38. ३८. येशूनहे धोखा

हरेक वर्ष यहुदीनके निस्तार चार्ड मनैना करिँट्। यी एक उत्सव रहे जौ कयौं शताब्दी आघेसे कैसिक परमेश्वर ओईनके पुर्खानके मिश्रदेशके दासत्वसे बचैले रहिँट् ओकर सम्झनामे मनैना करिँट्। येशू पहिले चो खुल्ला रुपमे प्रचार ओ शिक्षा डेहे लग्लक् करिब तिन वर्ष पाछे, ओँहाँ अपन चेलानके ओईनके साथ यरुशलेममे निस्तार चाड मनाईना चाहा रलक बाटे बटैलाँ, तब यी फेन् महलाँ कि ओँहाँ ओँहाँमे मुना पर्ना रहे।

येशूके चेलामध्ये मनसे यहुदा नाउँ कैलक् एकजाने मनैयाँ रहे। यहुदा चेलानके पैसाके ठैलीके जिम्मे वाल रहे, तर उ पैसाहे प्रेम करे ओ अक्सर ठैलीसे पैसा चोराए। येशू ओ चेलानके येरुशलेममे आपुग्लाँ तब पाछे, यहुदा यहुदी अगुवाक् ठन् गईल् ओ पैसा लेके येशूनहे धोखा डेना प्रस्ताव ढारल्। यहदी अगुवानके येशू मसिह हुईँट् कहिके अस्वीकार करिँट् ओ ओँहाँहे मर्ना षडेन्त्र रचले रहिँट् कहिके बाट् उहिहे पटा रहिस्।

प्रधान पुजाहारीके नेतृत्वमे,यहुदी अगुवानके येशूनहे विश्वासघाट करक् लग् यहुदाहे तीस ठो चाँदीक सिक्का डेलाँ। अगमवक्तानके भविष्यवाणी कैलक जैसिन यी बाट् हुईलस्। यहुदा यी बाट्मे मञ्जुर कैलस्, ओ पैसा लेहल्, ओ ओँहाँसे गैल् ओ येशून पक्रना सहायता करक् लग मौका खोजे लगलाँ ।

येरुशलेममे, येशु अपन चेलान साथ निस्तार चाड मनैलाँ। निस्तार चाडके भोजके समयमे, येशू कुछ रोटी लेलाँ ओ उहिहे छुटी–छुटी टुक्रा कैलाँ। ओँहाँ कहलाँ, “यी लेओ ओ खाओ। यी मोरीक शरीर हो, जौ टुहरिनके लग् डेगैल् बा। यी मोरीक सम्झनामे कैना कर्यौ।” यी प्रकारसे येशू कहलाँ, कि ओँहाँक शरीर ओईनके लग् बलिदान हुईना रहे।

तब येशू खोर्या लेलाँ ओ कहलाँ, “य पिओ। यी नयाँ करारके मोरीक लहु हो, जौ पाप क्षेमाके लग् बहटी बा। टुहरे हरेकचचो यी पियबर सम्झना कैना कर्यौ।”

ओकरपाछे येशू चेलानहे कहलाँ, “टुहरिन मध्ये मनसे एकजाने महिहे धोखा डेबो।” चेलानके छक्क परलाँ, ओ के ऐसिन काम करी कहिके पुँछे लग्लाँ। येशू कहलाँ, जिहिहे मै यी रोटीक टक्रा डेबुँ, उहे विश्वासघाती रहि।” तब येशू उ रोटीक टुक्रा यहुदाहे डेलाँ।

यहुदा रोटी लेहल तब पाछे, शैतान ओकर भित्तर पैठल्। यहुदा ओँहाँसे निकरके येशूनहे पक्राडेना सहायता करक् लग् यहुदी हगुवानके ठन् गईल्। यी ठिक् रातके समय रहे।

भोजन पाछे, येशू ओँहाँक चेलानके नेँग्टी जैतुन पर्वतवामे गैलाँ। येशू कहलाँ, “टुहरे आझ रात महिँहे त्याग्बो। जैसिन लिखल् बा, मै गोठालनहे प्रहार कैबुँ ओ सक्कु भेँरीनके तितर–वितर हुँइँहिँ।”’

पत्रुस जवाफ डेलाँ, “आकुर सक्कु जाने अपनिनहे त्यग्लेसे फेन, मै नै त्यागम्

तब पत्रुस येशूनहे कहलाँ, “महिहे मुँएँ परलेसे फेन, मै कबो फेन अपनीनहे इन्कार नैकरम

तब येशू ओँहाँक चेलानसँगे गेतसमनी कहना ठाउँमे गैलाँ। येशू ओँहाँ चेलानके परीक्षामे नापरिँट् कहिके प्रार्थना करे कहलाँ। तब येशू अपनेँहेँ प्रार्थना करे गैलाँ।

येशू तीन चो प्रार्थना कैला, “हे पिता, सम्भव बा कलेसे, कृपया महिहे यी कचौराके कष्ट पिए नापरे। तर मनैनके पाप क्षमाके लग् ओँहाँ आकुर कौनो डग्गर नैहो कलेसे, अपनीक इच्छा पुरा होए। ” येशू धेर विचलिट हुईल रहिँट् ओ ओँहाँक पस्ना रगतके बुँडाहस् रहिन्। परमेश्वर स्वर्गदुतनहे ओँहाँ ठन् शक्ति डेहक् लग् पठैलाँ।

प्रार्थनाके पाछ्, येशू ओँहाँक चेलानके ठन घुमके चलैलाँ, तर ओईने निडाईल् रहिँट्। जब ओँहाँ तेस्रो चो घुमके अईलाँ, येशू कहलाँ, “उठो

यहुदी अगुवान, सैनिकन ओ तरवार ओ लठी लके भारी भीडके साथमे यहुदा आईल्।उ येशूक ठन् आके कहल्, “प्रणाम, गुरुज्यू,” तब ओँहाँहे चुम्बन कैलस्। यी यहुदी अगुवान्हे ओईन कैसिक् पक्रना हो कहिके पट्टा लगाईक लग् कैना संकेट रहे। तब येशू कहलाँ, “यहुदा, चुम्बन् लेके टुँ महिह धोखा डेहटो ?”

जब सैनिकनके येशूहे पक्रलाँ, पत्रुस तरवार निकारलाँ ओ प्रधान–पुजाहारीके एकजाने नोकरके कान काट्डेलाँ। येशू कहलाँ, “तरवार डुरहिँ ढारो