41. ४१. परमेश्वर येशूनहे मृत्युसे जीवित कैलाँ

सिपाहिनके येशूनहे क्रुसमे टाँगके सेक्ला तब पाछे, अविश्वासीन यहुदी अगुवानहे पिलातस कहलाँ, “उ झुँठ येशू कले रहे कि ऊ तीन दिन पाछे मुर्डासे जिउठी। ओकर चेलानके ओकर लास चोराके लैजैहिस्, तब उ मृत्युसे बौरीके उठल् कहिके जिन कहहो यी बाट् पक्का करक लग् कौना कौनो उ चिहानहे पहरा डेहिहि परि।”

पिलातस कहलाँ, “कुछ सिपाहिन लैजाऊ ओ उ चिहानहे सेक्ले से टुहरे सक्दो सुरक्षा कैहो।” उहेकमारे ओईने चिहानके मुँहमे हुईलके ढुङ्गामे एकठो लाहा छाप लगैलाँ ओ क्यौ फेन् शरीरहे चोराके लै जाई नै सक्ना पाक्का करक लग् सिपाहिनके ओँहाँ ढैलाँ।

येशूनहे भँठरलके काह्ल सबाथके दिन रहे, ओ यहुदीनहे उ दिनमे चिहानमे जैना मनाही रहे। उहेक मारे शबात दिनके काह्ल् सकारे भिन्सरहिँ, कुछ स्त्रीनके येशूक चिहानमे ओँहाँक शरीरमे अत्तर लगाई जैना तयार हुईलाँ।

अचानक, एकठो भारी भुकम्प गैल्। चट्याङ्ग गिरेहस् विजली चम्केहस स्वर्गदुत स्वर्गसे देखा परलाँ। स्वर्गदुत चिहानके मुँह् छोपलक् ढुङ्गाहे ओँहाँसे हटाके ओकर उप्पर बैठल् रहिँट्। चिहानमे पहरा डेटिरहलम् सिपाहिनके डरके मारे, आईने मुँवँल् मनैन हस होके भुँइँयम् गिरल रहिँट्।

जब उ स्त्रीनके चिहानमे अईलाँ, उ स्वर्गदत् ओईनहे कहलाँ, “जिन डराओ। येशू यहाँ नैहुँइँट्। ओँहाँ कहल हस्, ओँहाँ बौरी उठ्सेक्लाँ।

ओ स्वर्गदुत उ स्त्रीनहे कहलाँ, “ जाउ ओ चेलानह बटाडेओ, ‘येशू मृत्युसे बौरी उठ्सेक्लाँ ओ ओँहाँ टुहरीनके आघे गालिलमे जैहिँ।”’

उ स्त्रीनके डर ओ भारी रमाहाटसे भरल रहिँट्। ओईने चेलानहे यी खुशीके समाचार सुनाईक् लग् डगुरटि गैलाँ।

जब उ स्त्रीनके चेलानहे यी खुशीक् समाचार सुनाई जैटि रहिँट्, येशू ओईनके ठने डेखा परलाँ, ओ ओईने ओँहाँक आराधना कैलाँ येशु कहलाँ, “जिन डराओ। जाऊ ओ मोरीक् चेलानहे गालिलमे जाई कहिडेहो। ओईने महिँहे उँहिँ डेखहिँ।”