6. ६. परमेश्वर इसहाकहे डेलाँ

जब अब्राहम बुढ्ह्ैलाँ, ओकर छावा,इसहाक, एक परिपक्क मनैया हुसेकल् रहे। उहेक मारे अब्राहम अपन् एकठो दासहे अपन् कुटुम्ब रहलक् देशमे जाके इसहाकके लग् एकठो जन्नी खोजके लानक्लग पठाईल्।

अब्राहमके कुटुम्बन्के बेठ्ना देशके महा लम्मा यात्राक् पश्चाट्, परमेश्वर उ दासहे रिबेका नाउँ कैलक् एक जाने जन्नी मनैक् ठन् नन्लाँ। उहे जन्नी अब्राहमके भैवक् नटिनियाँ रहिन्।

रिबेका अपन् परिवारहे छोरके उहे दासके साथ–साथे इसहाकके घरेमे जैना मान कैली। रिबेका ओहाँ अईटी किल् इसहाक उहिँन्से विवाह कैल्।

धेर समय बित्लक् पाछे, अब्राहमके मृत्यु हुईल् ओ परमेश्वर अब्राहमसे कैलक् सक्कु करार आब इसहाकमे सरल्। परमेश्वर अब्राहमहे टोरीक् धेर सन्तान हुँइँहिँ कहिके प्रतिज्ञा कैले रहिँट्, तर इसहाकके जन्नी रिबेकासे कौने सन्तान नै हुई सेकलिन् ा

इसहाक अपन् रिबेकाक् लग् प्रार्थना कैल्, तब परमेश्वर ओँहँकार गर्भमे जुम्ल्याह लर्का डैडेलाँ। उ दुनु लर्का रिबेकाक् गर्भभित्तर रहल्मे एक–अपासमे झगरा करे लग्लाँ, उहेक मारे रिबेका परमेश्वरसे यि का हुईटा कहिके पुछ्लिन्।

परमेश्वर रिबेकाहे कहलाँ, “ टोहार भित्तर रहलक् यि दुईठो छावान्के दुईठो राष्ट्र ऐहिँ। ओईने एक–आपसमे लडाई कैहिँ ओ बर्का छावा छुट्कि छावाके सेवा करी।”

जब रिबेका छावान्के पैलि, बर्का छावा लाल वर्नाक् सक्कु ओर भुट्ला किल् हुईलक् रहिन् उहेक मारे ओकर नाउँ एसाव ढैलाँ। तर छुट्कि छावा चाहिँ अपने हाँठसे बर्का छावाक् लेँरि पकरके बाहर निकरल् उहेक् मारे ओईन् ओकर नाउँ याकुब ढैलाँ