14. १४. उजाड स्थानमे र्भौटरर्टी
परमेश्वर सिनै पर्वट्वामे अपन करार डेके सेक्लाँ तब इस्राएलीन्हे प्रतिज्ञाके देशओर लैजै लग्लाँ, जौन ठाउँहे कनानके देश फेन् कहिँट्। बड्रिक खम्भा ओइन्के आघे–आघे कनान ओर डोरयाके लैजाए, इस्राएलीन्के ओकर पाछे–पाछे जाईँट्।
परमेश्वर अब्राहमसे, इसहाकसे, ओ याकुबसे हौ देश मेै टुहरीन्के सन्तानहे डेबँु कहिके प्रतिज्ञा कैले रहिँट्, तर उहे समयमे ओँहाँमे धेर समुडाएके मनै बसोबास केले रहिँट्। ओईन्हे कनानी कहिके चिन्हिँट्। कनानीन्के परमेश्वरहे नै पुजिँट् न टे परमेश्वरके आज्ञा मानिट्। ओइने झुँठ् देवता पुजिँट् ओ महा अधर्मी काम करिँट।
परमेश्वर इस्राएलीन्हे कहलाँ, “टुहरे ओँहाँ रलक् सक्कु कनानीनहे उहे प्रतिज्ञाक् देश से हटायो ओ ओईन् से कौने प्रकारके फेन् सम्झौता जिन कैहो, विवाहे प्mेन् जिन कैहो। ओईनके सक्कु मुर्ति पुर्णरुपमे ध्वस्त कैडेहो। यदि टुहरे मोरीक् आज्ञा पालन नै कैबो कलेसे, टुहरे महिहे छोरके टुहरे ओइनके मुर्ति पुजा करे लग्बो।”
कनानके सिमानामे जब इस्राएलीनके अइलाँ, मोशा इस्राएलीनके हरेक कुलसे एक–एक जाने कैके बाह्र जनहन् मनै चँुन्लाँ। मोशा उ मनैनहे कनान देशके खबर बुझक् लग् जासुसके रुपमे पठाईल्। कनानके मनै बल्गर् बटाँ कि कम्जोर बटाँ कहिके ओकर विषयमे चियो करक् लग् फेन् ओईन्हे पठैले रहे।
बाह्रजाने मनैन्के चालिस दिनटक् कनानमे घुम्लाँ ओ पाछे औईने लौट् अईलाँ। ओईने मनैनहे कहलाँ, “ओँहाँ के जमिन् टे धेर मल्गर ओ प्रशस्टे अनाज हुईना खालके बा।
तब तुरुन्टे डोसर डुई जासुस, कालेब ओ यहोशु ऐसिक कहलाँ, “यी टे बाट् हो कि कनानके मनै महा ढेँङ्ग–ढेँङ्ग ओ बल्गर बटाँ,तर यी बाट पक्का हो हम्रे ओईन् हे जिट् लेबी।
तर ओँहाँक् मनै कालेब ओ यहोशुक् बाट् नै सुनलाँ, “काकर अपनिन्के हम्रहिनेहे ऐसिन भयानक् डरलग्टिक् ठाउँमे लन्ले बटी। लडाईमे मरुवा पईना ओ अपने जन्नी लर्कापर्कान्हे दास बनैनासे टे बर्टुन् हमे्र मिश्रदेशमे बैठ्टी टे बेनु मजा रहट्।”
ऐसिन् देख्के परमेश्वर धेर रिसैलाँ ओ भेट कैनाँ पालमे अईलाँ। परमेश्वर कहलाँ, “मोरीक् बिरुद्धमे विड्रोह कैलक् कारणसे टुहरे सक्कु जाने यीहे उजाड् स्थानमे भौटरटी नेँङ्गबो। कालेब ओ यहोशु बाहेक् २० वर्षसे उँप्परकाक् सक्कु मनै ईँहेँ मुँहिँ ओ प्रतिज्ञाक् मुलुक् भित्तर पैईँठे नै पैहिँ। ”
