39. ३९. महासभाके सम्मुख येशू

आधा रातके समय रहे। सेनानके पुँछताछके लग् येशूहे प्रधान पुजाहारीनके घरेमे लैगैलाँ। पत्रुस डुरहिँसे ओईनके पाछे लागल् रहिँट्। जब येशूनहे घरके भित्तर लैगैलाँ, पत्रुस बाहर बैठल् ओ आगी टप्टी अपन आपहे डँन्डुर बनाईल्।

येशू घरेक भित्तर, यहुदी अगुवानके महासभाके आघे ढैलाँ। ओइृने धेर झुँठ् साक्षीनके लन्लाँ, जे ओँहाँक बारेमे झुँठ् बयान डेलाँ। तथापि, ओईनके बयान एक डोसर जनहन सँगे नै मिलल्, तसर्थ यहुदी अगसवानके ओँहाँकमे कौनो चिजमे दोष प्रमाण करे नैसेक्लाँ। येशू कुछु फेन नै बोललाँ।

अन्तमे, प्रधान पुजाहारी सोझे येशूओर हेरलाँ ओ कहलाँ, “हम्रहीन कहो, का टुँ मसिह हो, जीवित परमेश्वरके पुत्र ?”

येशू कहलाँ, “मै हुँ, अपनी महिँहे परमेश्वरसे बैठल् ओ स्वर्गसे अईटि कैलक् डेख्बो।” प्रधान पुजाहारी रिसक् मारे अपन कपरा चिठल् ओ धार्मिक अगुवानहे अईसिक् कहिके बोलल्, “हम्रहिन आकुर क्यक्रो गवाही नै चाहि।

सक्कु यहुदी अगुवानके जवाफ डेलाँ, “यी मुँना योग्यके बा

जब पत्रुस घर बाहर हँसियैटि बैठल् रहे, एक जाने नोकर्नी उहिन डेखल ओ कहल्, टुँ फेन् येशूसँगे रहो

येशू तब पत्रुस अईसिक् कहिके वाचा कैल्, “यदि मै यी मनैयाहे चिन्हले रटुँ कलेसे परमेश्वर महिहे श्राप डैडिहिँ

पत्रुस ओँहाँसे डोसर ओर गैलाँ ओ रोईलाँ। यीहे समयके बिच, उ विश्वासघाती यहुदा यहुदी अगुवानके येशुनहे मारक् लग् दोष लगैटी कैलक् डेख्लाँ यहुदा शोकसे भरल तब ओँहाँसे डोसर ओर गैल् ओ आत्माहत्या कैल्।

डोसर बिहान सक्करहिँ, यहुदी अगुवानके येशूनहे रोमी राज्य पाल, पिलातस सामु लन्लाँ। ओईने यी आशा कैलेरहिँट् कि पिलातुस येशूनहे दोषी ठहराडिहिँ ओ ओँहाँहे मृत्युदण्डके सजाय डिहिँ। पिलातस येशूनहे पुँछलाँ, “का टुँ यहुदीनके रजवा हो ?”

येशू जवाफ डेलाँ, “अपनी जो कहटी, तर मोरीक राज्य संसारके राज्य नैहो। यदि अईसिन हो कलेसे, मोरी सेवकन्के मोरीक लग् लराई कैटाँ। मै संसारमे परमेश्वरके सत्यता बटाई आईल बटुँ। सक्कु जाने जे सत्याताहे पे्रम कैठाँ, ओईने मोरीक बाट् सुन्ठाँ।” पिलातस कहलाँ, “सत्यता का हो ?”

येशूनसे बटवाके सेकला तब पाछे, पिलातस बाहर भीडमे जाके कहलाा, “ यी मनैनमे मै कौनो दोष नैहसईन्। ” तर यहुदीन अगुवान ओ भीड अईसिक कहिके नारा लगैलाँ, “उहिनहे क्रुसमे टाँगो

आब भीड दंगा हुईनाहस चाल पैलिन् तब पिलातस डरैलाँ। उहेक मारे उ अपन सिपाहिनहे येशूहे क्रुसमे टँङ्गना आदेश डेलाँ। रोमी सिपाहिनके येशुन्हे कोर्रा लगैलाँ ओ राजकिए पोशाक ओ काँटासे बनाईलक् मुकुट ओँहाँहे लगाडेलाँ। तब पाछे ओईने अईसिक कहिके खिझ्वाईलाँ, “हेरो, यहुदीनके रजवा