16. १६. छुटकारा डेना

यहोशूक् मृत्यु पाछे, इस्राएलीनके अनाज्ञाकारी हुईलाँ ओ जौन बाँकी रलक् कनानीनहे न टे ओँहाँ से भगैलाँ न टे परमेश्वरके आज्ञा मन्लाँ। झन् इस्राएलीन के याहोवे, साँचो परमेश्वर एकठो किल् बटाँ कहिके पुजक् छोरके ओकर बडलाँ कनानी देवतान् हे पुजे लग्लाँ। इस्राएलीनके कौनो राजा नै रहिन्, उहेक मारे ओईन् सक्कु जनहन् हे जौन ठिक् लागिने उहे करिट्।

परमेश्वर हे घुबुर–घबुर अटेरी कैलग् ओरसे, परमेश्वर ईस्राएलीनहे हराके दण्ड डेलाँ। शत्रुन्के यी ईस्राएलीनके सक्कु समान लुड्लाँ, ओईन्के सारा सम्पति बिनाश कैडेलाँ ओ धेर इस्राएलीन हे मारडेलाँ। धेर वर्ष टक् परमेश्वरके अनाज्ञाकारी हुईलक् ओरसे ओ अपन शत्रुन्से थिचोमिचो हुईलक् ओरसे, इस्राएलीनके पश्चाताप कैलाँ ओ छुटकाराक् लग् परमेश्वरसे प्रार्थना कैलाँ,

तब परमेश्वर ओईन् के लग् एक जाने छुटकारा डेना मनै पठाडेलाँ, जे चाहिँ ओईन् हे शत्रुन् से बचाके ओ देशमे शान्ति नन्लाँ। परमेश्पर हे विश्राके फेन् से मनै मुर्ति पुज्ना शुरु कैलाँ। उहेक मारे परमेश्वर मिध्यानीनहे – (लग्गे बैठुईया एक जाति जौन इस्राएलीनके शत्रु रहिँट् ) ओईन् हे परमेश्वर विजय हुई नै डेलाँ।

सात वर्ष टक् मिध्यानीनके इस्राएलीनके सक्कु अन्नबाली लै गैलाँ। इस्राएलीन हे अट्ना डरभुटल् रहिँट् कि मिध्यानीनके हम्रहिँन नै भेट्टैहिँ कहिके ओईने गुफामे नुकिँट्। कुछु उपाए नै लाग्के आखिर ओईने परमेश्वरहे पुकार कैलाँ।

एक दिन गिदोन नाउँ कैलक् इस्राएलके एक जाने मनै चुपे चुपे अनाज झाँट्टी रहे कहुँ मिध्यानी आके अनाज अँछोरके लै जाई नापाए। उहे बखट् याहोवे के एक दुत गिदोनके ठन् आके कहलाँ, “परमेश्वर टोरीक साथमे बटाँ वीर यौद्धा। “जा ओ इस्राएलीन हे मिध्यानीनके हाँठ से बचा। ”

गिदोनके बाबक् ठन् मुर्ति अर्पण कैलके बनैलक् एकठो वेदी रहे। परमेश्वर गिदोनहे उ मुर्तिहे भत्काई लगैलाँ। तर गिदोन मनैन् हे डेख्के डरा गैल्, उहेक् मारे रात नैहुईटिक् घचिक् टके उ हँसियैटि रहे। तब गिदोन उहे वेदीहे सक्कु फोरडेहल ओ सक्कु टुक्रा टुक्रा पारडेहल। तब मुर्ति ढैलना बनैलक् वेदीक ओकर लग्गे परमेश्वरके लग् एकठो लावा वेदी बनाईल् ओ परमेश्वरके लग् बलि डेहल्।

ओकर बिहान पटा नै रहे तर ओईनके वेदी भत्काईल ् मनैन्के डेख्लाँ ओ ओईने मनके रिसईलाँ। गिदोनहे मारक् लग् ओइृन् ओकर घरमे गैलाँ। तर ओकर बाबा ओईनह् कहल्, टुहरे काकरे आपन देवताहे सहायला करे खोजटो ? यदि यी देवता हो टे, उ आपन आपहे बचाई।

फेन पाछे मिध्यानीनके इस्राएलीनहे लुटे अईलाँ। ओईने अट्ना धेर आईल रहिँटे ओईने गनके सेक्ना फेन नै सेकना मेर आईल रना। ओईन् से लराई करक् लग् गिदोन इस्राएलीनहे एकसाथ जम्मा कैल्।गिदोन परमेश्वर से दुईठो चिन्ह मागल् ताकि इस्राएलके बचाउक् लग् परमेश्वर उहिहे चलैटी बटाँ कहिके ओइृने पक्का निश्चित सुईसे किँट्।

पहिलो चिन्हके लग् गिदोन भुँईयाँमे एकठो कपरा बिच्छाईल् ओ परमेश्वरहे जौ बिहानके शित भुँइँयाँमे नै जाके खालिस बिच्छईलक् कपारामे किल परि कहिके अनुरोध कैल। डोसर पटक चाहिँ गिदोन कहठ् भुँईयाँहे भिजा डेवी तर कपराहे चाहिँ सुख्खा कैडेवी कहिके परमेश्वर से अनुरोध कैल्। परमेश्वर फेन् ओस्टेहेँ कैडलाँ। यी दुईठो चिन्हसे गिदोन मिध्यानीनसे इस्राएलीनहे बचाईक् लग् परमेश्वर उहिहे चलैलाँ कहिके विस्वास कैलाँ।