मनैन्के जब ऐसिन बाट् सुन्लाँ, तब अपन् कैलक् पापमे ओईन्हे महा दुःखी हुईलाँ। ओईने अपन् हतियार लेके कनानके मनैनहे आक्रमण करे गैलाँ। मोशा ओईन् हे ओँहाँमे जिन जाओ कहिके चेतावनी डेहल् काकरे कि परमेश्वर ओईनक् पक्षमे रहिँट्, तर ओईने ओईन्के बाट् नै मन्लाँ।
यी लाराईमे परमेश्वर इस्राएलीके सँगे नै गैलाँ, उहेक मारे ओईने पराजित हुईलाँ हो धेर जाने मुँलाँ। तब पाछे इस्राएलीनके कनान ओरसे घुम्के अईलाँ ओ चालिस वर्ष टक् उजाड स्थान्मे भौटरटी एँहोँ–ओँहोँर नेँगलाँ।
चालिस पर्ष टक् उजाड स्थानमे एहाँे ओँहोँर भौटरलाँ ओईन्हे परमेश्वर इस्राएलीनहे खाना जुराडेलाँ। परमेश्वर ओईन्हे स्वगेसे रोटी डेलाँ, असिन् रोटीहे “मन्न” कहिँट्। परमेश्वर ओईन्के बैठ्ना पालमे खाईक् लग् शिकार फेन् होए कहिके बटैयाँ चिरैन्के झुण्ड फेन् पठाडेलाँ। उ सक्कु समय अवधीभर परमेश्वर ओईन्के झुवा ओ जुत्ता फट्नासे बाँचाडेलाँ।
परमेश्वर चट्टान मन्से निकारके ओईन् हे पानी डेलाँ। अईसिन् कैटि–कैटी फेन्, इस्राएलीनके परमेश्वर ओ मोशाक् विरुद्धमे आरो लगाके गनगन कैलेसे फेन्, अब्राहम, इसहाक, ओ याकुब से अपन् कैलक् प्रतिज्ञाके करारमे परमेश्वर विश्वास योग्य रहिंट्।
जब एकचो, मनैन् के ठन् पियक् लग् पानी नै रहिन्, परमेश्वर मोशाहे कहलाँ, “चट्टान हे कोह् तब ओँहाँ से पानी आई।”तर ओँहाँमे मोशा सक्कु मनैन् के आघे कहेक् छोरके चट्टानमे दुई चो लठ्ठीसे मारके परमेश्वर हे अनाडर कैलस्। चट्टान मन् से पानी टे आईल तर परमेश्वर मोशा से रिसैलाँ ओ कहलाँ, “टैं प्रतिज्ञाक् मुलुक भित्तर पैंठे नै पैबे।
उजाड स्थानमे चालिस वर्षटक् एहोँर–ओँहोँर भौंटरटी जट्ना परमेश्वरके विरुद्धमे विद«ोह करुइया सक्कु इस्राएली मुँ सेक्ले रहिँट्। तब पाछे फेन् से परमेश्वर मनैन हे प्रतिज्ञाक् कैलक् लग्गे लै गैलाँ। मोशा आब बुराह् रले रहे। उहेक मारे परमेश्वर यहोशूहे उहे मनैन नेतृत्व करक् लग रोज्लाँ।
ओकर पाछे परमेश्वर मोशाहे पर्वटवाक उप्पर टिपुन्नामे जाई कहलाँ, काकरे कि मोशा फेन् प्रतिज्ञा कैलक मुलुक डेखे सेके। मोशा प्रतिज्ञा कैलक् मुलुक् हेरे टे पाईल् तर परमेश्वर मोशाहे प्रवेश करे नै डेलाँ। ओकर पाछे मोशाक् मृत्यु हो गैलिस्,तब चालिस् दिनटक् इस्राएलीनके मोशाक् लग् शोक मनैलाँ। यहोशु ओईनके लावा अगुवा हुईल्। यहोशू एक असल अगुवा रहे काकरे कि उ परमेश्वरमे भर परे।
बाइबलक कथा: लेवी १६-१७, गन्ती १० -१४;२०;२७, व्यवस्था ३४ से
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।