13. १३. परमेश्वरके करार इस्राएलीनसँगे
इस्राएलीन् हे लाल समुन्ड्र ओँहँपार लैजाके परमेश्वर ओईनहे उजाड स्थानके डग्गर हुईटी सिनै पर्वटवामे लैगैलाँ। यी उहे पर्वतवा रहे जहाँ मोशा जरटि कैलक पोथ्रा देख्ले रहे। तब मनै अपन् टम्बु पर्वतवाक् टरे बनैलाँ।
परमेश्वर तब मोशा ओ इस्राएली मनै हे कहलाँ, “यडि टुहुरे मोरीक आज्ञा मन्बो ओ मोरीक करार पालन् कैबे कलेसे, टुहुरे मोरीक् सम्पति, पुजहारीन्के एक राज्य ओ एक पवित्र जाति हुईबो।”
तिन दिन पाछे मनै आत्मिक रुपमे तयार हुईलाँ, परमेश्वर गर्जन, चट्याङ्ग, धँुवाँ ओ मन्के बज्ना विगुलके ध्वनीक साथमे सिनै पर्वतवाक टिपुन्नामे उटरके अईलाँ। उ पर्ववतवाके उप्पर अईना मोशाहे किल अनुमति डेलाँ।
तब परमेश्वर ओईन्हे उहे करार डेलाँ ओ कहलाँ, मै “याहोवे हुँ, टुहुरीनके परमेश्वर, जे टुहुरिनहे मिश्रदेशके दासत्वासे बचाईल्। टुहुरे आकुर कौनो डेवटान् जिन पुजहो।”
“कौनो किसिमके मुर्ति जिन बनायो अथाव ओईन्हे जिन पुज्यो, काकरे कि मै, याहोवे, डाही परमेश्वर हुँ। मोरीक नाउँ व्यर्थमे जिनलेहो। शवाथके दिन पवित्र दिन ढारक् जिन बिस्रायो। टुहुरीनके सक्कु काम चाहिँ छ दिनटक् कैहो। तर सातौं दिन चाहिँ टुहरिन्के विश्राम कैना दिन ओ महिहे सम्झना कैना दिन हो। ”
“अपन् डाई–बाबान् आदर कैहो। हत्या जिन कैहो। व्यभिचार जिन कैहो।चोरी जिन कैहो झुँठ् जिन बोल्हो। अपन् छिमेकिक् जन्नी, ओकर घर, अथवा ओकर कुछु फेन लालच जिन कैहो।
तब परमेश्वर यी दश आज्ञा दुइठो ढुङ्गाक् पाटीमे लेख्लाँ ओ मोशाहे डेलाँ। परमेश्वर आकुर फेन् धेर व्यवस्था ओ कानुन् पालन करक् लगे डेलाँ। यदि टुहुरे यी व्यवस्था पालन कैबो कलेसे परमेश्वर टुहरिन आशिष डेला ओ टुहरिनके सुरक्षा कैना प्रतिज्ञा कैलाँ यदि टुहरे यी आज्ञा भंग कैबो कलेसे टुहरिन्हे भरमेश्वर डण्ड डिहिँ।
परमेश्वर इस्राएलीनहे अपन चाहल जैसिन पाल निर्माण कैना एकठो विस्तृत नमुना फेन डेलाँ। उहिहे भेट कैना पाल कहिके कहिँट् ओ यकर दुईठो कोठा रहे, जिहिहे एकठो भारी पर्दासे अल्गाइल् रहे। ओँहाँमे प्रधान पुजाहारी किल् पर्दाक् पाछे जाई पाईंट्, काकरे कि परमेश्वर ओँहाँमे रहिँट्।
यदि क्यो परमेश्वर के आज्ञा भंग कैलेसे उ एकठो पशु भेट कैना पालके आघे रलक् वेदीमे परमेश्वर बलिक् रुपमे बलि करे सेके। एक पुजाहारी उ पशुहे मारके वेदीमे ढैके जराए। बलि चह््रैलक् ओरसे पशुक रगतसे उ मनैयाँक् पाप छोपे ओ परमेश्वरके नजरमे उ मनैयाँ शुद्ध होजाए। मोशा ओ ओकर भैइवा ओइनके सन्तान हे परमेश्वर अपन् पुजाहारी बन्नामे नियुक्त कैलाँ।
परमेश्वर सक्कु मनैन्हे डेलक् आज्ञा शिरिफ एकठो परमेवर पुज्ना ओ ओँहाँक् विशेष मनै हुँइँट् कहिके मानक् लग राजी हुईलाँ। तब बाचा कैलक् कुछ समयके पाछे ओईने, अप्नेहेँ फेन अप्ने डरलगेटिक् पाप कैलाँ।
मोशा परमेश्वरसे बाट्–चिट् करक् लग् धेर दिन टक् सिनै पर्ववतवाके टिपुन्नीमे गैल् रहे। मोशाक् अश्रा कैटी–कैटी मैनन् के मिच्छा गैलाँ। उहेक् मारे ओईने हारुनके ठन् सुन नन्लाँ ओ ओईनके लग् एकठो मुर्ति बनार्इृ लगैलाँ।
हारुन एकठो बछरवाक आकारमे सुनके मुर्ति बनाईलस ्। तब उहे मुर्तिमे मनैन्के पुजा करे लग्लाँ ओ बलि फेन् डेहे लग्लाँ।
मोशा जब टरे उट्रल् ओ मुर्ति डेखल् मोशा अट्ना रिसाइल् कि उहिहे परमेश्वरके डेलक् दश आज्ञा के पाटी फोरके बगाडेहल्।
तब मोशा उ मुर्ति हे फुटाके ढुर बनाइल्् ओ उहे पानीमे डारके मनैन्हे उहे पानी पिओइल्। परमेश्वर मनैनमे महामारी नानडेलाँ ओ उहे महामारीसे धेर मनै मुँलाँ।
फेन्से मोशा पर्वटवामे उप्पर उच्याके उ मनैन् के लग् परमेश्वरसे क्षमा केडेहो कहिके प्रार्थना कैल्। परमेश्वर मोशाक् विन्ती सुन्लाँ ओ ओईनहे क्षमा कैडेलाँ। अप्नेंहें फुटैलक् जौन् दश आज्ञाक् पाटी मोशा फेन्से एकठो ढुङ्गाक् लावा पाटीमे लेख् के पुनस्थापन कैल्। तब परमेश्वर इस्राएलीन्हे सिनै पर्वटवा से प्रतिज्ञा कैलक् देश ओर नेंगैलाँ।
बाइबलक कथाः प्रस्थान १९-३४ से
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।