गिदोनके ठन् ३२,००० इस्राएली सैनिक अईलाँ, तर परमेश्वर गिदोनहे कहलाँ यी संख्या धेर होगैल्। उहेक मारे गिदोन डराईल् २२,००० सैनिकहे घर पठाडेलाँ, परमेश्वर गिदोनहे मनैनके संख्या अभिन धेर हुईलक् बटैँलाँ। उहेक मारे गिदोन ३०० सैनिक बाहे बाँकी आकुर सक्कु जनहनहे घर पठाडेलाँ।

उहे रातके परमेश्वर गिदोनहे कहलाँ, मिध्यानीनके पालमे जा ओ जब टैँ ओईनके कहल बाट् सुन्बे टे, टैँ फेनसे नैडरैबे। “उहेक मारे उहे रा गिदोन टरे पालमे अटरल् ओ एक जाने मिध्यानी सैनिक आपन सँघरीयाहे सपनामे डेख्लग् कुछ् बाट् कैटि कैलक् सुनल् । उ मनैयाँ अईसिक कहटेहे, “यी सपनाके अर्थ हो कि, गिदोनके फौज मिध्यानी फौजहे परास्त कैडिहिँ।

तब पाछे गिदोन आपन् सैनिक ठने घुमके आईल् ओ प्रत्येक हे एक–एकठो तुरहि माटीक् गग्री ओ जोँजा डेहल्। तब ओईने मिध्यानी सुटल सिविरमे घेरा डरलाँ। गिदोनके ३०० मनै आपन जोँजा गग्री भित्तर ढैले रहिँट् ताकि मिध्यानीनके जोँजाक् ओजार नाडेखिँट्।

तब गिदोनके सक्कु सैनिकन् के एकफाले जोँजा डेखईटी आपन् गग्री फोरलाँ। ओईने आपन तुरहि फुँकलाँ ओ मनके होहलैलाँ, “याहोवे ओ गिदोनके लग् तरवार ”

परमेश्वर मिध्यानीनहे अलमलामे पारडेलाँ, उहे बेला ओईने आक्रमण करे लग्लाँ ओ एक दोसर हे मारे लग्लाँ। तुरुन्ते आकुर इस्राएलीनके ओईनहे घरेमन् से मिध्यानीन रखेडक् लग् बलैलाँ। ओईने धेर जनहने हे मुँओईलाँ ओ बाँकी रलक् इस्राएलीनके भुमिसे बाहर निकारडेलाँ। उहे दिन १,२०,००० मिध्यानीनहे मरलाँ। इस्राएलीनहे परमेश्वर बचैले रहिँट्।

मनैनके गिदोनहे ओईने रजवा बनाईक् लग् रहिँट्। गिदोन ओईने हे अईसिक् करे नै डेहल् तर ओईने मिध्यानीनसे लेलक् सुनके केही औठी मँग्लाँ। मनैन के गिदोनहे धेर के सुन डेलाँ।

तब गिदोन उ सुन प्रधान पुजाहरी लगैलाहस् एक विशेष झुलुवा बनैनाईक लग् प्रयोग कैल्। तर मनैनके उहिहे पुजा करे लग्लाँ जानो कि उ एकठो मुर्ति हो। उहेक मारे परमेश्वर फेन इस्राएलीन फेन से दण्ड डेलाँ काकरे कि ओईने मुर्तिहे पुजा कैलाँ। परमेश्वर ओईनके शत्रुहे ओईनमे विजय हुई नैडेलाँ। आखिरमे ओईने परमेश्वरहे सहायताक् लग् गोहार मँग्लाँ, तब परमेश्वर ओईनहे दोसर एक जाने छुट्कारा डेना मनै पठाडेलाँ।

यी प्रकारके खाका धेर पटक् डोहरल् इस्राएलीनके पाप करिँट्, परमेश्वर ओईनहे दण्ड डिँट्, ओईने पश्चाताप करिँट् ओ परमेश्वर ओईनहे बचाइक् लग् छुटकारा डेना मनै पठाईँट्। धेर वर्षके अन्तरालमे परमेश्वर धेर छुटकारा डेना मनै पठैलाँ जे इस्राएलीनहे ओईनके शत्रुसे बचैलाँ।

अनटमे, मनैनके आकुर राष्ट्रमे हुईलक् हस् परमेश्वरसे एक जाने रजवाक् माग कैलाँ। ओईने ऐसिन राजाक् चाह करिँट् जे चाहिँ ढेँग ओ बल्गर हुईना चाहि, तब ओईने लराईमे अगुवाई करे सेक्ना। परमेश्वर ऐसिन अनुरोध मन नै परैले रहिँट् तब्बोपर परमेश्वर ओईनहे खोजल् हस् रजवा डेलाँ।