10. १०. विपरित्त
मोशो ओ हारुन फारोक ठन् गैलाँ ओईने कहलाँ, इस्राएलके परमेश्वर ऐसिक् कहटँटाँ, ‘मोरीक् मनैनहे यहाँसे जै डे।’
फारो इस्राएलीन्हे छोरना इन्कार कैल् करे, उहेक मारे परमेश्वर मिश्रदेशमे डरलग्टीक् दशठो विपत्ति पठाडेलाँ। परमेश्वर यीहे विपत्तिद्धारा फारोहे ओ सक्कु मिश्रीन् देवतान्से फेन् महा शक्तिशालि बटाँ कहिके डेखैलाँ।’
‘परमेश्वर नाईल लडियाहे पुरा रगतमे परिवर्तन कैडेलाँ, तब्बो पर फारो अभिन फेन् एस्राएलीन्हे जै नैडेहल्। ’
परमेश्वर सारा मिश्रीदेश भर मेघी पठा डेलाँ। फारो मेघीन्हे हाटाडेओ कहिके मोशासे विन्ति कैल्। जब सक्कु मेघी मर्के ओरैलाँ टे फारो अपन् ह्रदय बनाके इस्राएलीन्हे जै नैडेहल्।
उहेक मारे परमेश्वर भुस्नाक् महामारी पठाडेलाँ। तब पाछे फेन्से ओँहाँ माछिन्के बगाल पठाडेलाँ। मोशा ओ हारुनहे फारो बलाईल् यदि ओईने यी महामारी रोकडिहिँ कलेसे इस्राएलीन् जाई डेना कहिके बटाईल्। तब मोशा प्रार्थना कैलस्, परमेश्वर सक्कु माछीन्हे मिश्रदेश से हाटाडेलाँ। उ फेन् से फारो अपन् ह्रदयहे कठोर बनालेहल् ओ इस्राएलीन्हे जै नैडेहल्।
ओकर पाछे, परमेश्वर मिश्रीन्के सक्कु वस्टु–भाउमे महामारी नान्डेलाँ ओ सक्कु मुँगैलाँ। झन फारोक् ह्रदय आउर् कठोर होगैलिस् ओ इस्राएलीन्हे जै नैडेहल्।
तब परमेश्वर मोशाहे कहलाँ फारोक आघे बयाल्मे भुवा फेके लगैलाँ। तब मोशा ओस्टे कैडेहल्, मिश्री मनैन्के शरीर भर मन्के खट्रा विल्गाई लग्लिन्, तर ओँहाँमे इस्राएलीन्हे कुछु फेन् नैहुईलिन्। फारोक् ह्रदयहे परमेश्वर कठोर बनाडेलाँ, उहेक मारे फारो इस्राएलीन्हे जै नैडेहल्।
अस्टे हुईलक् ओरसे परमेश्वर पठ्रा वर्षा डेलाँ, मिश्रदेशमे रलक् धेर अन्नबाली खटम् हुईलस्, बाहर अईलक् मनै फेन् मुँलाँ। मोशा ओ हारुनहे बलाके फारो कहल्,“मै पाप कैले बटुँ। टुह्रे यहाँ से जाई सेक्बो।” तब मोशा प्रार्थना कैल् तब बड्री मन्से पठ्रा नै आईलागल्।
फारो फेन्से पाप कैलास् ओ अपन् ह्रदयहे कठोर बनाईल्। फारो इस्राएलीन्हे स्वतन्त्र हुई नैडेहल्।
उहे कारणसे परमेश्वर बगाल्के–बगाल् सलह मिश्रदेशमे पठाडेलाँ। पठ्रासे ठठाके जट्ना बचल बाली रहे उ सक्कु सलह खाडेलाँ।
तब फेन् परमेश्वर अन्धार पठाडेलाँ जौन तिन दिन टक् रहल्। यि अट्ना अन्धार रहे कि मिश्रीन्के अपन् घर छोरके बाहर निर्के फेन् नै सेकिंट्। तर इस्राएलीन्के बैठलक् ठाउँ ओर भर् ओज्ज्रार रहे।
ऐसिन नौठो विपत्ति अईलस् टौन् फेन् मिश्रीन् हे जाई नैडेहल् फारो। फारो परमेश्वरके बाट् नैसुन्लक् ओरसे, तब परमेश्वर एकठो अन्तिम् विपत्ति नानक् लग् योजना बनैलाँ। अब्खिरिक् विपत्तिमे चाहिँ फारो मन परिवर्तन कैलस्।
बाइबलके कथा ः प्रस्थान ५–१० अध्याय से
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।