5. ५. प्रतिज्ञाके सन्तान

कनान देशमे छारा कैके गैलक् १० वर्ष होसेकल् रहिन टौन फेन् ओईनके एकठो सन्तान नै हुईल् रहिन्। ओकर कारणसे अब्रामके जन्नी सराई उहिसे कहलिन्, “परमेश्वर मोरीक् कोख बन्द कैडेले बटाँ ओ आब मै लर्का पैनासे आघे बुढा रलु, उहेकमारे आब टुँ मोरिक् दासी हागारसे विबाह करो ओ उ मारिक् लग् एकठो सन्तान पाडि।”

तब अब्राम मानल् ओ अब्राम हागरसे विवाह कैलस्। हागार एकठो छावा पाईल्। ओकर नाउँ ईस्माएल कहिके अब्राम धारल्। भित्रेम् भित्रेम् साराई विह्य मँए लग्रलिन्। जब ईश्माएल तेह्र वर्षक् हुईल् फेन् परमेश्वर अब्रामसे बोल्लाँ।

परमेश्वर कहलाँ, “मै सर्वशक्तिमान परमेश्वर हुँ। मै टुहिँसे एकठो करार बाँधटुँ।” तब अब्राहम् भुँईयामे लिहुरके ढोगलागल्। फेन् परमेश्वर कहलाँ, “टै धेर देशके पिता हुईबे। कनान देश टुहिँ ओ टोर सन्तानके हात मै सौप्डेम् ओ मै सदाके लग् टुहुरिनके लग् परमेश्वर हुईबुँ। जत्ना टोरिक् घरेम् परुष रहिँहिँ ओईन्के खतना करेपरि।”

“टोरीक् जन्नी साराई एकठो छावा पाई – उ चाहिँ प्रतिज्ञाके छावा रहि। टैँ ओकर नाउँ इसाहाक धारिस्। उहिसे मै मोरीक करार कैबुँ, ओ ओकर एकठो महा भारी देश रहिहिस्। इश्माएल हे फेन् मै विशाल राष्ट्र डेबुँ, तर मोरीक् करार चाहिँ इसहाकसे नै रहि।” तब पाछे परमेश्वर अब्रामके नाउँ अब्राहम धैढेलाँ, जेकर अर्थ हुईठ् धेर जनहनके पिता। साराईक् नाउँ फेन् परमेश्वर आब सारा ढैडेलाँ, यकर अर्थ हुईठ् “राजकुमारी”।

अब्राहम अपन् कुल घरानक् सक्कु पुरुषसन्के खतना कैलाँ। ओकर करीव एक वर्षक् पाछे, अब्राहम सय वर्षक् ओ सारा नब्बे वर्षक् हुइएलाँ तब सारा अब्राहमके छावा पैलाँ। परमेश्वर कहल अनुसार ओईने ओकर नाउँ इसहाक धैलाँ।

जब इसहाक छुटुनके रहिँट्, परमेश्वर अब्राहमे विश्वासके जाँच कैलाँ ओ कहलाँ, “हुईलक् टोरीक् एक्केठो छावा इसहाकहे लेके जा ओ उहिहे मोरीक् लग् बलि चढाईस्।” अब्राहम परमेश्वरके कहल् मानल् ओ अपन् छावाहे बलिदान डेहक् लग् तयार हुईल।

ओसतक् अब्राहम ओ इसहाक वेदी ओर जैति रहिँट्, तब इसहाक अपन् बाबाहे पुछल्, “बाबा, बलिदन करक् लग हमारक् ठन् काठी बाओई थुमा खैटे ?” अब्राहम जवाफ डेहल्,“हे मोरीक छावा अपन् बलिदान्के थुमा परमेश्वर जुरँैहीँ।”

जब ओईने बलिदान डेना वेदिक् ठाउँमे पुग्लाँ, अब्राहम अपन् छावाहे बाँधल ओ उहिहे वेदीमे ढैल्। जब अब्राहम अपन् छावाहे बलि डेहेलागल्, तब परमेश्वर अब्राहमहे, “रुक्

ओहाँ अपन् लग्य अब्राहम भँङ्गलीमे अँट्कल् एकठो थुमा देखल्। इसहाकके बडलामे बलिदान करक् लग् परमेश्वर ओँहाँ एकठो थुमा डैडेले रहिँट्। अब्राहम खुशी होके उहे थुमा बलि डेहल्।

तब परमेश्वर अब्राहमहे कहलाँ, “टैँ मोरीक् लग् अपन् सक्कु चिज डेना तयार हुईलक् ओरसे, ओ टोरीक् एक्केठो छावा फेन् बाँकी नै छोरले, परमेश्वर कहलाँ मै टुहिँहे आशिष डेना प्रतिज्ञा करटुँ। टोरीक सन्तान बड्री बिल् गैना टोरैयासे फेन् धेर हुँइँहिँ,। टैँ मोरीक् कहलक् आज्ञा मनलक् ओरसे, सँसारके सक्कु घरानन्के टोरीक् घरानसे आशिष हुँइँहिँ।