9. ९. परमेश्वरके बलावट् मोसाहे
योसेफके मृत्युक् पाछे, ओकर सक्कु नाटेडार आफनता मिश्र देशमे बैठे लग्लाँ। ओईन् के सन्तान फेन् धेर वर्ष टक् निरन्तर रुपमे उहे ठाउँमे बसोबास् कैटी क्रम्मे ओईन् के सन्तान धेर हुइलाँ। ओईन्हे “इस्राएली ” कहिके चिन्ह् जाईठ्।
सयौं वर्ष पाछे इस्राएलीन्के संख्यामे धेर बृद्धि होसेकल् रहे। मिश्रीन्के योसेफ ओ ओकर कैलक सक्कु बढीया काम बिस्रागैलाँ। मिश्रीन्के इस्राएलीन्से डराई लगलाँ काकरे कि ओईन्के संख्या महा धेर रहे। उहेक मारे उ समयमे मिश्रदेशके राज्य कैटी कर्लक् फारो इस्राएलीन्हे मिश्री देशके दास बनालेहल्।
मिश्रीन्के इस्राएलीन्हे धेर घर ओ सक्कु शहर समेत बनाइ लगैलाँ। कठोर परिश्रमसे ओईन्के जीवनहे महा कठिन होगैल्, तर ओहाँमे परमेश्वर ओईन्हे आशिष डेलाँ, ओ ओईने आकुर बृद्धि हुईटी गैलाँ।
इस्राएलीन्के धेर से फोन् धेर लर्का पाईट्, फारो देखल्, उहेक मारे फारो अपन् मनैन् हे कहल् सक्कु इस्राएलीनके भख्खर पईलक् छावा लर्कन् हे नील लडियामे मारके फँकैना आदेश डेहल्।
कौनो एक इस्राएली जन्नी मनै एकठो छावा लर्का पाईल्। उ ओ ओकर ठरुवा मिल्के अप्नेंहेँ सेक्ले से उ बालख हे नुकाके ढैले रहिँट्।
जब उ लर्काक् डाई–बाबा आकुर धेर समय टक् उहिहे नुकाई नैसेके लग्लाँ, उहिहे मर्नासे बचाईक् लग् ओईने एकठो खोँङ्गच्यार डेलवा (कोक्रो) बनाके लर्काहे ओकर भित्तर मजासे ढैलाँ ओ नील लडियाक् ढिकवाक् टरे बर्का चपर्का गोँडके बिच्चे–बिचमे ढैडेलाँ। लर्काक् दिदी उहिहे का हुईठिस् कहिके नुँक्के हेर्टिरहे।
फारोक छाई घटवाक् टरे लहाई टेहे, ओँहाँमे खोँङ्गच्यार सुग्घुर डेलाव डेखल् ओ ओकर भित्तर का बा कहिके खोल्के हेरलिन्। तब उहाँमे सुग्घर लर्का डेख्लीन्, तब उहिहे अपन् छावा बनालेलिन्। तब एक इस्राएली जन्नी मनै उहे लर्काहे हेरचाह करक् लग् ज्याला डेके ढैलिन्, उहे जन्नी मनै टे उहे लर्काक अपन डाई रना, कहिके उहिहे पटा नैरहिस्। जब लर्का भारी हुईल् दुध पिए छोरल् तब उहे जन्नी मनै लर्का लेके उहे फारोक् छाईक् ठन् पठाडेहल्, ओ ओकर नाउँ मोशा ढैलिन्।
एकदिन जब् मोशा भारी होरले रहे, ओँहाँ एक मिश्री इस्राएली दासहे पिट्टी कैलक् डेखल्। मोशा अपन् इस्राएलीहे बँचाईक् लग् खोजल्।
जब मोशा महिँहे क्यो नै डेख्ले हो कहिके सोँचल ओ उ मिश्रीहे मारके उहिहे भँठार डेहल्। तर मोशा उ हत्या कैलक् मिश्रीन् मन्से क्यो क्यो डेख्ले रहे।
जब पाछे फारो रजवा मोशा कैलक् हत्याक् बारेमे पाईल्, फारो मोसाहे मुँवाँइँक् लग् खोजल्। उहेक मारे फारोक् सेनासे बँचक् लगे मोशा मिश्रदेश से छोरके भागल् ओ उजाड सुनसान् स्थानओर गईल्।
मिश्रदेश से डुर उजाड ठाउँमे मोशा एक गोठाले बनल्। मोसा उहे ठाउँक् एक जाने स्त्रीसे विवाह कैल ओ ओकर दुईठो छावा हुईलिस्।
जब एकदिन् मोशा अपन् भेँरी हेरचाह कैटी रहे, ओँहाँ एकठो पोथ्रा डेखल् जौन आगीसे जरटी रहे। तर उ पोथ्रा जरके भस्म नैहोए। उहे पोथ्राहे आउर बढिंयाँ से हेरक् लग् मोशा ओकर आउर लग्गे गैलास्। जब उ बरटी रलक् पोथ्राके लग्गे गईल्, परमेश्वर कहलाँ, “मोशा, टोरीक् जुत्ता निकार। काकरे कि टैँ पवित्र भुमिमे ठह्र्याल् बटे।”
परमेश्वर कहलाँ, “मै मोरीक् मनैन्के दुःख डेख्ले बटुँ। मै टुहिँहे फारोक् ठन् पठाईबुँ टाकि नै इस्राएलीन्हे मिश्रदेशके दासत्वसे छुटाके नन्बे। मै ओईन्हे कनानके देश डेबुँ, उहे देश जौन मै अब्राहम, इसहाक ओ याकुब से प्रतिज्ञा कैले रहुँ। ”
मोशा पुछल्, मनैन्के टुहिँहे के पठाईल् कहिके पुँछहिँ टे मै का कहम् ?” परमेश्वर कहलाँ, “मै हुँ, जे मै हुँ। ओईन्हे ऐसिक बटाडिस्, “मै हुँ, कहना महिँहे टुहरिन्के ठन् पठैले बटाँ। ओईन्हे यी फेन बटाडिस्, “मै यहोवे हुँ, टुहरिन्के पुर्खा पुरनियाँन् अब्राहाम, इसहाक, ओ याकुबके परमेश्वर। मोरीक् नाउँ सदा–सर्वदाके लग् यिहे हो।”
मोशा डराईल रहे, फारोक् ठन् जैना एक मन नैरहिस् काकरे कि मे मजासे बोले नै जन्नाह बटुँ कहिके उ अपन् आपहे सम्झे, उहेक मारे परमेश्वर मोशाक् भैवा हारुनहे ओकर साथमे सहायता करक्लग् पठैलाँ। फारो चिम्मर बा कहिके परमेश्वर मोशा ओ हारुनहे सचेत कैलाँ।
बाइबलक कथा : प्रस्थान १-४ से
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।