इस्राएलीन्हे लेके, टुहुरे अब्बेँहे मिश्रदेश छोरके चलाजाओ।