4. ४. परमेश्वर अब्रामसे करार कैलाँ

जलप्रलय हुईलक् धेर साल पाछे, फेन्से संसारमे मनैन्के संख्पा बहरटी गैलाँ,ओईने सक्कु जाने अक्के भाषा बोलिट्। परमेश्वर आज्ञा डेलेरहिट् कि टुहुरे सारा धर्ति पैmलटि जैहे तर ओईने परमेश्वरके कहल नैमान्मे झने एक्के ठाउँमे बैठ्के एकठे शहर बनाई लग्लाँ।

परमेश्वरके कहलक् बाट ओईने कौने वास्ता नै कैलाँ, झन् घमण्ड स्वभाव हो गैलाँ। ओईने स्वर्गसम्मे जाईक् लग् महा ढेंग् धरहरा निमार्ण करे लग्लाँ। अस्टके ओईने सँग सँगे एकसाथ दुष्ट काम कैटी जैहीं कलेसे ओईने आउर धेर अधर्म बडे सेक्ना परमेश्वर देख्लाँ।

उहे कारणसे परमेश्वर ओईन्के भाषा खलभला डेलाँ ओ सक्कु मनैन् सारा संसारभर एहोंर ओहोंर कैडेलाँ। ओईन्के बनाईना सुरु कैलक् शहरके नाउँ “बाबेल” रहे, जेकर अर्थ हुईठ् “अलमल हुईना” रहे।

सयौं वर्ष पाछे, परमेश्वर अब्राहम नाउँ कैलक् एक जना मनैयाँ से बोल्लाँ। परमेश्वर उहिहे कहलाँ, “टोरिक् देश ओ घराना छोरके मै टुहिहे ठाउँ डेखाई टुँ उहे ठाउँमे जा। मै टुहिहे आशिष डेबुँ ओ टुहिहे डेलक् ठाउँ एकठो महान राष्ट्र बनैबुँ। मै टोरिक नाउँ महान बनाडेम्। मै टोरिक नाउँ महान् कैडेम्। मै टोरीक् नाउँहे महा बरवारी कैडेम्। मै टुहिहे आशिष डेनाहे आशिष डेबुँ, टुहिँहे श्राप डेनान्हे मै श्राप डेबुँ। पृथ्वीमे रहलक् सारा घराना टोरीक् कारणद्धारा आशिष हुईहिँ।”

यी सक्कु बाट् सुन्के अब्राम परमेश्वरके आज्ञा मानल्। तब अब्राम अपन् जन्नी साराई, अपन् सक्कु रैटिन् ओ अपन् सक्कु चिज लेके परमेश्वर देखईलक् देश कनान ओर गैल्।

जब अब्राम कनान देशमे अईलस् तब उहिहे परमेश्वर कहलाँ, “अब्राम टै अपन् आँजर पाँजर चारुओर हेर। टै ओ टोरीक् सक्कु परिवार जहाँ टके देखटो ओट्ना सक्कु देश मै टुहिँहे पैतृक् सम्पतिक् रुपमे डेबुँ।

एक दिनके बाट् हो, अब्राम सर्वोच्च परमेश्वरके पुजाहारीहे, मल्कीसेदेकके भेटकैल्। तब मल्कीसेदेक अब्रामहे आशिष डेके कहलाँ, “आकाश ओ पृथ्वीक् मालिक, सर्वोच्चक् परमेश्वर टुहिँन्हे आशिष डैडिउन्।” तब अब्राम अपन् सारा सम्पतिके दशाँसके हिस्सा मल्कीसेदेक्हे डैडेहल्।

अब्राम ओ साराईके धेर वर्षके हो गैलाँ तब्बोपर एकठो सन्तान फेन् नै हुईलिन्। परमेश्वर अब्रामसे बोल्लाँ तब फेन् प्रतिज्ञा कैलाँ कि ओक एकठो छावा हुईहिस् ओकर सन्तान आकाशके टोरै सरह हुईहिस्। परमेश्वरके प्रतिज्ञामे अब्राम विश्वास कैलस्। परमेश्वर अब्रामहे धर्मी ठहराईलाँ। काकरे की अब्राम परमेश्वरके प्रतिज्ञामे विश्वास कैलस्।

परमेश्वर अब्रामसे एकठो करार कैलाँ। करार कहलक् दुई जनहन् बिचके सम्भौता हो। परमेश्वर कहलाँ, “टोरीके डेहसे मै टुहिँहे एकठो छावा डेबुँ। कनान देशमे मै टोरिक् सक्कु परिवारन्हे डेबुँ।” अभिन अब्रहामके ठन् एकठो छावा फेने हुईल नैरहिस्।