40. ४०. येशूसुन्हे कूमे टाँङ्गडेलाँ

येशून्हे गिल्ला कैलाँ तब पाछे, सिपाहिनके ओँहाँहे क्रुसमे टाँगक् लक् ओँहाँसे डोसर ओर लैगैलाँ। ओईने ओँहाँहे क्रूस बोके लगैलाँ जौन ओम्नेँहेँ ओँहाँहे टँगैना रहिन्।

उ सिपाहिनके येशून्हे “खप्परे” कहना ठाउँमे लन्लाँ ओ ओँहाँक् हाँठ ओ पाउ क्रूसमे ढैके ओर उप्पर किल्ला ठोडेलाँ। तर येशु कहलाँ, “पिता, येईनहे क्षेमा कैडी, काकरे कि यैने काकरटँटाँ, यैन् पटा नैहुईन्।” पिलातस सिपाहिनहे एकठो पाटीमे “यहुदीनके रजवा” लिखके ओ उहिहे क्रुसमे येशूके ठिक शिरको उप्पर ढैना हुकुम डेलाँ ।

सिपहिनके येशून्के बस्त्रमे चिठ्ठा डरलाँ यैने अईसिन कैलाँ टे उ अगमवाणी पुरा हुईल, जे कहले रहे, “टुहरे मोरीक बस्त्र अपन आपमे बँट्हिँ, ओ मोरीक कपडाक् लग् चिठ्ठा ड र हिँ।”

येशून्हे दुईठो लुटेरानके बिचमे टँगले रहिँट्। उ मध्ये मनसे एक जाने गिल्ला कैल, तर दोसर जाने कहलाँ, “का टुँहिनहे परमेश्वरके डर नैहो ? हम्रे टे दोषी बटी, तर यी मनै टे निदोष बटाँ।” तब उ येशूनहे कहल, “ कृपया महिँहे अपनिक् राज्यमे सम्झबी।” येशू जवाफ डेलाँ, “आझु, टुँ मोरीकसँगे स्वर्गमे हुईबो।”

यहुदी अगुवान ओ भीडमे रलक् आकुर मनैनके येशुनहे गिल्ला कैलाँ। ओईने ओँहाँहे कहलाँ, “यदि टुँ परमेश्वरके पुत्र हो कलेसे, क्रूसमनसे टरे उटरके आऊ ओ अपन आपहे बचाऊ

तब समस्त इलाका ओर अन्धार हुईल, यद्धपी उ दिन मध्ये दिन समय रहे। उ अन्धानर मध्यान्हके तीन बजेसम्मे रहे।

तब पाछे येशू मन्के चर्को स्वरमे आवाज निकरलाँ, “आब ओरागैल्

ओँहाँक् मृत्युद्धारा, येशू मनैनके लग् परमेश्वरके ठन् जैना डग्गर खोल्डेलाँ। येशूनहे पहरा डेना उ सिपाहिन्के यी सक्कु चिज हुईलक् घटना डेखल्, ओ उ कहल, “फुरह्न्डे, यी मनै निर्दोष रहिँट्। ओँहाँ परमेश्वरके पुत्र रहिँट्।”

तब योसेफ ओ निकोदेमस, येशूहे मसिह कहिके विश्वास कैलक् दुई जाने यहुदी अगुवानके पिलातस से येशुक शरीर मँगलाँ। ओइने येशूक शरीरहे मलमलके कपडासे बेरलाँ ओ उहिनहे चट्टानमे खोँन्डके बनाईलक् चिहान भित्तर ढैलाँ। तब पाछे चिहानके मुँह छोपक् लग् ओकर आघे भारी ढुङ्गा बिल्ट्वाके छोप डेलाँ।