7. ७. याकुबहे परमेश्वर आशिष डेलाँ

तब उ दुनु लर्का भारी हुईटी गैलाँ, याकुब घर घँुसहा हुइल् घरे बैठ्ना मन् पराए, तर एसाव चाहिँ ढनुष खेर्लना रहे, उहेक मारे उ शिकार कैना मारे जैना मन् पराईल्। रिबेका याकुबहे माया करिँट् कलेसे इसहाक चाहिँ एसाव हे माया करे।

एकदिन, जब एसाव शिकार खेल्के घरे आईल्, उ मन्के भुँखाईल् रहे। तब एसाव अपने भैवा याकुबहे कहल्, “टोहर पकैलक् कुछु खैना चिज महिहे फेन् डेओ। ” याकुब जवाफ डेहल्, “ पहिले अपनिक् महिहे जेष्ठ अधिकार ढैडी।” तब एसाव अपन् जेष्ठ अधिकार अपन् भैइवा याकुबहे डैडेहल् तब याकुब यहिहे खैना चिज डेहल्।

इसहाक अपन् आशिष एसावहे डेहक् लग् रहिँट्। तर ओईसिन हुईनासे आघे, रिबेका ओ याकुब मिल्के, याकुबहे एसावके नान्हेँ हस बनाके छावा डाई मिलके इसहाकहे छलकपट् कैलाँ। इसहाक बुहराइल् रहिँट् उहेक् मारे आँख फेन् नैखिँट्। याकुब एसावके झुलुवा घालल् ओ छेग्रीन्के पठ्रुनके छाला अपन् घेँचामे ओ हाँथमे मजासे लट्पट्ओइले रहे।

याकुब इसहाक ठन् आके कहल, “ मै एसाव हुँ। मै अपनिक् आशिष डोगे आईल् बटु।” जब इसहाक ओकर जीउ छँम्लाँ छेग्रीक् भुट्ला छामल् फेन् लुग्राक् बा्ना सुँघल्, यीटे जात्तिसे एसाव हो कहिके ठान् लेहल्।

एसाव याकुबहे घृणा करे काकेरे कि याकुब ओकर जेष्ठ अधिकार ओ ओकर पइना आशिष अँछोरके लेलेरहे। उहेक् मारे एसाव बाबक् डेहान्के पाछे याकुबहे मर्ना योजना बनाईल्।

तब रिबेका एसावके योजनाके बारेम् पटा पैलिन् उहेक मारे इसहाक ओ रिबेका याकुबहे ओहाँसे डुर अपन् नाटपाट् हुईलक् ठाउँमे पठाडेलाँ।

याकुब धेर वर्ष तक् रिबेकाक् घरानामे बैठल्। उहे समय अवधिभर ओकर विवाह कैल ओ ओकर बाह्र जाने छावा ओ एकठो छाई हुइलाँ। याकुबहे परमेश्वर धेर धनि बनाडेले रहिँट्।

बीस वर्षसे ज्याडा अपन् घर कनानसे डुर बैठ्लक् ओरसे, याकुब अपन् परिवार, अपन् नोकर चाकर ओ अपन् सारा गाय–गोरु वस्तु सक्कु अपन् साथमे लेके आईल्।

याकुब मन्के डराईल् रहे काकरेकि एसाव उहिहे अभिन फेन् मारी कि कहिके बिचार कैले रहे। उहेक् मारे याकुब धेर गाईवस्टुन्के उपहार स्वरुप एसावके ठन् पठाईल्। सक्कु गाईवस्तुक् उपहार लेके गैलक् नोकर चाकर एसावहे ऐसिक कहिके कलिन्, “ अप्निक् दास, याकुब अपनिक लग् यी गाईवस्तुक् उपहार पठैले बटाँ, ओँहाँ फेन् हलहिल् ऐटि बटाँ।”

पर एसाव याकूबहे पहिले क्षमा देसेक्ले और ओइने एक-दोसरहे फेन देखे पाके खुशी हुइल। ओकर पाछे याकूब कनान देशम शान्तिसंग बैठल। ओकर पाछे इसहाक मुअल, और याकूब और एसाव उहिहे गर्लै। परमेश्‍वर अब्राहामकसँग वाचा करल करार आब इसहाकसे याकूबमे सरगिल।