30. ३०. येशू पाँच हजार मनैनहै खओईलाँ

मनैनहे प्रचार कैना ओ शिक्षा डेना येशू अपन चेलानहे विभिन्न ठाउँमे पठैलाँ । जब ओईने येशू हुई लक् ठाउँमे घुम्के अईलाँ, ओईने अपन कैलक् काम ओँहाँहे बटैलाँ। ओकर पाछे येशू ओईनहे अपन सँगे समन्द« ओँहँपार गैलाँ, एक शान्त ठाउँमे जाके कुछ समय बिसाँईक् लग् बलैलाँ। उहेक् मारे, ओईने एकठो लाऊ मे चिहुँरलाँ ओ समन्द«क ओँहँपार ओर गैलाँ।

तर ओँहाँटे धेर मनै रहिँट्, जे येशूहे ओ ओँहाँक चेलान्हे लाऊमे चौह्रके डोसर ओर जाईट् डेख्लाँ। यी मनै फेन ओँहाँसे आघे समुन्द«क् ओँहँपार जैना डाँउँसे आँरि टिटिर होके डौरलाँ। तसर्थ, जब येशू ओ चेलानके उहे ठाउँमे पुगलाँ, मनैन्के भारी भिर ओँहाँमे आघे जो ओँहाँहे हँसियाईटी रहिँट्।

उहे भिरमे स्त्री ओ बालख नै गनके करीब ५,००० से ज्यादा पुरुष रहिँट्। येशू उ मनैनहे दया डेखैलाँ। येशूक् लग् उ मनै गोठाला विनाके भेँरीन् सरह रहिँट्। उहेक मारे ओँहाँ ओईन्हे शिक्षा डेलाँ ओ रोगी मनैनहे निको कैलाँ।

दिनके अन्तिम ओर, चेलानके येशूहे कहलाँ, “आब टे बेर होसेकल् ओ यहाँ कौन मनैनके बस्ती फेन नैहो। यी मनैन कहुँ डोसर ओर पठाडि ताकि यइने कुछ खैना पाई सेकहिँ।”

तर येशू चेलान् हे कहलाँ, “टुहरे जो यैन् लग ्खानाके व्यवस्था कैडेओ

येशू भिरमे रलक् मनैनहे पचास–पचास जाने झुण्डमे बैठो कहिके चेलान्हे कहे लगैलाँ।

तब येशू उ पाँचठो रोटी ओ दुईठो मच्छि« लेलाँ, ऐसिक् उँप्पर स्वर्ग ओर हेरलाँ, ओ खैना चिजके लग् परमेश्वरहे धन्यवाद डेलाँ।

ओकर पाछे येशू रोटी ओ मच्छि« हे छुटी–छुटी टुक्रा कैके टरलाँ। ओँहाँ उ टुक्राहे मनैनहे बाँटक् लग् चेलानहे डेलाँ। चेलानके खैना चिज बाँट्टी रलाँ, ओ उ ओरैबे –ओरैबे नैकरल्।

ओकर पाछे, चेलानके उबरलक् खैना चिज जम्मा कैलाँ, तब खाके उबरलक् करीब बाह्र ढकिया रहे।