15. १५. प्रतिज्ञाके मुलुक

अन्त: इस्राएलीनके प्रतिज्ञाके मुलुक कनान भित्तर प्रवेश कैना आईल रहे। यहोशु दुई जनाहन् जासुस कनानी शहर यरीहोमे पर्ठलाँ, जहाँ बल्गर किल्लाद्धारा सुरछित् रहे। उहे शहरमे राहाब नाउँ कैलक् एक जाने व्यभिचारी जन्नी मनै बैठे जौन उ जासुसन्हे लुके ओ पाछे ओईन् हे भगैनामे सहायता कैलुस्। राहब परमेश्वरमे विश्वास कैलग् कारणसे यी सक्कु काम कैलिन्। इस्राएलिन्के यरीहो शहर ध्वस्त पारे बेर राहाब ओ ओकर पविार चाहिँ सुरक्षा कैना कहिके वाचा कैलाँ।

इस्राएलीन्हे प्रतिज्ञाके मुलुक भित्तर जैनासे आघे यर्दन लडिया नाँङ्गके जैना रहे। परमेश्वर यहोशूहे कहलाँ, “सबसे पहिले पुजेहरुवान्हे जाई डेहो।” जब पुजहारीन्के यर्दन लडियाके भित्तर पैठ्लाँ, बहटी कैलक् पानी बहटी–बहटी रोक् गैल् उहेक् मारे इस्राएलीनके तब लडियाक् ओँहँ पार ढिकवामे, झुराईल् जमिन ओर मजासे जाई सेकलाँ।

जब यर्दन लदिया नाँङ्ग सेक्लाँ, तब परमेश्वर यहोशूहे शक्तिशाली शहरमे कैसिक् अक्रमण कैना कहिके तरिका बटैलाँ। मनै परमेश्वर के आज्ञा पालन कैलाँ। जस्टेक परमेश्वर कहलाँ ओस्टेक्, सिपाहीन्के ओ पुजाहारीन्के छ दिन टक् लगाटार यरिहोके शहरहे घेरा लगाके अ‍ेकर वरिपरि परिक्रमा कैलाँ।

तब सातौं दिनमे इस्राएलीनके आकुर सात चो शहरहे परिक्रमा लगैलाँ। जब ओईने अन्तिम चो शहर परिक्रमा कैटि रहिँट्, सिपाहिन् के मन्के अवाज निकारके चिल्लैलाँ ओ पुजेह्रुवानके अपन् तुरहि फुँक्लाँ।

तब यरिहोक् चारुओर सेडिवाल् गिरल्। इस्राएलीनहे परमेश्वर जस्तेक कहलाँ ओस्टक् शहरमे रहलक् सक्कु चिज नष्ट कैलाँ। ओईने राहाब ओ ओकर परिवारहे किल् छोरलाँ, तब जाके पाछे ओईने इस्राएलीनके हिस्सा बन्लाँ। जब कनानमे बैठ्लग् आकुर मनै इस्राएलीद्धारा यरीहो शहर ध्वस्त कैलक् पटा हुईलिन्, आब इस्राएलीन्के आकुर शहरहे फेन् आक्रमण कैहिँ कहिके ओईमे डर पैठ्लिन्।

परमेश्वर इस्राएलीनहे कनानमे बैठे बेर कौने फेन् समुहक् मनैन से कौने किसिमके सन्धि जिन कैहो कहिके आज्ञा डेलेरहिँट्। तर ओँहाँमे कनानके एक गीबोन नाउँ कैलक् जातके मनै यहोशू से छलकपट् कैके हम्रे टे कनान देशसे डुस् ठाउँसे अईलक् हुई कहिके ठग्लाँ। ओईने यहोशूसे शान्ति–सन्धि कैना प्रस्ताव कैल्।यहोशु ओ इस्राएलीनके परमेश्वरसे यी गिबोनी कहाँसे अईलाँ कहिके ने पुँछ्लाँ। तब यहोशू ओईनसे शान्ति–सन्धि कैलाँ।

्जब इस्राएलीनके आपने आपहे यी गिबोनीद्धारा छल् कैलक् पटा पैलाँ, ओइृने धेर क्रोधित हुईलाँ, तब्बो पर ओईन् से कैलक सन्धि कायमै कैलाँ, काकरे कि यी चाहिँ परमेश्वरसे कैलक् पहिलक् प्रतिज्ञा हो। कुछ् समयके पाछे कनानमे रहलक् डोसर जातिक् राजा, अम्मोनीन्के, गिबोनीनके इस्राएलीनसे शान्ति–सन्धि कैलक् सुन्लाँ, उहेक मारे ओईने आपन् सैनिक्हे एकिकृत कैके एकठो विशाल फौज बनैलाँ ओ गिबोनीनहे आक्रमण कैलाँ। गिबोनीनके यहोशूहे सहायतक् लग् सन्देश पठैलाँ।

उहेक मारे यहोशू इस्राएलीनके सैनिकहे भेला कैके ओ गिबोनिन् के ठन् जाई बेर रातभर नेँङ्गलाँ। विहान ठोर–ठोर ओजारमे ओईन् अचानक् अम्मोनी फोजहे आक्रमण कैलाँ।

उहे दिनमे परमेश्वर इस्राएलीन ओर से लराई कैडेलाँ। परमेश्वर अम्मोनीनहे अन्योलमे पार डेलाँ ओ भारीभारी पठरा वर्षा डेलाँ, यीहे कारणसे धेर अम्मोनी मुँलाँ।

परमेश्वर सुर्यहे बड्रिमे अक्के ठाउँमे स्थीर कै डेलाँ, काकरे कि इस्राएलीनके अम्मोनीनहे हराईक् लग प्रशस्ते समय होए। उहे दिन, इस्राएलीनके लग परमेश्वर महान् विजय डेलाँ।

परमेश्वर उहे फौजहे परास्त कै सेक्लाँ तब पाछे कनानके आकुर धेर जातिनहे एकिकृत कैके इस्राएलीनहे आक्रमण कैलाँ। यहोशू ओ इस्राएलीनके फेन् आक्रमण कैलाँ ओ ओईनहे ध्वस्त कैडेलाँ।

यी लराईक पाछे परमेश्वर हरेक इस्राएलीनके कुलहे ओईन्के आपन आपन प्रान्त प्रतिज्ञा कैलक् मुलुक डेलाँ। तब परमेश्वर सारा इस्राएलीनमे ओ ओईन् के सिमानामे शान्ति डेलाँ।

जब यहोशू बृद्ध हुइलु, उ सारा इस्राएलके मनैनहे अक्के ठाउँमे जम्मा कैल्। तब यहोशू उहे मनैनहे सिनै पर्वतवामे इस्राएलीनसे कैलक् परमेश्वरके करार पालना कैना बाध्याता सम्झना कराईल्। मनैनके परमेश्वरमे विश्वास योग्य हुईना ओ ओँहाँक व्यवस्था पालना कैना कहिके प्रतिज्ञा कैलाँ।