8. ८. परमेश्वर योसेफ ओ ओकर घरानाहे बचैलाँ
योसेफके डाडुन्के उहिहे घृणा करिट् काकरे कि ओईन् मनसे, उ अपन् बाबक् सबसे डुलारु रहे। योसेफ फेन् ओईन्के शासक बनल् सपना पैलेरहे। जब योसेफ अपने डाडुनके ठन् आईल्, ओईने ओकर अपहरण कैके व्यापारीनके हाँथमे बेचडेलाँ।
धेर वर्ष पाछे, याकुब बुराह् गैल, ओकर अपन् सबसे डुलारु छावा, योसेफहे बगालके हेरचाह करुयान् अपन् डाडुन् के ठने जाँच करे पठाईल।
योसेफके डाडुन घरे अईनो आघे योसेफके झुलुवा चिँठके ओ उहे झुलवामे छेग्रीक् रगत लटपटवा डेलाँ। ओ ओईने उहे लबेदा अपने बाबहे देखईलाँ ताकि योसेफहे कौने जंगली जनावर मारडेहल् कहिके सम्झी। ऐसिन देखके याकुब दुःखी हुईलस्।
उ दास व्यापरीनके योसेफहे देशमे लैगैलाँ। मिश्र देश यल नीन लडियाक लग्ये रहे। यी देश भारी विशाल ओ शक्तिशाली रहे। उ व्यापारीन्के योसेफहे एकठो धनी सरकारी कर्मचारीक् हाँथे बेचडेहल्। योसेफ अपन मालिकके महा बढियाँसे हेरचाह करे उहिहे फेन् परमेश्वर आशिष डेलाँ
योसेफके मालकिओक जन्नी योसेफसँगे सुटक् लग् रहिस तर परमेश्वरके विरुद्धमे पाप हो उहेक मारे योसेफ इन्कार कैल्। उहे कारणसे मालकिओक् जन्नी रिसाईल् ओ योसेफके विरुद्धमे आके झुँठ् आरोप लगैलिस् उहे कारणसे योसेफ पक्रौवा पाईल् ओ झेलखानमे डारडेलाँ। झेखानामे रहेबेर फेन् योसेफ परमेश्वरमे भरोसा कैल आृ योसेफहे परमेश्वर आशिष डेलाँ।
दुई वर्ष पाछे योसेफ निर्दोष रलेसे फेन अभिन् झेलखानामे रहे। एक रातके बाट् हो मिश्रीन्के रजवा फारो दुईठो सपना पाईल् ओ उहे सपना उहिहे सटैलिस्। ओकर कौने सल्लाहकार फेन् ओइसिन् सपनाक् रहस्या बटाई नैसेकलाँ।
परमेश्वर योसेफहे सपनाके अर्थ खोले सेक्ना वरदान डेलेरहिट्, उहे कारणसे राजा फारो योसेफहे झेलखानम्से बलाई लगैलाँ। योसेफ फारेक सपनाके अर्थ बटाके कहल्,“ परमेश्वर आब सात वर्ष टक् प्रशस्त अनाज दिहिँ ओकर पाछे सात वर्ष अनिकाल परी।”
योसेफके बाट् सुनके फारो अट्ना प्रशन्न हुईले कि फारो योसेफहे सारा मिश्रदेशके दोस्रो शक्तिशाली व्यक्तिमे नियुक्त कैल्।
योसेफ मनैन्हे कहल् प्रशस्त फसल कैके सात वर्षमे धेर अन्न भण्डार करे लगैल्। तब सात वर्ष अनिकाल हुईल् उ समयमे योसेफ अनाज बेचल ताकि मनैन्के लग् आवश्यक पर्ना अनाज खाई पुगे।
अनिकाल मिश्र देशमे खालिस् नैहोके कनान देशमे फेन् अनिकाल आईल् जहाँ याकुब ओ ओकर घराना बैठिँट्।
उहेक मारे याकुब आपन् बर्का छावान्हे मिश्र देशमे खैना चिज लेहे पठाईल्। डाडुन्के खैना अनाज किने मिश्र देशमे गैलाँ तर ओईने योसेफहे नैचिन्हलाँ। तर योसेफ ओईन्हे चिन्हलेहल्।
तब अपन् डाडुन्के परिवर्तन हुईल् बटाँ कि नै कहिके जाँच कैके योसेफ ओईन्हे कहल्, “म टुहुरीन् के भैईवा योसेफ हुँ, जिन डराओ अपनिन्के महिँहे दासके रुपमे बेच्के दुष्ट काम करक् लग् खोज्लो तर परमेश्वर दुष्तताहे असल कामके लग् चलैलाँ। आओ ओ मिश्रदेशमे बैठो मै अपनिन्के लग् ओ अपनिक् घरानाक लग् खाना जुराई सेकुँ।”
जब योसेपफके डाडुन्के घरे ऐलाँ ओ योसेफ अभिन जित्ति बा कहिके खबर अपन् बाबा याकुबहे सुनैलाँ।, याकुबहे धेर खुशी हुईलस्।
याकुब धेर बुर्ह्राईल् रलेसे फेन् अपन् सारा घरानाहे छारा लेके उ मिश्रदेशमे गैईल् ओ उहिँ बैठे लागल्। मुनासे आघे याकुब अपन् सक्कु छावान आशिष डेहल्।
आशिष परमेश्वर अब्राहमहे प्रतिज्ञा कैलक् करार अब्राहमसे इसहाकम् सरल, तब याकुबमे, तब याकुबके बाह्रा छावानमे ओ ओईन्के घरानामे। उहे बाह्रा कुलके सन्तानसे इस्राएल बाह्रा कुल हुईलाँ।
बाइबलक कथा : उत्पत्ति ३७-५० से
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।